- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਜਦੋਂ Kishore Kumar ਸੰਗ ਆਸ਼ਾ ਤਾਈ ਨੇ ਛੇੜੀਆਂ ਸੁਰਾਂ, 44 ਸਾਲ ਪਹਿਲਾਂ ਗਾਇਆ ਸੀ ਇਹ ਆਈਕੋਨਿਕ ਗੀਤ
ਬੀਤੇ ਐਤਵਾਰ ਨੂੰ ਗਾਇਕਾ ਆਸ਼ਾ ਭੌਂਸਲੇ ਨੇ ਇਸ ਦੁਨੀਆ ਨੂੰ ਹਮੇਸ਼ਾ-ਹਮੇਸ਼ਾ ਲਈ ਅਲਵਿਦਾ ਕਹਿ ਦਿੱਤਾ ਹੈ। ਇਸ ਦੌਰਾਨ ਉਨ੍ਹਾਂ ਦੇ ਸ਼ਾਨਦਾਰ ਗੀਤਾਂ ਬਾਰੇ ਖ਼ੂਬ ਚਰਚਾ ਕੀਤੀ ਜਾ ਰਹੀ ਹੈ। ਇਸੇ ਦੌਰਾਨ ਅਸੀਂ ਤੁਹਾਨੂੰ ਆਸ਼ਾ ਤਾਈ ਦੇ ਇੱਕ ਅਜਿਹੇ ਆਈਕੋਨਿਕ ਗੀਤ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਲਈ ਉਨ੍ਹਾਂ ਨੇ ਸੁਰਾਂ ਦੇ ਸਰਤਾਜ ਕਿਸ਼ੋਰ ਕੁਮਾਰ ਨਾਲ ਸੁਰ ਛੇੜੇ ਸਨ।
Posted By Anuradha Bains
Publish Date: Mon, 13 Apr 2026 03:05 PM (IST)
Updated Date: Mon, 13 Apr 2026 03:07 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਬੀਤੇ ਐਤਵਾਰ ਨੂੰ ਗਾਇਕਾ ਆਸ਼ਾ ਭੌਂਸਲੇ ਨੇ ਇਸ ਦੁਨੀਆ ਨੂੰ ਹਮੇਸ਼ਾ-ਹਮੇਸ਼ਾ ਲਈ ਅਲਵਿਦਾ ਕਹਿ ਦਿੱਤਾ ਹੈ। ਇਸ ਦੌਰਾਨ ਉਨ੍ਹਾਂ ਦੇ ਸ਼ਾਨਦਾਰ ਗੀਤਾਂ ਬਾਰੇ ਖ਼ੂਬ ਚਰਚਾ ਕੀਤੀ ਜਾ ਰਹੀ ਹੈ। ਇਸੇ ਦੌਰਾਨ ਅਸੀਂ ਤੁਹਾਨੂੰ ਆਸ਼ਾ ਤਾਈ ਦੇ ਇੱਕ ਅਜਿਹੇ ਆਈਕੋਨਿਕ ਗੀਤ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਲਈ ਉਨ੍ਹਾਂ ਨੇ ਸੁਰਾਂ ਦੇ ਸਰਤਾਜ ਕਿਸ਼ੋਰ ਕੁਮਾਰ ਨਾਲ ਸੁਰ ਛੇੜੇ ਸਨ।
ਕਿਸ਼ੋਰ ਦਾ ਅਤੇ ਆਸ਼ਾ ਭੌਂਸਲੇ ਦਾ ਉਹ ਗੀਤ 44 ਸਾਲ ਪਹਿਲਾਂ ਰਿਲੀਜ਼ ਹੋਇਆ ਸੀ ਅਤੇ ਇਸ ਨੂੰ ਹਿੰਦੀ ਸਿਨੇਮਾ ਦੇ ਇੱਕ ਸੁਪਰਸਟਾਰ 'ਤੇ ਫ਼ਿਲਮਾਇਆ ਗਿਆ ਸੀ। ਆਓ ਜਾਣਦੇ ਹਾਂ ਕਿ ਇੱਥੇ ਕਿਹੜੇ ਗਾਣੇ ਬਾਰੇ ਗੱਲ ਕੀਤੀ ਜਾ ਰਹੀ ਹੈ।
