ਰਣਜੀਤ ਐਵੀਨਿਊ 'ਚ ਲੱਗਿਆ ਕੁੱਤਿਆਂ ਦਾ ਮੇਲਾ: 80 ਲੱਖ ਦੇ ਜਰਮਨ ਸ਼ੈਫਰਡ ਨੇ ਖੱਟੀ ਵਾਹ-ਵਾਹ; ਕਰੋੜਾਂ ਦੀ ਕੀਮਤ ਵਾਲੇ ਕੁੱਤਿਆਂ ਨੇ ਮੋਹਿਆ ਲੋਕਾਂ ਦਾ ਮਨ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ ਅੰਮ੍ਰਿਤਸਰ : ਅੰਮ੍ਰਿਤਸਰ ਕੈਨਾਇਨ ਕਲੱਬ ਨੇ ਰਣਜੀਤ ਐਵੀਨਿਊ 'ਚ ਪਾਈਟੈਕਸ ਗਰਾਊਂਡ ਵਿਖੇ ਆਲ ਬ੍ਰੀਡ ਓਪਨ ਡੌਗ ਸ਼ੋਅ ਕਰਵਾਇਆ। ਕਲੱਬ ਵਲੋਂ ਪਿਛਲੇ ਦਸ ਸਾਲਾਂ ਤੋਂ ਕਰਵਾਇਆ ਜਾ ਰਿਹਾ ਇਹ ਡੌਗ ਸ਼ੋਅ 7ਵਾਂ ਅਤੇ 8ਵਾਂ ਆਲ ਬ੍ਰੀਡ ਓਪਨ ਡੌਗ ਸ਼ੋਅ ਅਤੇ ਦੂਜਾ ਜੀਐੱਸਡੀ ਸਪੈਸ਼ਲਿਟੀ ਸ਼ੋਅ ਹੈ, ਜੋ ਕਿ ਕੇਸੀਆਈ ਦੇ ਨਿਯਮਾਂ ਅਤੇ ਸ਼ਰਤਾਂ ਦੇ ਅਨੁਸਾਰ ਹੈ। 80 ਲੱਖ ਰੁਪਏ ਦਾ ਜਰਮਨ ਸ਼ੈਫਰਡ ਸ਼ੋਅ ਵਿਚ ਖਿੱਚ ਦਾ ਕੇਂਦਰ ਰਿਹਾ, ਜੋ ਕਿ ਆਬਡੀਐਂਸ ਮਾਡਲਿੰਗ ਸ਼ੋਅ ਦੇ ਨਾਂ ਹੇਠ ਆਯੋਜਿਤ ਕੀਤਾ ਗਿਆ ਸੀ।

ਦੇਸ਼ ਭਰ ਦੇ ਵੱਖ-ਵੱਖ ਰਾਜਾਂ ਅਤੇ ਸ਼ਹਿਰਾਂ ਤੋਂ ਲੋਕ ਆਪਣੇ ਕੁੱਤੇ ਸ਼ੋਅ ਵਿਚ ਮੁਕਾਬਲਾ ਕਰਨ ਲਈ ਲੈ ਕੇ ਆਏ ਸਨ। ਇਸ ਸ਼ੋਅ ਵਿਚ ਜਰਮਨ ਸ਼ੈਫਰਡ, ਬੁੱਲਡੌਗ, ਲੈਬਰਾਡੋਰ, ਗੋਲਡਨ ਰੀਟ੍ਰੀਵਰ, ਸਾਇਬੇਰੀਅਨ ਹਸਕੀ, ਅਲਾਸਕਨ ਮੈਲਾਮੂਟ, ਯੌਰਕਸ਼ਾਇਰ ਟੈਰੀਅਰ ਅਤੇ ਹੋਰ ਨਸਲਾਂ ਦੇ ਕੁੱਤਿਆਂ ਵਿਚਕਾਰ ਵੱਖ-ਵੱਖ ਮੁਕਾਬਲੇ ਹੋਏ ਅਤੇ ਪੂਰਾ ਸ਼ੋਅ ਡਾਗ ਪ੍ਰੇਮੀਆਂ ਲਈ ਖਿੱਚ ਦਾ ਕੇਂਦਰ ਸੀ।

ਕੁੱਤਿਆਂ ਦੀ ਉਨ੍ਹਾਂ ਦੇ ਮਾਲਕਾਂ ਅਤੇ ਮਾਸਟਰ ਟ੍ਰੇਨਰਾਂ ਨਾਲ ਦੋਸਤੀ ਖਾਸ ਤੌਰ 'ਤੇ ਦੇਖਣਯੋਗ ਸੀ। ਪਟਿਆਲਾ ਦੇ ਹਰਚੰਦ ਸਿੰਘ ਦੇ ਜਰਮਨ ਸ਼ੈਫਰਡ ਨੂੰ ਸ਼ੋਅ ਵਿਚ ਸਭ ਤੋਂ ਵੱਧ ਕੀਮਤ ਨਾਲ ਸਨਮਾਨਿਤ ਕੀਤਾ ਗਿਆ, ਜਿਸ ਦੀ ਕੀਮਤ ਲਗਭਗ 80 ਲੱਖ ਸੀ। ਭਾਰਤ ਅਤੇ ਵਿਦੇਸ਼ਾਂ ਤੋਂ ਜੱਜ ਮੌਜੂਦ ਸਨ, ਜਿਨ੍ਹਾਂ ਵਿਚ ਭਾਰਤ ਤੋਂ ਇਕ ਜਰਮਨ ਸ਼ੈਫਰਡ ਨਸਲ ਦੇ ਮਾਹਰ ਤਪਬ੍ਰਤਾ ਭੱਟਾਚਾਰਜੀ, ਇਕ ਆਲ-ਬ੍ਰੀਡ ਜੱਜ ਏਕਾਪੋਟ ਫੁਰੀਪਨਿਆਫਿਨਨ,ਅਤੇ ਥਾਈਲੈਂਡ ਤੋਂ ਆਲ-ਬ੍ਰੀਡ ਜੱਜ ਜੂਲੀ ਮਾਊਂਟ ਔਕਰਦਿਤ ਸਿਰੀਵੋਂਗਨਾਪਾ ਸ਼ਾਮਲ ਸਨ।