ਅਸਮਾਨ 'ਚ ਸਾਹ ਰੋਕ ਦੇਣ ਵਾਲਾ ਮੰਜ਼ਰ: ਹਵਾ 'ਚ ਉੱਡਦੇ ਜਹਾਜ਼ 'ਚ ਆਈ ਖ਼ਰਾਬੀ, 4 ਘੰਟੇ ਹਵਾ 'ਚ ਹੀ ਕੱਟਦਾ ਰਿਹਾ ਚੱਕਰ
ਹੈਦਰਾਬਾਦ ਤੋਂ ਹੁਬਲੀ ਜਾ ਰਹੀ ਫਲਾਈ91 (Fly91) ਏਅਰਲਾਈਨਜ਼ ਦੀ ਫਲਾਈਟ ਵਿੱਚ ਇੱਕ ਵੱਡਾ ਹਾਦਸਾ ਹੋਣੋਂ ਬਚ ਗਿਆ। ਅਚਾਨਕ ਆਈ ਤਕਨੀਕੀ ਖ਼ਰਾਬੀ ਕਾਰਨ ਜਹਾਜ਼ ਕਰੀਬ ਚਾਰ ਘੰਟੇ ਤੱਕ ਹਵਾ ਵਿੱਚ ਹੀ ਫਸਿਆ ਰਿਹਾ, ਜਿਸ ਕਾਰਨ ਯਾਤਰੀਆਂ ਵਿੱਚ ਭਾਰੀ ਡਰ ਅਤੇ ਘਬਰਾਹਟ ਫੈਲ ਗਈ।
Posted By Anuradha Bains
Publish Date: Mon, 20 Apr 2026 12:00 PM (IST)
Updated Date: Mon, 20 Apr 2026 01:17 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ। ਹੈਦਰਾਬਾਦ ਤੋਂ ਹੁਬਲੀ ਜਾ ਰਹੀ ਫਲਾਈ91 (Fly91) ਏਅਰਲਾਈਨਜ਼ ਦੀ ਫਲਾਈਟ ਵਿੱਚ ਇੱਕ ਵੱਡਾ ਹਾਦਸਾ ਹੋਣੋਂ ਬਚ ਗਿਆ। ਅਚਾਨਕ ਆਈ ਤਕਨੀਕੀ ਖ਼ਰਾਬੀ ਕਾਰਨ ਜਹਾਜ਼ ਕਰੀਬ ਚਾਰ ਘੰਟੇ ਤੱਕ ਹਵਾ ਵਿੱਚ ਹੀ ਫਸਿਆ ਰਿਹਾ, ਜਿਸ ਕਾਰਨ ਯਾਤਰੀਆਂ ਵਿੱਚ ਭਾਰੀ ਡਰ ਅਤੇ ਘਬਰਾਹਟ ਫੈਲ ਗਈ।
ਫਲਾਈਟ IC3401 ਦੁਪਹਿਰ ਕਰੀਬ 3 ਵਜੇ ਹੈਦਰਾਬਾਦ ਦੇ ਰਾਜੀਵ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਰਵਾਨਾ ਹੋਈ ਸੀ ਅਤੇ ਇਸ ਨੇ ਸ਼ਾਮ 4:30 ਵਜੇ ਹੁਬਲੀ ਪਹੁੰਚਣਾ ਸੀ। ਪਰ ਜਿਵੇਂ ਹੀ ਜਹਾਜ਼ ਹੁਬਲੀ ਦੇ ਨੇੜੇ ਪਹੁੰਚਿਆ, ਉਸ ਵਿੱਚ ਤਕਨੀਕੀ ਖ਼ਰਾਬੀ ਆ ਗਈ ਅਤੇ ਪਾਇਲਟਾਂ ਨੂੰ ਲੈਂਡਿੰਗ ਰੋਕਣੀ ਪਈ। ਸਥਿਤੀ ਨੂੰ ਸੰਭਾਲਣ ਲਈ ਜਹਾਜ਼ ਨੂੰ ਹਵਾ ਵਿੱਚ ਹੀ ਘੁਮਾਇਆ ਗਿਆ, ਤਾਂ ਜੋ ਸੁਰੱਖਿਅਤ ਲੈਂਡਿੰਗ ਦੀ ਤਿਆਰੀ ਕੀਤੀ ਜਾ ਸਕੇ।
