- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Sitaare Zameen Par OTT Release: 9 ਮਹੀਨੇ ਦਾ ਇੰਤਜ਼ਾਰ ਖ਼ਤਮ ! ਜਾਣੋ ਕਦੋਂ ਤੇ ਕਿਹੜੇ OTT ਪਲੇਟਫਾਰਮ 'ਤੇ ਰਿਲੀਜ਼ ਹੋਵੇਗੀ ਆਮਿਰ ਖ਼ਾਨ ਦੀ ਫ਼ਿਲਮ?
ਤਾਜ਼ਾ ਰਿਪੋਰਟਾਂ ਅਤੇ ਸੋਨੀ ਲਿਵ ਦੇ ਐਲਾਨ ਮੁਤਾਬਕ, ਇਹ ਫ਼ਿਲਮ ਮਾਰਚ 2026 ਵਿੱਚ ਹੀ ਸਟ੍ਰੀਮ ਕੀਤੀ ਜਾਵੇਗੀ। ਹਾਲਾਂਕਿ ਅਜੇ ਸਹੀ ਤਰੀਕ ਦਾ ਐਲਾਨ ਹੋਣਾ ਬਾਕੀ ਹੈ ਪਰ ਉਮੀਦ ਜਤਾਈ ਜਾ ਰਹੀ ਹੈ ਕਿ ਅਗਲੇ ਕੁਝ ਦਿਨਾਂ ਵਿੱਚ ਇਸ ਦੀ ਜਾਣਕਾਰੀ ਦੇ ਦਿੱਤੀ ਜਾਵੇਗੀ।
Posted By alisha
Publish Date: Tue, 10 Mar 2026 12:38 PM (IST)
Updated Date: Tue, 10 Mar 2026 12:42 PM (IST)
ਮਨੋਰੰਜਨ ਡੈਸਕ, ਨਵੀਂ ਦਿੱਲੀ : 20 ਜੂਨ 2025 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਆਮਿਰ ਖ਼ਾਨ ਅਤੇ ਜੇਨੇਲੀਆ ਡਿਸੂਜ਼ਾ ਦੀ ਸਪੋਰਟਸ ਡਰਾਮਾ ਫ਼ਿਲਮ 'ਸਿਤਾਰੇ ਜ਼ਮੀਨ ਪਰ' (Sitaare Zameen Par) ਆਖ਼ਰਕਾਰ ਓਟੀਟੀ (OTT) ਪਲੇਟਫਾਰਮ 'ਤੇ ਦਸਤਕ ਦੇਣ ਲਈ ਤਿਆਰ ਹੈ। ਆਮਿਰ ਖ਼ਾਨ ਨੇ ਇਸ ਫ਼ਿਲਮ ਲਈ ਇੱਕ ਵੱਖਰਾ ਡਿਜੀਟਲ ਮਾਡਲ ਅਪਣਾਇਆ ਸੀ, ਜਿਸ ਕਾਰਨ ਪ੍ਰਸ਼ੰਸਕਾਂ ਨੂੰ ਲੰਬਾ ਇੰਤਜ਼ਾਰ ਕਰਨਾ ਪਿਆ।
ਕਿਹੜੇ OTT ਪਲੇਟਫਾਰਮ 'ਤੇ ਹੋਵੇਗੀ ਸਟ੍ਰੀਮ
