'ਬੰਦ ਕਰਨਾ ਪੈ ਸਕਦਾ ਹੈ ਸੰਚਾਲਨ', ਈਰਾਨ ਜੰਗ ਕਾਰਨ ਏਅਰਲਾਈਨਜ਼ ਦੀ ਹਾਲਤ ਵਿਗੜੀ; ਸਰਕਾਰ ਤੋਂ ਮੰਗੀ ਮਦਦ

ਫੈਡਰੇਸ਼ਨ ਆਫ ਇੰਡੀਅਨ ਏਅਰਲਾਈਨਜ਼ ਏਅਰ ਇੰਡੀਆ, ਇੰਡੀਗੋ ਅਤੇ ਸਪਾਈਸ ਜੈੱਟ ਦੀ ਨੁਮਾਇੰਦਗੀ ਕਰਦਾ ਹੈ। ਦੱਸ ਦੇਈਏ ਕਿ ATF ਕਿਸੇ ਵੀ ਏਅਰਲਾਈਨ ਦੀ ਸੰਚਾਲਨ ਲਾਗਤ ਵਿੱਚ ਲਗਪਗ 40 ਪ੍ਰਤੀਸ਼ਤ ਦਾ ਯੋਗਦਾਨ ਪਾਉਂਦਾ ਹੈ। ਏਅਰਲਾਈਨਜ਼ ਨੇ ਸਰਕਾਰ ਨੂੰ ਕਿਹਾ ਹੈ ਕਿ "ਬਚਣ, ਟਿਕੇ ਰਹਿਣ ਅਤੇ ਸੰਚਾਲਨ ਜਾਰੀ ਰੱਖਣ ਲਈ ਅਸੀਂ ਮੌਜੂਦਾ ਹਾਲਾਤ ਨਾਲ ਨਜਿੱਠਣ ਵਾਸਤੇ ਤੁਰੰਤ ਅਤੇ ਸਾਰਥਕ ਵਿੱਤੀ ਸਹਾਇਤਾ ਲਈ ਤੁਹਾਡੇ ਦਖ਼ਲ ਦੀ ਬੇਨਤੀ ਕਰਦੇ ਹਾਂ।"

FIA ਨੇ ਕਿਹਾ ਹੈ ਕਿ ਲੰਬੀ ਦੂਰੀ ਵਾਲੀਆਂ ਫਲਾਈਟਾਂ ਸਭ ਤੋਂ ਵੱਧ ਪ੍ਰਭਾਵਿਤ ਹੋਈਆਂ ਹਨ। ਉਨ੍ਹਾਂ ਨੇ ਮੰਤਰਾਲੇ ਨੂੰ ATF 'ਤੇ ਲੱਗਣ ਵਾਲੀ ਐਕਸਾਈਜ਼ ਡਿਊਟੀ ਨੂੰ ਕੁਝ ਸਮੇਂ ਲਈ ਟਾਲਣ ਅਤੇ ਇੱਕ ਅਜਿਹੀ ਬਾਲਣ ਕੀਮਤ ਵਿਧੀ ਵਰਤਣ ਲਈ ਕਿਹਾ ਹੈ ਜੋ ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਲਈ ਇੱਕ ਸਮਾਨ ਹੋਵੇ। ਦਰਅਸਲ, ਸਰਕਾਰ ਨੇ ATF ਦੀ ਕੀਮਤ ਵਿੱਚ ਵਾਧੇ ਨੂੰ ਘਰੇਲੂ ਉਡਾਣਾਂ ਲਈ 15 ਰੁਪਏ ਪ੍ਰਤੀ ਲੀਟਰ ਅਤੇ ਅੰਤਰਰਾਸ਼ਟਰੀ ਸੰਚਾਲਨ ਲਈ 73 ਰੁਪਏ ਪ੍ਰਤੀ ਲੀਟਰ ਤੈਅ ਕੀਤਾ ਹੈ।