- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦੀਪਿਕਾ ਪਾਦੂਕੋਣ ਦੇ ਨਕਸ਼ੇ-ਕਦਮਾਂ 'ਤੇ ਟਾਈਗਰ ਸ਼ਰਾਫ, ਅੱਲੂ ਅਰਜੁਨ ਦੀ ਵੱਡੀ ਐਕਸ਼ਨ ਫ਼ਿਲਮ 'ਚ ਹੋਈ ਐਂਟਰੀ
ਰਿਪੋਰਟਾਂ ਮੁਤਾਬਕ, ਬਾਲੀਵੁੱਡ ਦੇ ਐਕਸ਼ਨ ਕਿੰਗ ਟਾਈਗਰ ਸ਼ਰਾਫ ਦੀ ਇਸ ਮੂਵੀ ਵਿੱਚ ਐਂਟਰੀ ਹੋ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਟਾਈਗਰ ਇਸ ਫ਼ਿਲਮ ਵਿੱਚ ਇੱਕ ਜ਼ਬਰਦਸਤ ਕੈਮਿਓ ਕਰ ਸਕਦੇ ਹਨ। ਖ਼ਾਸ ਕਰਕੇ ਉਨ੍ਹਾਂ ਸੀਨਾਂ ਵਿੱਚ ਜਿੱਥੇ ਭਾਰੀ ਐਕਸ਼ਨ ਦੀ ਲੋੜ ਹੈ
Posted By alisha
Publish Date: Wed, 07 Jan 2026 04:22 PM (IST)
Updated Date: Wed, 07 Jan 2026 04:28 PM (IST)
ਐਂਟਰਟੇਨਮੈਂਟ ਡੈਸਕ/ਨਵੀਂ ਦਿੱਲੀ: ਸਾਊਥ ਸੁਪਰਸਟਾਰ ਅੱਲੂ ਅਰਜੁਨ ਇਨੀਂ ਦਿਨੀਂ ਆਪਣੀ ਅਗਲੀ ਪੈਨ-ਇੰਡੀਆ ਫ਼ਿਲਮ 'AA22 x A6' ਨੂੰ ਲੈ ਕੇ ਕਾਫੀ ਸੁਰਖੀਆਂ ਵਿੱਚ ਹਨ। ਇਸ ਫ਼ਿਲਮ ਵਿੱਚ ਦੀਪਿਕਾ ਪਾਦੂਕੋਣ, ਰਸ਼ਮਿਕਾ ਮੰਦਾਨਾ ਅਤੇ ਮ੍ਰਿਣਾਲ ਠਾਕੁਰ ਵਰਗੀਆਂ ਵੱਡੀਆਂ ਅਦਾਕਾਰਾ ਪਹਿਲਾਂ ਹੀ ਸ਼ਾਮਲ ਹਨ ਪਰ ਹੁਣ ਖ਼ਬਰ ਆ ਰਹੀ ਹੈ ਕਿ ਇਸ ਫ਼ਿਲਮ ਦਾ ਦਾਇਰਾ ਹੋਰ ਵੀ ਵੱਡਾ ਹੋਣ ਜਾ ਰਿਹਾ ਹੈ।
ਕੌਣ ਕਰੇਗਾ ਫ਼ਿਲਮ 'ਚ ਕੈਮਿਓ
ਰਿਪੋਰਟਾਂ ਮੁਤਾਬਕ, ਬਾਲੀਵੁੱਡ ਦੇ ਐਕਸ਼ਨ ਕਿੰਗ ਟਾਈਗਰ ਸ਼ਰਾਫ ਦੀ ਇਸ ਮੂਵੀ ਵਿੱਚ ਐਂਟਰੀ ਹੋ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਟਾਈਗਰ ਇਸ ਫ਼ਿਲਮ ਵਿੱਚ ਇੱਕ ਜ਼ਬਰਦਸਤ ਕੈਮਿਓ ਕਰ ਸਕਦੇ ਹਨ। ਖ਼ਾਸ ਕਰਕੇ ਉਨ੍ਹਾਂ ਸੀਨਾਂ ਵਿੱਚ ਜਿੱਥੇ ਭਾਰੀ ਐਕਸ਼ਨ ਦੀ ਲੋੜ ਹੈ, ਉੱਥੇ ਟਾਈਗਰ ਆਪਣਾ ਜਲਵਾ ਦਿਖਾਉਣਗੇ। ਹਾਲਾਂਕਿ ਅਜੇ ਤੱਕ ਮੇਕਰਸ ਵੱਲੋਂ ਇਸ ਦੀ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
ਫ਼ਿਲਮ ਦਾ ਬਜਟ ਸੁਣ ਕੇ ਉੱਡ ਜਾਣਗੇ ਹੋਸ਼
ਇਸ ਫ਼ਿਲਮ ਨੂੰ ਬਹੁਤ ਵੱਡੇ ਪੱਧਰ 'ਤੇ ਤਿਆਰ ਕੀਤਾ ਜਾ ਰਿਹਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਫ਼ਿਲਮ ਦੇ ਸਿਰਫ਼ ਵਿਜ਼ੂਅਲ ਇਫੈਕਟਸ (VFX) 'ਤੇ ਹੀ 350 ਤੋਂ 400 ਕਰੋੜ ਰੁਪਏ ਦਾ ਭਾਰੀ ਬਜਟ ਖ਼ਰਚ ਕੀਤਾ ਜਾ ਰਿਹਾ ਹੈ। ਇਹ ਫ਼ਿਲਮ 2026 ਦੇ ਅੰਤ ਤੱਕ ਰਿਲੀਜ਼ ਹੋ ਸਕਦੀ ਹੈ, ਜੋ ਭਾਰਤੀ ਸਿਨੇਮਾ ਦੀਆਂ ਸਭ ਤੋਂ ਮਹਿੰਗੀਆਂ ਫ਼ਿਲਮਾਂ ਵਿੱਚੋਂ ਇੱਕ ਹੋਵੇਗੀ।
ਅੱਲੂ ਅਰਜੁਨ ਦਾ ਹੋਵੇਗਾ ਡਬਲ ਰੋਲ
ਇਹ ਫ਼ਿਲਮ ਅੱਲੂ ਅਰਜੁਨ ਅਤੇ ਮਸ਼ਹੂਰ ਨਿਰਦੇਸ਼ਕ ਐਟਲੀ (ਜਿਨ੍ਹਾਂ ਨੇ 'ਜਵਾਨ' ਬਣਾਈ ਸੀ) ਵਿਚਕਾਰ ਪਹਿਲਾ ਕੋਲੈਬੋਰੇਸ਼ਨ ਹੈ। ਪਹਿਲਾਂ ਚਰਚਾ ਸੀ ਕਿ ਫ਼ਿਲਮ ਵਿੱਚ ਦੋ ਹੀਰੋ ਹੋਣਗੇ ਪਰ ਹੁਣ ਅੱਲੂ ਅਰਜੁਨ ਦੀ ਟੀਮ ਨੇ ਸਾਫ਼ ਕਰ ਦਿੱਤਾ ਹੈ ਕਿ ਉਹ ਖ਼ੁਦ ਹੀ ਡਬਲ ਰੋਲ ਵਿੱਚ ਨਜ਼ਰ ਆਉਣਗੇ, ਜੋ ਫ਼ਿਲਮ ਦੀ ਕਹਾਣੀ ਨੂੰ ਹੋਰ ਵੀ ਰੋਮਾਂਚਕ ਬਣਾ ਦੇਵੇਗਾ।