ਇੰਦੌਰ 'ਚ ਕਹਿਰ: EV ਚਾਰਜਿੰਗ ਦੌਰਾਨ ਹੋਏ ਧਮਾਕੇ ਨੇ ਲਈ 8 ਜੀਆਂ ਦੀ ਜਾਨ, ਘਰ 'ਚ ਰੱਖੇ ਗੈਸ ਸਿਲੰਡਰ ਫਟਣ ਕਾਰਨ ਮਚੀ ਤਬਾਹੀ; Watch Video

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਇੰਦੌਰ ਦੇ ਬ੍ਰਿਜੇਸ਼ਵਰੀ ਐਨੇਕਸ ਰਿਹਾਇਸ਼ੀ ਇਲਾਕੇ ਵਿੱਚ ਇੱਕ ਘਰ ਨੂੰ ਅੱਗ ਲੱਗ ਗਈ। ਇਸ ਹਾਦਸੇ ਵਿੱਚ ਅੱਠ ਲੋਕਾਂ ਦੀ ਜਾਨ ਚਲੀ ਗਈ ਹੈ। ਰੈਸਕਿਊ ਆਪ੍ਰੇਸ਼ਨ (ਬਚਾਅ ਕਾਰਜ) ਅਜੇ ਵੀ ਜਾਰੀ ਹੈ।

ਇਸ ਮਾਮਲੇ ਬਾਰੇ ਜਾਣਕਾਰੀ ਦਿੰਦਿਆਂ ਇੰਦੌਰ ਦੇ ਪੁਲਿਸ ਕਮਿਸ਼ਨਰ ਸੰਤੋਸ਼ ਕੁਮਾਰ ਸਿੰਘ ਨੇ ਦੱਸਿਆ, "ਸ਼ੁਰੂਆਤੀ ਜਾਂਚ ਅਨੁਸਾਰ, ਘਰ ਦੇ ਬਾਹਰ ਇੱਕ ਇਲੈਕਟ੍ਰਿਕ ਗੱਡੀ ਚਾਰਜ ਹੋ ਰਹੀ ਸੀ ਅਤੇ ਚਾਰਜਿੰਗ ਪੁਆਇੰਟ ਵਿੱਚ ਧਮਾਕਾ ਹੋ ਗਿਆ। ਇਸ ਤੋਂ ਬਾਅਦ ਅੱਗ ਗੱਡੀ ਤੋਂ ਘਰ ਤੱਕ ਫੈਲ ਗਈ। ਘਰ ਦੇ ਅੰਦਰ 10 ਤੋਂ ਵੱਧ ਗੈਸ ਸਿਲੰਡਰ ਵੀ ਰੱਖੇ ਹੋਏ ਸਨ, ਜਿਨ੍ਹਾਂ ਵਿੱਚੋਂ ਕੁਝ ਵਿੱਚ ਧਮਾਕਾ ਹੋ ਗਿਆ। ਇਸ ਘਟਨਾ ਵਿੱਚ 8 ਲੋਕਾਂ ਦੀ ਮੌਤ ਹੋ ਗਈ ਹੈ। ਤਿੰਨ ਲੋਕਾਂ ਨੂੰ ਬਚਾ ਲਿਆ ਗਿਆ ਹੈ। ਇਹ ਘਰ ਮਨੋਜ ਪੁਗਲੀਆ ਦਾ ਸੀ, ਜੋ ਪੌਲੀਮਰ ਦਾ ਕਾਰੋਬਾਰ ਕਰਦੇ ਸਨ। ਘਰ ਵਿੱਚ ਕੁਝ ਅਜਿਹੇ ਕੈਮੀਕਲ ਵੀ ਰੱਖੇ ਹੋਏ ਸਨ ਜੋ ਬਹੁਤ ਜਲਣਸ਼ੀਲ ਸਨ।"

#WATCH | Madhya Pradesh | Fire broke out in a house in the Brijeshwari Annexe residential locality in Indore. Six people have lost their lives in the incident. Rescue operations are underway. pic.twitter.com/gWw4yQyM3g

— ANI (@ANI) March 18, 2026

ਗੁਆਂਢੀਆਂ ਨੇ ਦੱਸਿਆ ਕਿ ਜਦੋਂ ਸਵੇਰੇ ਚੀਕ-ਚਿਹਾੜਾ ਮਚਿਆ ਤਾਂ ਉਹ ਬਾਹਰ ਨਿਕਲੇ, ਦੇਖਿਆ ਤਾਂ ਮਕਾਨ ਨੂੰ ਅੱਗ ਲੱਗੀ ਹੋਈ ਸੀ। ਉਨ੍ਹਾਂ ਨੇ ਤੁਰੰਤ ਫਾਇਰ ਬ੍ਰਿਗੇਡ ਅਤੇ ਪੁਲਿਸ ਨੂੰ ਇਸ ਦੀ ਸੂਚਨਾ ਦਿੱਤੀ। ਗੁਆਂਢੀ ਇਸ ਦੌਰਾਨ ਬਾਲਟੀਆਂ ਵਿੱਚ ਪਾਣੀ ਭਰ ਕੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਵਿੱਚ ਲੱਗੇ ਰਹੇ, ਪਰ ਅੱਗ ਤਦ ਤੱਕ ਪੂਰੇ ਘਰ ਵਿੱਚ ਫੈਲ ਚੁੱਕੀ ਸੀ। ਇਸ ਘਟਨਾ ਤੋਂ ਬਾਅਦ ਕਲੋਨੀ ਵਿੱਚ ਸੋਗ ਦਾ ਮਾਹੌਲ ਹੈ। ਘਰ ਵਿੱਚ ਲੱਗੀ ਅੱਗ ਨਾਲ ਅੱਠ ਲੋਕ ਜ਼ਿੰਦਾ ਸੜ ਗਏ।