ਕੁਦਰਤੀ ਨਿਖਾਰ ਤੇ ਤੰਦਰੁਸਤੀ ਦਾ ਰਾਜ਼: ਬਲੋਟਿੰਗ, ਖ਼ੂਨ ਦੀ ਗੰਦਗੀ ਹੋਵੇਗੀ ਦੂਰ, ਰੋਜ਼ਾਨਾ ਖਾਲੀ ਪੇਟ ਪੀਓ ਇਹ 6 'ਮਿਰੇਕਲ ਡ੍ਰਿੰਕਸ'; ਚਮਕੇਗੀ ਚਮੜੀ ਤੇ ਵਾਲਾਂ ਦਾ ਝੜਨਾ ਹੋਵੇਗਾ ਬੰਦ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ: ਅੱਜਕੱਲ੍ਹ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ, ਪ੍ਰਦੂਸ਼ਣ ਅਤੇ ਖ਼ਰਾਬ ਖਾਣ-ਪੀਣ ਦਾ ਸਿੱਧਾ ਅਸਰ ਸਾਡੇ ਚਿਹਰੇ ਅਤੇ ਸਿਹਤ 'ਤੇ ਦਿਖਾਈ ਦਿੰਦਾ ਹੈ। ਮਹਿੰਗੇ ਬਿਊਟੀ ਪ੍ਰੋਡਕਟਸ ਉੱਪਰੋਂ ਨਿਖਾਰ ਤਾਂ ਦੇ ਸਕਦੇ ਹਨ, ਪਰ ਅਸਲੀ ਚਮਕ ਅੰਦਰੂਨੀ ਪੋਸ਼ਣ ਤੋਂ ਹੀ ਆਉਂਦੀ ਹੈ ਪਰ ਚਿੰਤਾ ਦੀ ਕੋਈ ਗੱਲ ਨਹੀਂ। ਫਲਾਂ ਅਤੇ ਸਬਜ਼ੀਆਂ ਤੋਂ ਬਣੇ ਕੁਝ ਜੂਸ ਸਰੀਰ ਨੂੰ ਡਿਟੌਕਸ ਕਰਨ, ਪੋਸ਼ਣ ਦੇਣ ਅਤੇ ਚਮੜੀ ਨੂੰ ਚਮਕਦਾਰ ਬਣਾਉਣ ਵਿੱਚ ਕਾਫ਼ੀ ਅਸਰਦਾਰ ਸਾਬਤ ਹੋ ਸਕਦੇ ਹਨ। ਆਓ ਇਹਨਾਂ ਬਾਰੇ ਜਾਣੀਏ।

1. ABC ਜੂਸ (ਐਪਲ, ਬੀਟਰੂਟ, ਕੈਰੇਟ)

ਸੇਬ, ਚੁਕੰਦਰ ਅਤੇ ਗਾਜਰ ਦਾ ਇਹ ਮਿਸ਼ਰਣ 'ਮਿਰੇਕਲ ਡ੍ਰਿੰਕ' ਦੇ ਨਾਮ ਨਾਲ ਮਸ਼ਹੂਰ ਹੈ। ਵਿਟਾਮਿਨ-ਏ, ਸੀ ਅਤੇ ਆਇਰਨ ਨਾਲ ਭਰਪੂਰ ਇਹ ਜੂਸ ਖ਼ੂਨ ਨੂੰ ਸਾਫ਼ ਕਰਦਾ ਹੈ ਅਤੇ ਚਿਹਰੇ 'ਤੇ ਗੁਲਾਬੀ ਨਿਖਾਰ ਲਿਆਉਂਦਾ ਹੈ। ਇਹ ਬਲੱਡ ਸਰਕੂਲੇਸ਼ਨ ਨੂੰ ਬਿਹਤਰ ਬਣਾਉਣ ਵਿੱਚ ਵੀ ਮਦਦ ਕਰਦਾ ਹੈ।

• ਕਿਵੇਂ ਬਣਾਈਏ? ਇੱਕ ਸੇਬ, ਇੱਕ ਚੁਕੰਦਰ, ਦੋ ਗਾਜਰਾਂ ਅਤੇ ਅੱਧਾ ਇੰਚ ਅਦਰਕ ਥੋੜ੍ਹਾ ਜਿਹਾ ਪਾਣੀ ਪਾ ਕੇ ਬਲੈਂਡ ਕਰੋ ਅਤੇ ਛਾਣ ਕੇ ਪੀਓ।

2. ਐਲੋਵੇਰਾ ਜੂਸ

ਜੇਕਰ ਤੁਸੀਂ ਮੁਹਾਸੇ ਜਾਂ ਪਾਚਨ ਦੀ ਸਮੱਸਿਆ ਤੋਂ ਪਰੇਸ਼ਾਨ ਹੋ, ਤਾਂ ਐਲੋਵੇਰਾ ਜੂਸ ਸਭ ਤੋਂ ਵਧੀਆ ਹੈ। ਇਹ ਪਾਚਨ ਨੂੰ ਦਰੁਸਤ ਬਣਾਉਂਦਾ ਹੈ, ਐਸੀਡਿਟੀ ਘਟਾਉਂਦਾ ਹੈ ਅਤੇ ਐਕਨੇ (ਮੁਹਾਸੇ) ਘੱਟ ਕਰਨ ਵਿੱਚ ਮਦਦ ਕਰਦਾ ਹੈ।

• ਕਿਵੇਂ ਬਣਾਈਏ? 2 ਚਮਚ ਤਾਜ਼ਾ ਐਲੋਵੇਰਾ ਜੈੱਲ ਨੂੰ 1 ਕੱਪ ਪਾਣੀ ਅਤੇ ਥੋੜ੍ਹੇ ਜਿਹੇ ਨਿੰਬੂ ਦੇ ਰਸ ਨਾਲ ਬਲੈਂਡ ਕਰੋ। (ਧਿਆਨ ਰੱਖੋ ਕਿ ਐਲੋਵੇਰਾ ਦਾ ਪੀਲਾ ਹਿੱਸਾ ਵਰਤੋਂ ਵਿੱਚ ਨਾ ਲਿਆਓ)।

3. ਚੁਕੰਦਰ ਅਤੇ ਨਿੰਬੂ ਦਾ ਜੂਸ

ਕਸਰਤ (ਵਰਕਆਊਟ) ਕਰਨ ਵਾਲਿਆਂ ਲਈ ਇਹ ਇੱਕ ਬਿਹਤਰੀਨ ਐਨਰਜੀ ਬੂਸਟਰ ਹੈ। ਚੁਕੰਦਰ ਵਿੱਚ ਮੌਜੂਦ ਨਾਈਟ੍ਰੇਟਸ ਬਲੱਡ ਸਰਕੂਲੇਸ਼ਨ ਨੂੰ ਸੁਧਾਰਦੇ ਹਨ, ਜਿਸ ਨਾਲ ਚਿਹਰੇ 'ਤੇ ਕੁਦਰਤੀ ਚਮਕ ਆਉਂਦੀ ਹੈ।

• ਕਿਵੇਂ ਬਣਾਈਏ? ਇੱਕ ਚੁਕੰਦਰ, ਅੱਧਾ ਨਿੰਬੂ ਅਤੇ ਅੱਧਾ ਸੇਬ ਇੱਕਠੇ ਬਲੈਂਡ ਕਰੋ।

4. ਆਂਵਲਾ ਅਤੇ ਅਦਰਕ ਇਮਿਊਨਿਟੀ ਸ਼ੌਟ

ਆਂਵਲੇ ਵਿੱਚ ਸੰਤਰੇ ਨਾਲੋਂ 20 ਗੁਣਾ ਜ਼ਿਆਦਾ ਵਿਟਾਮਿਨ-ਸੀ ਹੁੰਦਾ ਹੈ। ਅਦਰਕ ਦੇ ਨਾਲ ਇਸ ਨੂੰ ਪੀਣ ਨਾਲ ਨਾ ਸਿਰਫ਼ ਚਮੜੀ ਵਿੱਚ ਚਮਕ ਆਉਂਦੀ ਹੈ, ਸਗੋਂ ਵਾਲਾਂ ਦਾ ਝੜਨਾ (ਹੇਅਰ ਫਾਲ) ਵੀ ਘੱਟ ਹੁੰਦਾ ਹੈ। ਇਸ ਨੂੰ ਹਫ਼ਤੇ ਵਿੱਚ 3-4 ਵਾਰ ਸ਼ੌਟ ਦੇ ਰੂਪ ਵਿੱਚ ਲਓ।

• ਕਿਵੇਂ ਬਣਾਈਏ? ਬੀਜ ਕੱਢੇ ਹੋਏ ਦੋ ਆਂਵਲੇ, ਅੱਧਾ ਇੰਚ ਅਦਰਕ ਅਤੇ ਅੱਧਾ ਕੱਪ ਪਾਣੀ ਮਿਲਾ ਕੇ ਬਲੈਂਡ ਕਰੋ।

5. ਗਾਜਰ ਅਤੇ ਸੰਤਰੇ ਦਾ ਜੂਸ

ਧੁੱਪ ਕਾਰਨ ਹੋਣ ਵਾਲੇ ਸਨ-ਡੈਮੇਜ ਅਤੇ ਵਧਦੀ ਉਮਰ ਦੇ ਲੱਛਣਾਂ ਨੂੰ ਘਟਾਉਣ ਲਈ ਇਹ ਜੂਸ ਰਾਮਬਾਣ ਹੈ। ਗਾਜਰ ਦਾ ਬੀਟਾ-ਕੈਰੋਟੀਨ ਅਤੇ ਸੰਤਰੇ ਦਾ ਵਿਟਾਮਿਨ-ਸੀ ਕੋਲਾਜਨ ਬਣਾਉਣ ਵਿੱਚ ਮਦਦ ਕਰਦੇ ਹਨ, ਜਿਸ ਨਾਲ ਚਮੜੀ ਟਾਈਟ ਅਤੇ ਜਵਾਨ ਰਹਿੰਦੀ ਹੈ।

• ਕਿਵੇਂ ਬਣਾਈਏ? ਦੋ ਗਾਜਰਾਂ ਅਤੇ ਇੱਕ ਛਿੱਲਿਆ ਹੋਇਆ ਸੰਤਰਾ ਇੱਕਠੇ ਬਲੈਂਡ ਕਰੋ।

6. ਹਲਦੀ ਗਲੋ ਟੌਨਿਕ

ਹਲਦੀ ਵਿੱਚ ਮੌਜੂਦ ਕਰਕਿਊਮਿਨ ਐਂਟੀ-ਇਨਫਲੇਮੇਟਰੀ ਹੁੰਦਾ ਹੈ। ਇਹ ਸਰੀਰ ਦੀ ਸੋਜ ਘਟਾਉਂਦਾ ਹੈ ਅਤੇ ਐਕਨੇ ਨੂੰ ਠੀਕ ਕਰਨ ਵਿੱਚ ਮਦਦ ਕਰਦਾ ਹੈ।

• ਕਿਵੇਂ ਬਣਾਈਏ? ਕੋਸੇ ਪਾਣੀ ਵਿੱਚ ਤਾਜ਼ੀ ਹਲਦੀ ਜਾਂ ਪਾਊਡਰ, ਨਿੰਬੂ ਅਤੇ ਸ਼ਹਿਦ ਮਿਲਾ ਕੇ ਪੀਓ।

ਇਹਨਾਂ ਗੱਲਾਂ ਦਾ ਰੱਖੋ ਧਿਆਨ

• ਤਾਜ਼ਾ ਪੀਓ: ਜੂਸ ਕੱਢਣ ਦੇ 15-20 ਮਿੰਟਾਂ ਦੇ ਅੰਦਰ ਹੀ ਪੀ ਲੈਣਾ ਚਾਹੀਦਾ ਹੈ।

• ਛਾਣਨ ਤੋਂ ਬਚੋ: ਜੂਸ ਨੂੰ ਬਹੁਤਾ ਨਾ ਛਾਣੋ ਤਾਂ ਜੋ ਸਰੀਰ ਨੂੰ ਜ਼ਰੂਰੀ ਫਾਈਬਰ ਮਿਲ ਸਕੇ।

• ਖਾਲੀ ਪੇਟ: ਡਿਟੌਕਸ ਅਤੇ ਚਮਕ ਲਈ ਸਵੇਰੇ ਖਾਲੀ ਪੇਟ ਜੂਸ ਪੀਣਾ ਸਭ ਤੋਂ ਵੱਧ ਫਾਇਦੇਮੰਦ ਹੁੰਦਾ ਹੈ।

Disclaimer : ਲੇਖ ਵਿੱਚ ਦਿੱਤੀਆਂ ਗਈਆਂ ਸਲਾਹਾਂ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਕਿਸੇ ਵੀ ਸਮੱਸਿਆ ਲਈ ਹਮੇਸ਼ਾ ਆਪਣੇ ਡਾਕਟਰ ਨਾਲ ਸਲਾਹ ਜ਼ਰੂਰ ਕਰੋ।