ਕਿਸ਼ੋਰ ਕੁਮਾਰ ਅਤੇ ਆਸ਼ਾ ਭੌਂਸਲੇ ਦੀ ਆਈਕੋਨਿਕ ਜੁਗਲਬੰਦੀ
ਗਾਇਕ ਵਜੋਂ ਕਿਸ਼ੋਰ ਕੁਮਾਰ ਦੀ ਜੋੜੀ ਆਸ਼ਾ ਭੌਂਸਲੇ ਦੀ ਵੱਡੀ ਭੈਣ ਅਤੇ 'ਸੁਰਾਂ ਦੀ ਕੋਕਿਲਾ' ਲਤਾ ਮੰਗੇਸ਼ਕਰ ਨਾਲ ਖ਼ੂਬ ਜੰਮੀ ਸੀ। ਇੰਨਾ ਹੀ ਨਹੀਂ, ਆਸ਼ਾ ਨਾਲ ਵੀ ਕਿਸ਼ੋਰ ਨੇ ਕਈ ਸ਼ਾਨਦਾਰ ਗੀਤ ਗਾਏ ਸਨ। ਉਨ੍ਹਾਂ ਵਿੱਚੋਂ ਹੀ ਇੱਕ 'ਕਲਟ' ਗੀਤ ਬਾਰੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ, ਜੋ 1982 ਵਿੱਚ ਆਈ ਅਮਿਤਾਭ ਬੱਚਨ ਅਤੇ ਸਮਿਤਾ ਪਾਟਿਲ ਦੀ ਬਲਾਕਬਸਟਰ ਫ਼ਿਲਮ 'ਨਮਕ ਹਲਾਲ' ਨਾਲ ਸਬੰਧ ਰੱਖਦਾ ਹੈ। ਗੀਤ ਦੇ ਬੋਲ ਹਨ— 'ਆਜ ਰਪਟ ਜਾਏ ਤੋ...' (Aaj Rapat Jaye Toh)।
44 ਸਾਲ ਪਹਿਲਾਂ ਇਸ ਗੀਤ ਲਈ ਕਿਸ਼ੋਰ ਕੁਮਾਰ ਅਤੇ ਆਸ਼ਾ ਭੌਂਸਲੇ ਇੱਕਠੇ ਹੋਏ ਸਨ ਅਤੇ ਦੋਵਾਂ ਨੇ ਆਪਣੀ ਮਧੁਰ ਆਵਾਜ਼ ਰਾਹੀਂ ਹਿੰਦੀ ਸਿਨੇਮਾ ਦਾ ਇੱਕ ਕਲਾਸਿਕ ਗੀਤ ਤਿਆਰ ਕੀਤਾ। ਇਹ ਇੱਕ ਰੋਮਾਂਟਿਕ ਸ਼ੈਲੀ ਦਾ ਗੀਤ ਹੈ, ਜਿਸ ਨੂੰ ਸਰੋਤੇ ਅੱਜ ਵੀ ਸੁਣਨਾ ਪਸੰਦ ਕਰਦੇ ਹਨ। ਫ਼ਿਲਮ 'ਨਮਕ ਹਲਾਲ' ਵਾਂਗ ਇਹ ਗੀਤ ਵੀ ਬਹੁਤ ਮਕਬੂਲ ਹੋਇਆ ਸੀ।
ਜੇਕਰ ਗੀਤ ਦੀ ਮੇਕਿੰਗ 'ਤੇ ਨਜ਼ਰ ਮਾਰੀਏ ਤਾਂ ਕਿਸ਼ੋਰ ਦਾ ਅਤੇ ਆਸ਼ਾ ਤਾਈ ਦੀ ਗਾਇਕੀ ਤੋਂ ਇਲਾਵਾ, ਇਸ ਗੀਤ ਦੇ ਬੋਲ ਅਨਜਾਨ ਜੀ ਨੇ ਲਿਖੇ ਸਨ, ਜਦੋਂ ਕਿ ਸੰਗੀਤ ਬੱਪੀ ਲਹਿਰੀ ਨੇ ਦਿੱਤਾ ਸੀ।
ਆਸ਼ਾ ਭੌਂਸਲੇ ਅਤੇ ਕਿਸ਼ੋਰ ਕੁਮਾਰ ਦੇ ਹੋਰ ਮਕਬੂਲ ਗੀਤ
ਇਸ ਜੋੜੀ ਨੇ ਕਈ ਹੋਰ ਯਾਦਗਾਰ ਗੀਤਾਂ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ, ਜਿਨ੍ਹਾਂ ਵਿੱਚੋਂ ਕੁਝ ਮੁੱਖ ਹਨ:
ਹਾਲ ਕੈਸਾ ਹੈ ਜਨਾਬ ਕਾ...
ਛੋੜ ਦੋ ਆਂਚਲ ਜ਼ਮਾਨਾ ਕਿਆ ਕਹੇਗਾ...
ਓ ਸਾਥੀ ਚਲ...
ਤੁਮ ਮਿਲੇ ਪਿਆਰ ਸੇ...
ਆਪ ਸਾ ਕੋਈ ਹਸੀਨ...