ਆਮਿਰ ਖ਼ਾਨ ਦੀ ਇਹ ਫ਼ਿਲਮ ਹੁਣ 'ਸੋਨੀ ਲਿਵ' (Sony LIV) 'ਤੇ ਰਿਲੀਜ਼ ਹੋਣ ਜਾ ਰਹੀ ਹੈ। ਸੋਨੀ ਲਿਵ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਫ਼ਿਲਮ ਦਾ ਟ੍ਰੇਲਰ ਸਾਂਝਾ ਕਰਦਿਆਂ ਇਸ ਦੀ ਪੁਸ਼ਟੀ ਕੀਤੀ ਹੈ। ਖ਼ਾਸ ਗੱਲ ਇਹ ਹੈ ਕਿ 'ਸਿਤਾਰੇ ਜ਼ਮੀਨ ਪਰ' ਸੋਨੀ ਲਿਵ 'ਤੇ ਸਟ੍ਰੀਮ ਹੋਣ ਵਾਲੀ ਪਹਿਲੀ ਹਿੰਦੀ ਥੀਏਟਰਿਕ ਫ਼ਿਲਮ ਬਣੇਗੀ।
ਕਦੋਂ ਦੇਖ ਸਕੋਗੇ
ਤਾਜ਼ਾ ਰਿਪੋਰਟਾਂ ਅਤੇ ਸੋਨੀ ਲਿਵ ਦੇ ਐਲਾਨ ਮੁਤਾਬਕ, ਇਹ ਫ਼ਿਲਮ ਮਾਰਚ 2026 ਵਿੱਚ ਹੀ ਸਟ੍ਰੀਮ ਕੀਤੀ ਜਾਵੇਗੀ। ਹਾਲਾਂਕਿ ਅਜੇ ਸਹੀ ਤਰੀਕ ਦਾ ਐਲਾਨ ਹੋਣਾ ਬਾਕੀ ਹੈ ਪਰ ਉਮੀਦ ਜਤਾਈ ਜਾ ਰਹੀ ਹੈ ਕਿ ਅਗਲੇ ਕੁਝ ਦਿਨਾਂ ਵਿੱਚ ਇਸ ਦੀ ਜਾਣਕਾਰੀ ਦੇ ਦਿੱਤੀ ਜਾਵੇਗੀ।
ਬਾਕਸ ਆਫਿਸ 'ਤੇ ਰਹੀ ਸੀ ਹਿੱਟ
ਫ਼ਿਲਮ ਨੇ ਦੁਨੀਆ ਭਰ ਵਿੱਚ ਲਗਪਗ 266 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ। ਭਾਰਤ ਵਿੱਚ ਫ਼ਿਲਮ ਦੀ ਨੈੱਟ ਕਮਾਈ 166.58 ਕਰੋੜ ਰੁਪਏ ਰਹੀ। ਇਹ ਫ਼ਿਲਮ ਲਗਪਗ 90 ਕਰੋੜ ਰੁਪਏ ਦੇ ਬਜਟ ਵਿੱਚ ਤਿਆਰ ਹੋਈ ਸੀ, ਜਿਸ ਕਾਰਨ ਇਹ 2025 ਦੀਆਂ ਸਫਲ ਫ਼ਿਲਮਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਈ।
ਫ਼ਿਲਮ ਦੀ ਕਹਾਣੀ
'ਸਿਤਾਰੇ ਜ਼ਮੀਨ ਪਰ' ਸਪੈਨਿਸ਼ ਫ਼ਿਲਮ 'ਚੈਂਪੀਅਨਜ਼' (Champions) ਦਾ ਹਿੰਦੀ ਰੂਪ ਹੈ। ਇਹ ਕਹਾਣੀ ਇੱਕ ਹੰਕਾਰੀ ਬਾਸਕਟਬਾਲ ਕੋਚ (ਆਮਿਰ ਖ਼ਾਨ) ਦੀ ਹੈ, ਜਿਸ ਨੂੰ ਕੋਰਟ ਵੱਲੋਂ ਸਜ਼ਾ ਵਜੋਂ 10 'ਵਿਸ਼ੇਸ਼ ਤੌਰ 'ਤੇ ਸਮਰੱਥ' (Specially-abled) ਬੱਚਿਆਂ ਦੀ ਟੀਮ ਨੂੰ ਸਿਖਲਾਈ ਦੇਣ ਦਾ ਹੁਕਮ ਦਿੱਤਾ ਜਾਂਦਾ ਹੈ। ਇਹ ਫ਼ਿਲਮ ਭਾਵਨਾਵਾਂ ਅਤੇ ਪ੍ਰੇਰਣਾ ਨਾਲ ਭਰਪੂਰ ਹੈ।