ਬਰਗੀ ਕਰੂਜ਼ ਹਾਦਸੇ 'ਤੇ ਸਖ਼ਤ ਐਕਸ਼ਨ : ਪਾਇਲਟ-ਹੈਲਪਰ ਸਮੇਤ ਤਿੰਨ ਬਰਖ਼ਾਸਤ, ਮੈਨੇਜਰ ਮੁਅੱਤਲ; ਸੀਐੱਮ ਮੋਹਨ ਨੇ ਕਿਹਾ- ਦੋਸ਼ੀਆਂ ਨੂੰ ਬਖ਼ਸ਼ਾਂਗੇ ਨਹੀਂ

ਡਿਜੀਟਲ ਡੈਸਕ, ਭੋਪਾਲ : ਜਬਲਪੁਰ ਦੇ ਬਰਗੀ ਜਲ ਸਰੋਤ (ਰਿਜ਼ਰਵਾਇਰ) ਵਿੱਚ ਵੀਰਵਾਰ ਸ਼ਾਮ ਨੂੰ ਵਾਪਰੇ ਦਰਦਨਾਕ ਕਰੂਜ਼ ਹਾਦਸੇ ਦੇ ਅਗਲੇ ਦਿਨ ਪ੍ਰਸ਼ਾਸਨ ਨੇ ਲਾਪਰਵਾਹੀ 'ਤੇ ਸਖ਼ਤ ਕਾਰਵਾਈ ਕਰਦਿਆਂ ਕਈ ਜ਼ਿੰਮੇਵਾਰ ਵਿਅਕਤੀਆਂ 'ਤੇ ਐਕਸ਼ਨ ਲਿਆ ਹੈ। ਮੁੱਖ ਮੰਤਰੀ ਡਾ. ਮੋਹਨ ਯਾਦਵ ਦੇ ਨਿਰਦੇਸ਼ਾਂ 'ਤੇ ਕਰੂਜ਼ ਸੰਚਾਲਨ ਨਾਲ ਜੁੜੇ ਕਰਮਚਾਰੀਆਂ ਅਤੇ ਅਧਿਕਾਰੀਆਂ ਖਿਲਾਫ ਤੁਰੰਤ ਕਦਮ ਚੁੱਕੇ ਗਏ ਹਨ।

ਕਰੂਜ਼ ਪਾਇਲਟ ਮਹੇਸ਼ ਪਟੇਲ, ਹੈਲਪਰ ਛੋਟੇਲਾਲ ਗੋਂਡ ਅਤੇ ਟਿਕਟ ਕਾਊਂਟਰ ਇੰਚਾਰਜ (FOA) ਬ੍ਰਿਜੇਂਦਰ ਦੀਆਂ ਸੇਵਾਵਾਂ ਤੁਰੰਤ ਪ੍ਰਭਾਵ ਤੋਂ ਖ਼ਤਮ ਕਰ ਦਿੱਤੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਹੋਟਲ ਮੈਕਲ ਰਿਜ਼ੋਰਟ ਅਤੇ ਬੋਟ ਕਲੱਬ ਬਰਗੀ ਦੇ ਮੈਨੇਜਰ ਸੁਨੀਲ ਮਰਾਵੀ ਨੂੰ ਕੰਮ ਵਿੱਚ ਲਾਪਰਵਾਹੀ ਦੇ ਚਲਦਿਆਂ ਮੁਅੱਤਲ ਕਰ ਦਿੱਤਾ ਗਿਆ ਹੈ।

ਇਸ ਤੋਂ ਇਲਾਵਾ, ਰੀਜਨਲ ਮੈਨੇਜਰ ਸੰਜੇ ਮਲਹੋਤਰਾ ਨੂੰ ਹੈੱਡਕੁਆਰਟਰ ਨਾਲ ਅਟੈਚ ਕਰਕੇ ਉਨ੍ਹਾਂ ਖ਼ਿਲਾਫ਼ ਵਿਭਾਗੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ, ਤਾਂ ਜੋ ਪੂਰੇ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਸਕੇ।