ਸ਼ਰਧਾ ਕਪੂਰ ਨੂੰ 'ਗੈਂਗਸਟਰ' ਬਣਾਉਣ 'ਤੇ ਡਾਇਰੈਕਟਰ ਦੀ ਹੋਈ ਸੀ ਰੱਜ ਕੇ ਬੇਇੱਜ਼ਤੀ, ਫਿਰ ਪਹਿਲੀ ਲੁੱਕ ਨੇ ਸਭ ਦੇ ਮੂੰਹ ਕਰ ਦਿੱਤੇ ਬੰਦ

ਅਪੂਰਵ ਲਖੀਆ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਸ਼ਰਧਾ ਕਪੂਰ 'ਹਸੀਨਾ ਪਾਰਕਰ' ਦੇ ਰੋਲ ਲਈ ਪਹਿਲੀ ਪਸੰਦ ਨਹੀਂ ਸੀ। ਸੋਨਾਕਸ਼ੀ ਸਿਨਹਾ ਨੂੰ ਪਹਿਲਾਂ ਕਾਸਟ ਕੀਤਾ ਗਿਆ ਸੀ। ਉਨ੍ਹਾਂ ਨੇ ਇਸ ਬਾਰੇ ਦੱਸਿਆ- "ਸੋਨਾਕਸ਼ੀ ਸਿਨਹਾ ਅਸਲ ਵਿੱਚ ਹਸੀਨਾ ਦੀ ਭੂਮਿਕਾ ਵਿੱਚ ਫਿੱਟ ਬੈਠਦੀ ਸੀ। ਜਦੋਂ ਅਸੀਂ ਉਨ੍ਹਾਂ ਨਾਲ ਸ਼ੂਟਿੰਗ ਸ਼ੁਰੂ ਕੀਤੀ ਤਾਂ ਅਸੀਂ ਪਹਿਲਾਂ ਉਨ੍ਹਾਂ ਦੇ ਛੋਟੀ ਉਮਰ ਵਾਲੇ ਵਰਜ਼ਨ ਨੂੰ ਨਿਭਾਉਣ ਲਈ ਇੱਕ ਹੋਰ ਹੀਰੋਇਨ ਨੂੰ ਕਾਸਟ ਕੀਤਾ ਸੀ ਪਰ ਫਿਰ ਤਰੀਕਾਂ (Dates) ਤੈਅ ਨਹੀਂ ਹੋਈਆਂ। ਅਸੀਂ ਫੈਸਲਾ ਕੀਤਾ ਕਿ ਇੰਤਜ਼ਾਰ ਕਰਨ ਦਾ ਕੋਈ ਫਾਇਦਾ ਨਹੀਂ ਹੈ ਕਿਉਂਕਿ ਸਕ੍ਰਿਪਟ ਚੰਗੀ ਸੀ ਅਤੇ ਅਸੀਂ ਫਿਲਮ ਬਣਾਉਣਾ ਚਾਹੁੰਦੇ ਸੀ। ਉਦੋਂ ਹੀ ਮੈਂ ਸ਼ਰਧਾ ਨਾਲ ਸੰਪਰਕ ਕੀਤਾ।"