ਸਮ੍ਰਿਤੀ ਮੰਧਾਨਾ ਵੈਡਿੰਗ ਡਰਾਮਾ : ਵਿਆਹ ਵਾਲੇ ਦਿਨ ਹਸਪਤਾਲ 'ਚ ਸਨ ਪਿਤਾ? ਨੰਦਿਸ਼ ਸੰਧੂ ਨੇ ਦੱਸੀ ਉਸ ਰਾਤ ਦੀ ਹਕੀਕਤ !

ਨੰਦਿਸ਼ ਸੰਧੂ, ਜੋ 'ਤਸਕਰੀ' ਵੈੱਬ ਸੀਰੀਜ਼ ਵਿੱਚ ਨਜ਼ਰ ਆਏ ਹਨ, ਨੇ ਕਿਹਾ ਕਿ ਇਸ ਵਿਵਾਦ ਵਿੱਚ ਸਿਰਫ਼ ਪਲਾਸ਼ 'ਤੇ ਦੋਸ਼ ਲਗਾਉਣੇ ਗਲਤ ਹਨ। ਉਨ੍ਹਾਂ ਕਿਹਾ, "ਬਿਹਤਰ ਹੈ ਕਿ ਅਜੇ ਇਸ ਮਾਮਲੇ ਵਿੱਚ ਕੁਝ ਨਾ ਕਿਹਾ ਜਾਵੇ ਅਤੇ ਪਲਾਸ਼ ਨੂੰ ਵੀ ਆਪਣਾ ਪੱਖ ਪੇਸ਼ ਕਰਨ ਦਾ ਮੌਕਾ ਦਿੱਤਾ ਜਾਵੇ।" ਨੰਦਿਸ਼ ਨੇ ਪੁਸ਼ਟੀ ਕੀਤੀ ਕਿ ਉਹ ਖੁਦ ਵਿਆਹ ਲਈ ਸਾਂਗਲੀ ਗਏ ਸਨ। ਉਨ੍ਹਾਂ ਦੱਸਿਆ, "ਸਮ੍ਰਿਤੀ ਦੇ ਪਿਤਾ ਦੀ ਤਬੀਅਤ ਵਾਕਈ ਖਰਾਬ ਸੀ ਅਤੇ ਉਹ ਹਸਪਤਾਲ ਵਿੱਚ ਸਨ। ਇਹੀ ਕਾਰਨ ਸੀ ਕਿ ਵਿਆਹ ਨੂੰ ਅੱਗੇ ਪਾਇਆ ਗਿਆ (Postpone ਕੀਤਾ ਗਿਆ)।" ਵਿਆਹ ਟੁੱਟਣ ਤੋਂ ਬਾਅਦ ਪਲਾਸ਼ 'ਤੇ ਸਮ੍ਰਿਤੀ ਨੂੰ ਧੋਖਾ ਦੇਣ ਦੇ ਇਲਜ਼ਾਮ ਲੱਗੇ ਸਨ। ਨੰਦਿਸ਼ ਨੇ ਕਿਹਾ ਕਿ ਸਿਰਫ਼ ਇੱਕ ਪਾਸੇ ਦੀਆਂ ਗੱਲਾਂ ਸੁਣ ਕੇ ਪਲਾਸ਼ ਨੂੰ ਨਿਸ਼ਾਨਾ ਬਣਾਉਂਦੇ ਦੇਖ ਉਨ੍ਹਾਂ ਨੂੰ ਬਹੁਤ ਬੁਰਾ ਲੱਗਿਆ।