ਯਾਤਰੀਆਂ ਵਿੱਚ ਡਰ ਅਤੇ ਹਫੜਾ-ਦਫੜੀ
ਕਰੀਬ ਚਾਰ ਘੰਟੇ ਤੱਕ ਜਹਾਜ਼ ਮੁੰਡਗੋਡ, ਦਾਵਣਗੇਰੇ ਅਤੇ ਸ਼ਿਵਮੋਗਾ ਦੇ ਉੱਪਰ ਚੱਕਰ ਲਗਾਉਂਦਾ ਰਿਹਾ। ਇਸ ਦੌਰਾਨ ਯਾਤਰੀਆਂ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣਿਆ ਰਿਹਾ। ਕਈ ਯਾਤਰੀ ਡਰ ਦੇ ਮਾਰੇ ਪ੍ਰਾਰਥਨਾ ਕਰਨ ਲੱਗੇ, ਜਦੋਂ ਕਿ ਕੁਝ ਲੋਕ ਰੋਣ ਲੱਗ ਪਏ।
ਜਹਾਜ਼ ਦੇ ਅੰਦਰ ਸਥਿਤੀ ਬਹੁਤ ਤਣਾਅਪੂਰਨ ਬਣੀ ਰਹੀ ਅਤੇ ਹਰ ਕੋਈ ਸੁਰੱਖਿਅਤ ਲੈਂਡਿੰਗ ਦਾ ਇੰਤਜ਼ਾਰ ਕਰ ਰਿਹਾ ਸੀ। ਦੂਜੇ ਪਾਸੇ, ਯਾਤਰੀਆਂ ਦੇ ਪਰਿਵਾਰ ਵਾਲਿਆਂ ਨੇ ਏਅਰਲਾਈਨਜ਼ ਵਿਰੁੱਧ ਸਖ਼ਤ ਨਾਰਾਜ਼ਗੀ ਜ਼ਾਹਰ ਕੀਤੀ। ਉਨ੍ਹਾਂ ਦਾ ਦੋਸ਼ ਸੀ ਕਿ ਉਨ੍ਹਾਂ ਨੂੰ ਸਮੇਂ ਸਿਰ ਕੋਈ ਸਹੀ ਜਾਣਕਾਰੀ ਨਹੀਂ ਦਿੱਤੀ ਗਈ ਅਤੇ ਸਥਿਤੀ ਬਾਰੇ ਕੋਈ ਸਪੱਸ਼ਟ ਅਪਡੇਟ ਨਹੀਂ ਮਿਲਿਆ।
ਅਖੀਰਕਾਰ ਹੋਈ ਸੁਰੱਖਿਅਤ ਲੈਂਡਿੰਗ
ਕਾਫ਼ੀ ਕੋਸ਼ਿਸ਼ਾਂ ਤੋਂ ਬਾਅਦ ਜਹਾਜ਼ ਨੂੰ ਬੈਂਗਲੁਰੂ ਵੱਲ ਡਾਇਵਰਟ ਕੀਤਾ ਗਿਆ। ਸ਼ਾਮ ਕਰੀਬ 7:30 ਵਜੇ ਫਲਾਈਟ ਨੇ ਕੇਮਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਸੁਰੱਖਿਅਤ ਲੈਂਡਿੰਗ ਕੀਤੀ। ਇਸ ਘਟਨਾ ਤੋਂ ਬਾਅਦ ਯਾਤਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰ ਵਾਲਿਆਂ ਨੇ ਸੁੱਖ ਦਾ ਸਾਹ ਲਿਆ। ਹਾਲਾਂਕਿ, ਤਕਨੀਕੀ ਖ਼ਰਾਬੀ ਅਤੇ ਜਾਣਕਾਰੀ ਦੀ ਘਾਟ ਨੂੰ ਲੈ ਕੇ ਏਅਰਲਾਈਨ 'ਤੇ ਲਗਾਤਾਰ ਸਵਾਲ ਉੱਠ ਰਹੇ ਹਨ।