'ਔਰਤਾਂ ਬਹੁਤ ਡਰੀਆਂ ਹੋਈਆਂ ਹਨ', ਬੰਗਾਲ ’ਚ ਵਿਰੋਧ ਪ੍ਰਦਰਸ਼ਨਾਂ ਦੌਰਾਨ NCW ਮੁਖੀ ਪਹੁੰਚੇ ਕੋਲਕਾਤਾ ; ਮੁਰਸ਼ਿਦਾਬਾਦ ਹਿੰਸਾ ਪੀੜਤਾਂ ਨੂੰ ਮਿਲਣਗੇ

ਏਐਨਆਈ, ਕੋਲਕਾਤਾ। ਵਕਫ਼ (ਸੋਧ) ਐਕਟ ਦੇ ਵਿਰੋਧ ਵਿਚ ਮੁਰਸ਼ਿਦਾਬਾਦ ਵਿਚ ਹੋਈ ਹਾਲੀਆ ਹਿੰਸਾ ਦੀ ਜਾਂਚ ਦੀ ਅਗਵਾਈ ਕਰਨ ਲਈ ਵਿਜੇ ਰਾਹਤਕਰ ਕੋਲਕਾਤਾ ਪਹੁੰਚੀ। ਇਸ ਦੌਰਾਨ, ਵਿਜਯਾ ਰਹਿਤਕਰ ਨੇ ਬੋਲਦੇ ਹੋਏ ਕਿਹਾ ਕਿ ਇੱਥੇ ਹੋਈ ਫਿਰਕੂ ਹਿੰਸਾ ਤੋਂ ਬਾਅਦ, ਔਰਤਾਂ ਬਹੁਤ ਡਰੀਆਂ ਹੋਈਆਂ ਹਨ... NCW ਨੇ ਇਸਦਾ ਨੋਟਿਸ ਲਿਆ ਹੈ ਤੇ ਅਸੀਂ ਇੱਕ ਜਾਂਚ ਕਮੇਟੀ ਬਣਾਈ ਹੈ... ਮੈਂ ਵੀ ਜਾਂਚ ਕਮੇਟੀ ਦਾ ਹਿੱਸਾ ਹਾਂ।

ਪੱਛਮੀ ਬੰਗਾਲ ਦੇ ਮੁਰਸ਼ਿਦਾਬਾਦ ਜ਼ਿਲ੍ਹੇ ਵਿਚ ਵਕਫ਼ ਸੋਧ ਐਕਟ ਦੇ ਖ਼ਿਲਾਫ਼ ਵਿਰੋਧ ਪ੍ਰਦਰਸ਼ਨ ਚੱਲ ਰਹੇ ਹਨ। ਇਸ ਦੌਰਾਨ, ਰਾਸ਼ਟਰੀ ਮਹਿਲਾ ਕਮਿਸ਼ਨ (NCW) ਦੀ ਚੇਅਰਪਰਸਨ ਵਿਜੇ ਰਹਿਤਕਰ ਨੇ ਇਕ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਹੈ ਕਿ ਵਕਫ਼ ਸੋਧ ਐਕਟ ਦੇ ਵਿਰੋਧ ਵਿੱਚ ਔਰਤਾਂ 'ਤੇ ਅੱਤਿਆਚਾਰ ਕੀਤੇ ਗਏ ਹਨ। ਵਿਜਯਾ ਰਾਹਤਕਰ ਵਕਫ਼ (ਸੋਧ) ਐਕਟ ਦੇ ਵਿਰੋਧ ਵਿਚ ਮੁਰਸ਼ਿਦਾਬਾਦ ਵਿਚ ਹੋਈ ਹਾਲੀਆ ਹਿੰਸਾ ਦੀ ਜਾਂਚ ਦੀ ਅਗਵਾਈ ਕਰਨ ਲਈ ਵੀ ਕੋਲਕਾਤਾ ਪਹੁੰਚੀ। ਇਸ ਦੌਰਾਨ, NCW ਮੁਖੀ ਨੇ ਕਿਹਾ: "ਸਾਨੂੰ ਮੀਡੀਆ ਰਿਪੋਰਟਾਂ ਤੋਂ ਪਤਾ ਲੱਗਾ ਹੈ ਕਿ ਔਰਤਾਂ ਵਿਰੁੱਧ (ਵਕਫ਼ ਸੋਧ ਐਕਟ ਦੇ ਵਿਰੋਧ ਵਿੱਚ ਪੱਛਮੀ ਬੰਗਾਲ ਦੇ ਹਿੰਸਾ ਪ੍ਰਭਾਵਿਤ ਇਲਾਕਿਆਂ ਵਿਚ) ਅੱਤਿਆਚਾਰ ਕੀਤੇ ਗਏ ਹਨ ਅਤੇ ਔਰਤਾਂ ਡਰੀਆਂ ਹੋਈਆਂ ਵੀ ਹਨ।"

