'ਅਜੀਤ ਪਵਾਰ ਦੇ ਜਹਾਜ਼ 'ਚ ਹੋਏ 4-5 ਧਮਾਕੇ, ਅਸੀਂ ਮਦਦ ਨਹੀਂ ਕਰ ਸਕੇ'; ਚਸ਼ਮਦੀਦਾਂ ਨੇ ਸੁਣਾਈ ਹੱਡਬੀਤੀ
Plane Crash ਹੁੰਦੇ ਹੀ ਅੱਗ ਦੇ ਗੋਲੇ 'ਚ ਬਦਲ ਗਿਆ ਅਤੇ ਅਸਮਾਨ 'ਚ ਚਾਰੇ ਪਾਸੇ ਕਾਲਾ ਧੂੰਆਂ ਦਿਖਾਈ ਦੇਣ ਲੱਗਾ। ਲੋਕਾਂ ਨੇ ਤੁਰੰਤ ਮਦਦ ਦੀ ਕੋਸ਼ਿਸ਼ ਕੀਤੀ, ਪਰ ਭਿਆਨਕ ਅੱਗ ਕਾਰਨ ਮਦਦ ਨਹੀਂ ਕਰ ਸਕੇ।
Posted By Seema Anand
Publish Date: Wed, 28 Jan 2026 01:07 PM (IST)
Updated Date: Wed, 28 Jan 2026 01:27 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਮਹਾਰਾਸ਼ਟਰ ਦੇ ਡਿਪਟੀ ਸੀਐਮ ਅਜੀਤ ਪਵਾਰ ਦਾ ਜਹਾਜ਼ ਹਾਦਸੇ (Ajit Pawar Plane Crash) ਵਿੱਚ ਦੇਹਾਂਤ ਹੋ ਗਿਆ ਹੈ। ਇਸ ਦੁਖਦਾਈ ਹਾਦਸੇ 'ਚ ਜਹਾਜ਼ 'ਚ ਸਵਾਰ ਸਾਰੇ ਲੋਕਾਂ ਦੀ ਮੌਤ ਹੋ ਗਈ। ਘਟਨਾ ਸਵੇਰੇ ਕਰੀਬ 8:45 ਵਜੇ ਵਾਪਰੀ।
ਜਹਾਜ਼ ਕ੍ਰੈਸ਼ ਹੁੰਦੇ ਹੀ ਅੱਗ ਦੇ ਗੋਲੇ 'ਚ ਬਦਲ ਗਿਆ ਅਤੇ ਅਸਮਾਨ 'ਚ ਚਾਰੇ ਪਾਸੇ ਕਾਲਾ ਧੂੰਆਂ ਦਿਖਾਈ ਦੇਣ ਲੱਗਾ। ਲੋਕਾਂ ਨੇ ਤੁਰੰਤ ਮਦਦ ਦੀ ਕੋਸ਼ਿਸ਼ ਕੀਤੀ, ਪਰ ਭਿਆਨਕ ਅੱਗ ਕਾਰਨ ਮਦਦ ਨਹੀਂ ਕਰ ਸਕੇ।
ਜਹਾਜ਼ ਕ੍ਰੈਸ਼ ਹੋਣ ਤੋਂ ਬਾਅਦ ਹੋਇਆ ਧਮਾਕਾ - ਚਸ਼ਮਦੀਦ
#WATCH | Crash landing in Baramati | Baramati, Maharashtra: An eyewitness at the spot says, "I saw it with my eyes. This is really painful. When the aircraft descended, it seemed it would crash, and it did crash. It then exploded. There was a massive explosion. After that, we… pic.twitter.com/fBQplnxHON
— ANI (@ANI) January 28, 2026
