ਸਾਬਕਾ ਪ੍ਰਧਾਨ ਨੇ ਨਿੱਜੀ ਮਸ਼ੀਨਾ ਲੈ ਕੇ ਭੀਖੀ ‘ਚ ਫੌਗਿੰਗ ਕਰਵਾਈ

ਬਲਦੇਵ ਸਿੰਘ ਸਿੱਧੂ, ਪੰਜਾਬੀ ਜਾਗਰਣ, ਭੀਖੀ ਭੀਖੀ ਵਿਖੇ ਪਿਛਲੇ ਦਿਨਾ ਤੋ ਫੈਲ ਰਹੇ ਡੇਂਗੂ ਤੇ ਚਿਕਨਗੁਨੀਏ ਵਰਗੀਆਂ ਬਿਮਾਰੀਆਂ ਤੋ ਪੀੜਤ ਲੋਕ ਲਗਭਗ ਹਰੇਕ ਘਰ ਵਿਖੇ ਪਏ ਹਨ। ਡਾਕਟਰਾਂ ਅਤੇ ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਬਿਮਾਰੀਆਂ ਮੱਛਰਾਂ ਤੋਂ ਫੈਲਦੀਆਂ ਹਨ ਜਦੋ ਕਿ ਬਰਸਾਤਾਂ ਤੋ ਬਾਅਦ ਅਜੇ ਤੱਕ ਭੀਖੀ ਦੀਆਂ ਕਈ ਗਲੀਆਂ ਅਤੇ ਸ਼ੜਕਾਂ ਤੇ ਗੰਦਾ ਪਾਣੀ ਫਿਰ ਰਿਹਾ ਹੈ ਜਿਸ ਕਾਰਨ ਉਕਤ ਬਿਮਾਰੀਆਂ ਫੈਲ ਰਹੀਆਂ ਹਨ। ਜਦੋ ਮੌਜੂਦਾ ਨਗਰ ਪੰਚਾਇਤ ਤੇ ਪ੍ਰਸ਼ਾਸ਼ਨ ਨੇ ਮੱਛਰ ਨੂੰ ਮਾਰਨ ਲਈ ਫੌਗਿੰਗ ਕਰਨ ਵੱਲ ਕੋਈ ਧਿਆਨ ਨਾ ਦਿੱਤਾ ਤਾਂ ਭੀਖੀ ਵਾਸੀਆਂ ਨੂੰ ਮੱਛਰਾਂ ਤੋਂ ਨਿਜਾਤ ਦਿਵਾਉਣ ਲਈ ਨਗਰ ਪੰਚਾਇਤ ਭੀਖੀ ਦੇ ਸਾਬਕਾ ਪ੍ਰਧਾਨ ਤੇ ਮੌਜੂਦਾ ਕੌਸਲਰ ਹਰਪ੍ਰੀਤ ਸਿੰਘ ਚਹਿਲ ਨੇ ਆਪਣੀ ਜੇਬ ਚੋ ਖਰਚ ਕਰਕੇ ਦੋ ਫੌਗਿੰਗ ਮਸ਼ੀਨਾ ਲਿਆਂਦੀਆਂ ਤੇ ਸਮੁੱਚੇ ਵਾਰਡਾਂ ਚ ਫੌਗਿੰਗ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਉਹਨਾ ਦੱਸਿਆ ਕਿ ਵਾਰਡ ਨੰਬਰ 12 ,4,5 ਅਤੇ ਤੋ ਇਲਾਵਾ ਮਿਉਸਪਲ ਪਾਹਕ ਭੀਖੀ ਦੀਆਂ ਧਰਮਸ਼ਲਾਂਵਾ ਤੇ ਹੋਰ ਕਈ ਸਾਂਝੀਆਂ ਥਾਂਵਾ ਤੇ ਫੌਗਿੰਗ ਕਰ ਦਿੱਤੀ ਹੈ ਤੇ ਬਾਕੀ ਰਹਿੰਦੇ ਵਾਰਡਾਂ ਚ ਵੀ ਛੇਤੀ ਕਰ ਦਿੱਤੀ ਜਾਵੇਗੀ ਫੌਗਿੰਗ ਲਈ ਵਰਤੀ ਜਾਂਦੀ ਦਵਾਈ ਵੀ ਕਾਫੀ ਮਹਿੰਗੀ ਹੈ ਉਹ ਵੀ ਆਪਣੇ ਪੱਲਿਓ ਖਰਚ ਕੇ ਕਰ ਰਹੇ ਹਨ। ਦੂਜੇ ਪਾਸੇ ਨਗਰ ਪੰਚਾਇਤ ਭੀਖੀ ਨੇ ਵੀ ਹੁਣ ਫੌਗਿੰਗ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਇਸ ਮੌਕੇ ਕਿਸਾਨ ਆਗੂ ਗੁਰਨਾਮ ਸਿੰਘ ਭੀਖੀ ਐਡਵੋਕੇ ਓਕਾਂਰ ਮਿੱਤਲ ,ਕਾਲਾ ਸਿੰਘ ,ਕੌਸਲਰ ਸ਼ੁਰੇਸ਼ ਕੁਮਾਰ ਬਿੰਦਲ, ਸ਼ੈਰੀ ਚਹਿਲ,ਲਿਬਰੇਸਨ ਆਗੂ ਦਰਸ਼ਨ ਸਿੰਘ ਟੇਲਰ ,ਰਛਪਾਲ ਟੈਨੀ ,ਦਰਸ਼ਨ ਸਿੰਘ ਸੁਸਾਇਟੀ ਮੈਬਰ ,ਬਿੱਲੂ ਸਿੰਘ ,ਹਰਪਾਲ ਕੱਤਰੀ ਅਜੈਬ ਸਿੰਘ ਭੀਖੀ ਆਦਿ ਹਾਜਰ ਸਨ।