'ਅਸੀਂ ਸਥਿਤੀ ਦਾ ਜਾਇਜ਼ਾ ਲਵਾਂਗੇ'

ਵਿਜੇ ਰਾਹਤਕਰ ਨੇ ਕਿਹਾ- ਅਸੀਂ ਸਥਿਤੀ ਨੂੰ ਦੇਖਣ ਲਈ ਮੌਕੇ 'ਤੇ ਜਾਵਾਂਗੇ। ਸਾਡੇ ਕੋਲ ਰਿਪੋਰਟਾਂ ਹਨ, ਪਰ ਅਸੀਂ ਉੱਥੇ ਜਾਵਾਂਗੇ ਅਤੇ ਔਰਤਾਂ ਨਾਲ ਗੱਲ ਕਰਾਂਗੇ, ਕਿਉਂਕਿ ਔਰਤਾਂ ਵਿਰੁੱਧ ਅੱਤਿਆਚਾਰ ਸਵੀਕਾਰ ਨਹੀਂ ਕੀਤੇ ਜਾਂਦੇ ਅਤੇ ਅਜਿਹੀਆਂ ਚੀਜ਼ਾਂ ਨਹੀਂ ਹੋਣੀਆਂ ਚਾਹੀਦੀਆਂ।

ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਵਿਜਯਾ ਰਹਿਤਕਰ ਨੇ ਕਿਹਾ, 'ਇੱਥੇ ਫਿਰਕੂ ਹਿੰਸਾ ਭੜਕਣ ਤੋਂ ਬਾਅਦ ਔਰਤਾਂ ਬਹੁਤ ਡਰੀਆਂ ਹੋਈਆਂ ਹਨ.. NCW ਨੇ ਇਸ ਦਾ ਨੋਟਿਸ ਲਿਆ ਹੈ ਅਤੇ ਅਸੀਂ ਇਕ ਜਾਂਚ ਕਮੇਟੀ ਬਣਾਈ ਹੈ..ਮੈਂ ਵੀ ਜਾਂਚ ਕਮੇਟੀ ਦਾ ਹਿੱਸਾ ਹਾਂ।' ਅਗਲੇ ਤਿੰਨ ਦਿਨਾਂ ਵਿਚ ਅਸੀਂ ਹਿੰਸਾ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ ਕਰਾਂਗੇ। ਅਸੀਂ ਮਾਲਦਾ ਤੇ ਮੁਰਸ਼ੀਦਾਬਾਦ ਜਾਵਾਂਗੇ। ਅਸੀਂ ਉੱਥੇ ਪ੍ਰਭਾਵਿਤ ਔਰਤਾਂ ਨੂੰ ਮਿਲਾਂਗੇ ਤੇ ਉਨ੍ਹਾਂ ਨਾਲ ਗੱਲ ਕਰਾਂਗੇ।