ਹਾਦਸੇ ਦੇ ਸਮੇਂ ਮੌਜੂਦ ਚਸ਼ਮਦੀਦ ਨੇ ਦੱਸਿਆ ਕਿ ਜਦੋਂ ਜਹਾਜ਼ ਹੇਠਾਂ ਆ ਰਿਹਾ ਸੀ ਤਾਂ ਅਸੀਂ ਸੋਚ ਰਹੇ ਸੀ ਕਿ ਕਿਤੇ ਇਹ ਕ੍ਰੈਸ਼ ਨਾ ਹੋ ਜਾਵੇ ਅਤੇ ਉਦੋਂ ਹੀ ਇਹ ਕ੍ਰੈਸ਼ ਹੋ ਗਿਆ। ਸਾਨੂੰ ਪਹਿਲਾਂ ਲੱਗਿਆ ਕਿ ਇਹ ਏਅਰ ਟ੍ਰੈਪ 'ਤੇ ਉਤਰ ਰਿਹਾ ਹੈ ਪਰ ਇਹ ਕ੍ਰੈਸ਼ ਹੋ ਗਿਆ ਅਤੇ ਉਸ ਤੋਂ ਬਾਅਦ ਧਮਾਕਾ ਹੋਇਆ। ਧਮਾਕੇ ਤੋਂ ਬਾਅਦ ਜਦੋਂ ਅਸੀਂ ਦੇਖਣ ਆਏ ਤਾਂ ਉੱਥੇ ਜਹਾਜ਼ ਨੂੰ ਅੱਗ ਲੱਗੀ ਹੋਈ ਸੀ ਅਤੇ ਉਸ ਤੋਂ ਬਾਅਦ 4-5 ਹੋਰ ਧਮਾਕੇ ਹੋਏ।
ਉਨ੍ਹਾਂ ਕਿਹਾ ਕਿ ਧਮਾਕੇ ਦੀ ਆਵਾਜ਼ ਸੁਣ ਕੇ ਬਹੁਤ ਸਾਰੇ ਲੋਕ ਉੱਥੇ ਪਹੁੰਚੇ, ਪਰ ਅੱਗ ਇੰਨੀ ਤੇਜ਼ ਸੀ ਕਿ ਕੋਈ ਮਦਦ ਨਹੀਂ ਕਰ ਸਕਿਆ। ਇਸ ਜਹਾਜ਼ ਵਿਚ ਅਜੀਤ ਦਾਦਾ ਵੀ ਸਵਾਰ ਸਨ, ਇਹ ਸਾਡੇ ਲਈ ਬਹੁਤ ਸੋਗ ਵਾਲੀ ਗੱਲ ਹੈ। ਪਾਇਲਟ ਨੇ ਲੈਂਡਿੰਗ ਕਰਨ ਦੀ ਬਹੁਤ ਕੋਸ਼ਿਸ਼ ਕੀਤੀ ਹੋਵੇਗੀ, ਪਰ ਲੈਂਡਿੰਗ ਨਹੀਂ ਹੋ ਸਕੀ। ਇਹ ਬਹੁਤ ਦੁਖਦਾਈ ਘਟਨਾ ਹੈ।
ਅਜੀਤ ਪਵਾਰ ਸਮੇਤ 5 ਲੋਕਾਂ ਦੀ ਮੌਤ
#WATCH | Crash landing in Baramati | Five people onboard the Mumbai-Baramati charter plane, including Maharashtra Deputy CM Ajit Pawar, died as per initial information by the DGCA.
Visuals from the spot show the wreckage of the aircraft. pic.twitter.com/GMmwrZwR0M
— ANI (@ANI) January 28, 2026
ਮਿਲੀ ਜਾਣਕਾਰੀ ਅਨੁਸਾਰ, ਅਜੀਤ ਪਵਾਰ ਅੱਜ ਸਵੇਰੇ ਮੁੰਬਈ ਤੋਂ ਬਾਰਾਮਤੀ ਲਈ ਰਵਾਨਾ ਹੋਏ ਸਨ। ਅਜੀਤ ਪਵਾਰ ਦੇ ਜਹਾਜ਼ 'ਚ ਉਨ੍ਹਾਂ ਤੋਂ ਇਲਾਵਾ 4 ਹੋਰ ਲੋਕ ਵੀ ਸਵਾਰ ਸਨ। ਅਜੀਤ ਪਵਾਰ ਚੋਣ ਪ੍ਰਚਾਰ ਕਰਨ ਲਈ ਬਾਰਾਮਤੀ ਪਹੁੰਚੇ ਸਨ। ਉੱਥੇ ਹੀ, ਲੈਂਡਿੰਗ ਦੌਰਾਨ ਰਨਵੇਅ 'ਤੇ ਉਨ੍ਹਾਂ ਦਾ ਜਹਾਜ਼ ਅਚਾਨਕ ਕ੍ਰੈਸ਼ ਹੋ ਗਿਆ, ਜਿਸ ਵਿੱਚ ਸਾਰੇ ਪੰਜ ਲੋਕਾਂ ਦੀ ਜਾਨ ਚਲੀ ਗਈ।