7 ਮਹੀਨੇ ਦੇ ਬੱਚੇ ਨੂੰ ਮਾਂ ਨੇ ਚੁੱਲ੍ਹੇ 'ਚ ਸਾੜਿਆ ਜਿਊਂਦਾ, ਫਿਰ ਆਪ ਲਿਆ ਫਾਹਾ; ਜਾਣੋ ਕਿਉਂ ਚੁੱਕਿਆ ਔਰਤ ਨੇ ਖ਼ੌਫਨਾਕ ਕਦਮ?

15 ਨਵੰਬਰ ਨੂੰ ਹੋਣ ਜਾ ਰਹੀ ਛੋਟੀ ਭੈਣ ਦੀ ਮੰਗਣੀ ਲਈ ਉਹ ਸਵੇਰੇ ਹੀ ਪਿਤਾ ਦੇ ਨਾਲ ਦੋਵਾਂ ਪੁੱਤਰਾਂ ਨੂੰ ਲੈ ਕੇ ਪੇਕੇ ਆਈ ਸੀ। ਮਾਂ ਸਵੇਰੇ ਧੀ ਦੀ ਲਾਸ਼ ਫਾਹੇ ਨਾਲ ਲਟਕਦੀ ਤੇ ਦੋਹਤੇ ਨੂੰ ਚੁੱਲ੍ਹੇ ’ਚ ਮ੍ਰਿਤ ਪਿਆ ਦੇਖ ਕੇ ਹੈਰਾਨ ਰਹਿ ਗਈ। 28 ਸਾਲਾ ਰਾਜਪਤੀ ਬੈਗਾ ਦਾ ਵਿਆਹ ਗੁਆਂਢ ’ਚ ਛੱਤੀਸਗੜ੍ਹ ਦੇ ਬਲਰਾਮਪੁਰ ਜ਼ਿਲ੍ਹੇ ’ਚ ਨੌਂ ਸਾਲ ਪਹਿਲਾਂ ਹੋਇਆ ਸੀ। ਉਸ ਦੇ ਦੋ ਪੁੱਤਰ ਸਨ। ਵੱਡਾ ਪੁੱਤਰ ਮਨੋਜ ਛੇ ਸਾਲ ਦਾ ਹੈ, ਜਦਕਿ ਛੋਟਾ ਅੰਕਿਤ ਸੱਤ ਮਹੀਨੇ ਦਾ ਸੀ। ਉਸ ਦੇ ਪਿਤਾ ਨੇ ਦੱਸਿਆ ਕਿ ਰਾਜਪਤੀ ਦਾ ਪਤੀ ਮੁੰਬਈ ’ਚ ਮਜ਼ਦੂਰੀ ਕਰਦਾ ਹੈ ਤੇ ਦੋਵਾਂ ਵਿਚਾਲੇ ਅਕਸਰ ਝਗੜਾ ਹੁੰਦਾ ਰਹਿੰਦਾ ਸੀ।