ਸੰਜੇ ਕਪੂਰ ਦੀ ਮਾਂ ਨੇ ਤੀਜੀ ਨੂੰਹ ਪ੍ਰਿਆ 'ਤੇ ਫਿਰ ਲਾਏ ਗੰਭੀਰ ਇਲਜ਼ਾਮ, ਬੋਲੀ- ਸੋਗ ਦੇ 13 ਦਿਨਾਂ 'ਚ ਕੀਤੇ ਗੈਰ-ਕਾਨੂੰਨੀ ਕੰਮ

ਸੰਜੇ ਕਪੂਰ ਭਾਰਤ ਦੇ ਵੱਡੇ ਕਾਰੋਬਾਰੀਆਂ ਵਿੱਚੋਂ ਇੱਕ ਸਨ। ਉਨ੍ਹਾਂ ਦੀ ਮੌਤ ਤੋਂ ਬਾਅਦ 30 ਹਜ਼ਾਰ ਕਰੋੜ ਦੀ ਜਾਇਦਾਦ ਦਾ ਝਗੜਾ ਲਗਾਤਾਰ ਵਧ ਰਿਹਾ ਹੈ। ਸੰਜੇ ਦੀ 80 ਸਾਲਾ ਮਾਂ ਰਾਣੀ ਕਪੂਰ ਨੇ ਅਦਾਲਤ ਵਿੱਚ ਕਿਹਾ, "ਮੇਰੀ ਨੂੰਹ ਪ੍ਰਿਆ ਨੇ ਬੇਟੇ ਦੇ ਦੇਹਾਂਤ ਤੋਂ ਬਾਅਦ 13 ਦਿਨਾਂ ਦੇ ਸੋਗ ਦੇ ਮਾਹੌਲ ਵਿੱਚ ਸਾਰੀ ਖੇਡ ਖੇਡੀ। ਉਸ ਨੇ ਇਸ ਦੌਰਾਨ ਕਈ ਗੈਰ-ਕਾਨੂੰਨੀ ਕੰਮ ਕੀਤੇ ਤਾਂ ਜੋ ਉਹ 'ਸੋਨਾ ਕਾਮਸਟਾਰ ਗਰੁੱਪ' 'ਤੇ ਕਬਜ਼ਾ ਕਰ ਸਕੇ। ਉਸ ਨੇ ਧੋਖਾ ਦੇਣ ਲਈ ਕਾਗਜ਼ਾਂ ਵਿੱਚ ਹੇਰਾਫੇਰੀ ਕੀਤੀ। ਟਰੱਸਟ ਧੋਖੇ ਨਾਲ ਮੇਰੇ ਨਾਮ 'ਤੇ ਬਣਾਇਆ ਗਿਆ ਸੀ ਪਰ ਇਸ ਦੀ ਵਰਤੋਂ ਜਾਇਦਾਦ ਦਾ ਕੰਟਰੋਲ ਹਥਿਆਉਣ ਲਈ ਕੀਤੀ ਗਈ। ਉਹ ਇੱਕ 'ਮਾਸਟਰਮਾਈਂਡ' ਹੈ।" ਰਾਣੀ ਕਪੂਰ ਨੇ ਦਿੱਲੀ ਹਾਈ ਕੋਰਟ ਵਿੱਚ 'ਰਾਣੀ ਕਪੂਰ ਫੈਮਿਲੀ ਟਰੱਸਟ' ਦੀ ਕਾਨੂੰਨੀ ਮਾਨਤਾ ਨੂੰ ਚੁਣੌਤੀ ਦਿੱਤੀ ਹੈ।