ਕਾਲਜੇ ਨੂੰ ਚੀਰਨ ਵਾਲੀ ਖ਼ਬਰ: ਪੁੱਤਰ ਦਾ ਨਤੀਜਾ ਦੇਖਦੇ ਹੀ ਪਿਤਾ ਨੂੰ ਆਇਆ ਹਾਰਟ ਅਟੈਕ, ਸਕੂਲ 'ਚ ਹੀ ਤੋੜਿਆ ਦਮ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਪਿਛਲੇ ਵੀਰਵਾਰ ਦੀ ਗੱਲ ਹੈ, ਦੀਪਾਂਕਰ ਬਾਰਦੋਲੀ ਨਾਮਕ ਵਿਅਕਤੀ ਨੇ ਕੰਮ ਤੋਂ ਛੁੱਟੀ ਲਈ ਸੀ ਕਿਉਂਕਿ ਉਸ ਨੇ ਆਪਣੇ ਪੁੱਤਰ ਦੇ ਸਕੂਲ ਜਾਣਾ ਸੀ। ਦੀਪਾਂਕਰ ਦਾ ਪੁੱਤਰ ਯੂਕੇਜੀ (UKG) ਜਮਾਤ ਦਾ ਵਿਦਿਆਰਥੀ ਹੈ। ਪ੍ਰੀਖਿਆ ਤੋਂ ਬਾਅਦ ਨਤੀਜੇ ਐਲਾਨੇ ਗਏ ਸਨ ਅਤੇ ਦੀਪਾਂਕਰ ਰਿਜ਼ਲਟ ਲੈਣ ਲਈ ਸਕੂਲ ਪਹੁੰਚਿਆ ਸੀ, ਪਰ ਉੱਥੇ ਉਸ ਨੂੰ ਅਚਾਨਕ ਦਿਲ ਦਾ ਦੌਰਾ ਪੈ ਗਿਆ।

ਸਕੂਲ ਤੋਂ ਨਤੀਜਾ ਲੈਣ ਤੋਂ ਬਾਅਦ ਦੀਪਾਂਕਰ ਬਾਹਰ ਵੱਲ ਜਾ ਰਿਹਾ ਸੀ, ਉਦੋਂ ਹੀ 35 ਸਾਲਾ ਦੀਪਾਂਕਰ ਨੂੰ ਹਾਰਟ ਅਟੈਕ ਆਇਆ ਅਤੇ ਉਸ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈ ਹੈ।

ਘਟਨਾ ਦੀ ਵੀਡੀਓ ਆਈ ਸਾਹਮਣੇ ਇਹ ਘਟਨਾ 15 ਜਨਵਰੀ ਨੂੰ ਅਸਾਮ ਦੇ ਜੋਰਹਾਟ ਸਥਿਤ ਸੈਮਫੋਰਡ ਸਕੂਲ ਦੀ ਹੈ। ਸਕੂਲ ਦੇ ਸੀਸੀਟੀਵੀ ਫੁਟੇਜ ਵਿੱਚ ਦੀਪਾਂਕਰ ਨੂੰ ਲੜਖੜਾ ਕੇ ਡਿੱਗਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਦੀਪਾਂਕਰ ਨੇ ਡਿੱਗਣ ਤੋਂ ਪਹਿਲਾਂ ਕਿਸੇ ਚੀਜ਼ ਦਾ ਸਹਾਰਾ ਲੈਣ ਦੀ ਕੋਸ਼ਿਸ਼ ਕੀਤੀ, ਪਰ ਉਸ ਤੋਂ ਪਹਿਲਾਂ ਹੀ ਉਹ ਮੂੰਹ ਦੇ ਭਾਰ ਜ਼ਮੀਨ 'ਤੇ ਡਿੱਗ ਪਿਆ।

ਸਕੂਲ ਵਿੱਚ ਮੌਜੂਦ ਲੋਕ ਤੇਜ਼ੀ ਨਾਲ ਦੀਪਾਂਕਰ ਵੱਲ ਭੱਜੇ। ਉਸ ਨੂੰ ਜੋਰਹਾਟ ਮੈਡੀਕਲ ਕਾਲਜ ਲਿਜਾਇਆ ਗਿਆ ਅਤੇ ਹਸਪਤਾਲ ਦੀ ਐਮਰਜੈਂਸੀ ਵਿੱਚ ਭਰਤੀ ਕਰਵਾਇਆ ਗਿਆ, ਪਰ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਇਸ ਘਟਨਾ ਤੋਂ ਬਾਅਦ ਸਕੂਲ ਵਿੱਚ ਹੜਕੰਪ ਮਚ ਗਿਆ ਅਤੇ ਕਈ ਬੱਚਿਆਂ ਨੂੰ ਇਸ ਨਾਲ ਗਹਿਰਾ ਸਦਮਾ ਲੱਗਾ ਹੈ।

ਸਿੰਚਾਈ ਵਿਭਾਗ ਵਿੱਚ ਇੰਜੀਨੀਅਰ ਸੀ ਦੀਪਾਂਕਰ ਦੀਪਾਂਕਰ ਅਸਾਮ ਸਰਕਾਰ ਦੇ ਅਧੀਨ ਸਿੰਚਾਈ ਵਿਭਾਗ ਵਿੱਚ ਇੰਜੀਨੀਅਰ ਵਜੋਂ ਤਾਇਨਾਤ ਸੀ। ਉਸ ਦੀ ਪਤਨੀ ਘਰੇਲੂ ਸੁਆਣੀ ਹੈ। ਪਰਿਵਾਰ ਅਨੁਸਾਰ ਦੀਪਾਂਕਰ ਕਾਫੀ ਫਿੱਟ ਸੀ ਅਤੇ ਉਸ ਨੂੰ ਕੋਈ ਗੰਭੀਰ ਬਿਮਾਰੀ ਨਹੀਂ ਸੀ।

ਨੌਜਵਾਨਾਂ ਵਿੱਚ ਵਧ ਰਿਹਾ ਖ਼ਤਰਾ ਦੀਪਾਂਕਰ ਦੀ ਮੌਤ ਤੋਂ ਬਾਅਦ ਨੌਜਵਾਨਾਂ ਵਿੱਚ ਵਧ ਰਹੇ ਹਾਰਟ ਅਟੈਕ ਦੇ ਖ਼ਤਰਿਆਂ 'ਤੇ ਇੱਕ ਵਾਰ ਫਿਰ ਸਵਾਲ ਉੱਠਣ ਲੱਗੇ ਹਨ।