ਪੁੱਤ ਦੇ ਜਨਮ ਤੋਂ ਬਾਅਦ ਵਿੱਕੀ ਕੌਸ਼ਲ ਨੂੰ ਸਤਾ ਰਿਹਾ ਫੋਨ ਗੁਆਚਣ ਦਾ ਡਰ, ਇਹ ਖ਼ੂਬਸੂਰਤ ਵਜ੍ਹਾ ਹੈ ਕਾਰਨ

ਅਦਾਕਾਰ ਨੇ ਪਿਤਾ ਬਣਨ ਨੂੰ ਦੱਸਿਆ 'ਖੂਬਸੂਰਤ ਅਹਿਸਾਸ'

ਗੱਲਬਾਤ ਕਰਦਿਆਂ ਵਿੱਕੀ ਨੇ ਸਵੀਕਾਰ ਕੀਤਾ ਕਿ ਉਹ ਅਜੇ ਵੀ ਪਿਤਾ ਹੋਣ ਦੇ ਮਤਲਬ ਨੂੰ ਸਮਝਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉਨ੍ਹਾਂ ਕਿਹਾ, "ਮੈਂ ਤੁਹਾਨੂੰ ਦੱਸ ਸਕਦਾ ਹਾਂ ਕਿ ਇਹ ਸਭ ਤੋਂ ਜਾਦੂਈ ਅਹਿਸਾਸ ਹੈ। ਕਦੇ-ਕਦੇ ਮੈਨੂੰ ਲੱਗਦਾ ਹੈ ਕਿ ਮੈਂ ਇਸ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕਰ ਸਕਦਾ; ਉਹ ਭਾਵਨਾਵਾਂ ਜੋ ਤੁਸੀਂ ਅਸਲ ਵਿੱਚ ਮਹਿਸੂਸ ਕਰਦੇ ਹੋ, ਉਨ੍ਹਾਂ ਨੂੰ ਸ਼ਬਦਾਂ ਵਿੱਚ ਬੋਲਣਾ ਮੁਸ਼ਕਲ ਹੈ। ਇਹ ਕਈ ਚੀਜ਼ਾਂ ਦਾ ਮਿਸ਼ਰਣ ਹੈ। ਕਦੇ ਤੁਸੀਂ ਬੇਚੈਨੀ ਮਹਿਸੂਸ ਕਰਦੇ ਹੋ, ਤਾਂ ਕਦੇ ਤੁਹਾਨੂੰ ਅਹਿਸਾਸ ਹੁੰਦਾ ਹੈ ਕਿ ਹੁਣ ਤੁਹਾਨੂੰ ਖ਼ੁਦ ਇੱਕ ਮਿਸਾਲ ਪੇਸ਼ ਕਰਨੀ ਪਵੇਗੀ।"

ਕਿਉਂ ਲੱਗਦਾ ਹੈ ਫੋਨ ਗੁਆਚਣ ਦਾ ਡਰ?

ਉਨ੍ਹਾਂ ਅੱਗੇ ਕਿਹਾ ਕਿ ਕਈ ਵਾਰ ਉਨ੍ਹਾਂ ਨੂੰ ਆਪਣੇ ਕੰਮਾਂ ਵੱਲ ਬਹੁਤ ਧਿਆਨ ਦੇਣ ਦੀ ਲੋੜ ਮਹਿਸੂਸ ਹੁੰਦੀ ਹੈ, ਜਦੋਂ ਕਿ ਕਦੇ ਲੱਗਦਾ ਹੈ ਕਿ ਉਹ ਜਿਵੇਂ ਹਨ, ਉਵੇਂ ਹੀ ਠੀਕ ਹਨ। ਵਿੱਕੀ ਨੇ ਅੱਗੇ ਦੱਸਿਆ, "ਤੁਹਾਡਾ 'ਸੈਂਟਰ ਆਫ ਅਟ੍ਰੈਕਸ਼ਨ' ਅਚਾਨਕ ਬਦਲ ਜਾਂਦਾ ਹੈ ਅਤੇ ਹਮੇਸ਼ਾ ਕੁਝ ਨਾ ਕੁਝ ਤੁਹਾਨੂੰ ਵਾਪਸ ਘਰ ਬੁਲਾਉਂਦਾ ਰਹਿੰਦਾ ਹੈ। ਪਹਿਲੀ ਵਾਰ ਮੈਨੂੰ ਆਪਣਾ ਫੋਨ ਗੁਆਚਣ ਦਾ ਡਰ ਲੱਗ ਰਿਹਾ ਹੈ। ਪਹਿਲਾਂ ਮੈਂ ਕਦੇ ਇਸ ਦੀ ਪਰਵਾਹ ਨਹੀਂ ਸੀ ਕਰਦਾ, ਪਰ ਹੁਣ ਮੇਰੇ ਕੋਲ ਆਪਣੇ ਬੱਚੇ ਦੀਆਂ ਇੰਨੀਆਂ ਜ਼ਿਆਦਾ ਤਸਵੀਰਾਂ ਅਤੇ ਵੀਡੀਓਜ਼ ਹਨ ਕਿ ਮੈਂ ਸੋਚਦਾ ਰਹਿੰਦਾ ਹਾਂ ਕਿ ਕਿਤੇ ਫੋਨ ਨਾ ਗੁਆਚ ਜਾਵੇ। ਤੁਸੀਂ ਆਪਣੇ ਬੱਚੇ ਨਾਲ ਸਮਾਂ ਬਿਤਾਉਣ ਲਈ ਤਰਸਦੇ ਹੋ। ਇਹ ਬੇਹੱਦ ਕੀਮਤੀ ਹੈ। ਇਹ ਸੱਚਮੁੱਚ ਮੇਰੇ ਲਈ ਸਭ ਤੋਂ ਵੱਡੀ ਅਸੀਸ ਹੈ।"