29 ਸਾਲਾਂ ਤੋਂ ਰਿਲੀਜ਼ ਨੂੰ ਤਰਸਦੀ ਰਹੀ ਸਲਮਾਨ ਖਾਨ ਦੀ ਵੱਡੀ ਫ਼ਿਲਮ, 80% ਤੱਕ ਬਣ ਗਈ ਸੀ ਮੂਵੀ

ਕਿਉਂ ਰਿਲੀਜ਼ ਨਹੀਂ ਹੋਈ ਸਲਮਾਨ ਖਾਨ ਦੀ ਇਹ ਫ਼ਿਲਮ?

ਸਲਮਾਨ ਖਾਨ ਦੀ ਜਿਸ ਫ਼ਿਲਮ ਦਾ ਇਸ ਲੇਖ ਵਿੱਚ ਜ਼ਿਕਰ ਕੀਤਾ ਜਾ ਰਿਹਾ ਹੈ, ਉਸ ਦਾ ਨਾਂ 'ਦਸ' (Das - 1997) ਸੀ। ਇਸ ਦੇ ਨਿਰਦੇਸ਼ਕ ਮੁਕੁਲ ਆਨੰਦ ਸਨ। ਇਸ ਫ਼ਿਲਮ ਵਿੱਚ ਸਲਮਾਨ ਦੇ ਨਾਲ ਦੂਜੇ ਮੁੱਖ ਕਿਰਦਾਰ ਵਿੱਚ ਅਦਾਕਾਰ ਸੰਜੇ ਦੱਤ ਵੀ ਮੌਜੂਦ ਸਨ। ਫ਼ਿਲਮ ਦੇ ਪੋਸਟਰਾਂ ਵਿੱਚ ਇਨ੍ਹਾਂ ਦੋਵਾਂ ਸੁਪਰਸਟਾਰਾਂ ਨੂੰ ਇਕੱਠੇ ਦੇਖਿਆ ਗਿਆ ਸੀ।

ਇਸ ਦੇ ਨਾਲ ਹੀ ਫ਼ਿਲਮ ਦਾ ਇੱਕ ਮਸ਼ਹੂਰ ਗੀਤ 'ਸਬਸੇ ਆਗੇ ਹੋਗੇ ਹਿੰਦੁਸਤਾਨੀ' ਵੀ ਰਿਲੀਜ਼ ਕਰ ਦਿੱਤਾ ਗਿਆ ਸੀ। ਫ਼ਿਲਮ ਲਗਪਗ 80 ਫ਼ੀਸਦੀ ਬਣ ਕੇ ਤਿਆਰ ਹੋ ਗਈ ਸੀ ਅਤੇ 1998 ਵਿੱਚ ਇਸ ਨੂੰ ਵੱਡੇ ਪਰਦੇ 'ਤੇ ਰਿਲੀਜ਼ ਕਰਨ ਦਾ ਫੈਸਲਾ ਵੀ ਲਿਆ ਗਿਆ ਸੀ। ਪਰ 'ਦਸ' ਦੇ ਆਖਰੀ ਸ਼ੈਡਿਊਲ ਦੀ ਸ਼ੂਟਿੰਗ ਖ਼ਤਮ ਹੋਣ ਤੋਂ ਪਹਿਲਾਂ ਹੀ ਨਿਰਦੇਸ਼ਕ ਮੁਕੁਲ ਆਨੰਦ ਦਾ ਦਿਹਾਂਤ ਹੋ ਗਿਆ।

ਦੱਸਿਆ ਜਾਂਦਾ ਹੈ ਕਿ ਉਹ ਅਮਰੀਕਾ ਵਿੱਚ 'ਦਸ' ਦੀ ਸ਼ੂਟਿੰਗ ਕਰ ਰਹੇ ਸਨ ਅਤੇ ਅਚਾਨਕ ਉਨ੍ਹਾਂ ਨੂੰ ਦਿਲ ਦਾ ਦੌੜਾ ਪਿਆ, ਜਿਸ ਕਾਰਨ 45 ਸਾਲ ਦੀ ਉਮਰ ਵਿੱਚ ਉਹ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ। ਇਸ ਤੋਂ ਬਾਅਦ 'ਦਸ' ਕਦੇ ਪੂਰੀ ਨਹੀਂ ਹੋ ਸਕੀ ਅਤੇ ਸਲਮਾਨ ਖਾਨ-ਸੰਜੇ ਦੱਤ ਦੀ ਇਹ ਐਕਸ਼ਨ ਥ੍ਰਿਲਰ ਬੰਦ ਹੋ ਗਈ।

ਹੁਣ ਇਨ੍ਹਾਂ ਫ਼ਿਲਮਾਂ 'ਚ ਨਜ਼ਰ ਆਉਣਗੇ ਸਲਮਾਨ

ਜੇਕਰ ਸਲਮਾਨ ਖਾਨ ਦੀਆਂ ਆਉਣ ਵਾਲੀਆਂ ਫ਼ਿਲਮਾਂ ਵੱਲ ਨਜ਼ਰ ਮਾਰੀਏ, ਤਾਂ ਉਨ੍ਹਾਂ ਦੀ ਅਗਲੀ ਫ਼ਿਲਮ ਦਾ ਨਾਂ 'ਮਾਤ੍ਰਭੂਮੀ' (ਬੈਟਲ ਆਫ ਗਲਵਾਨ) ਹੈ, ਜਿਸ ਦਾ ਨਿਰਦੇਸ਼ਨ ਅਪੂਰਵਾ ਲਖੀਆ ਨੇ ਕੀਤਾ ਹੈ। ਇਸ ਫ਼ਿਲਮ ਦੀ ਰਿਲੀਜ਼ ਡੇਟ 17 ਅਪ੍ਰੈਲ 2026 ਰੱਖੀ ਗਈ ਹੈ, ਪਰ ਮੰਨਿਆ ਜਾ ਰਿਹਾ ਹੈ ਕਿ ਨਿਰਮਾਤਾ ਇਸ ਦੀ ਰਿਲੀਜ਼ ਨੂੰ ਅੱਗੇ ਵਧਾ ਸਕਦੇ ਹਨ। ਇਸ ਤੋਂ ਇਲਾਵਾ, ਸਾਊਥ ਦੇ ਨਿਰਦੇਸ਼ਕ ਵਾਮਸੀ ਨਾਲ ਵੀ ਸਲਮਾਨ ਦੀ ਇੱਕ ਨਵੀਂ ਫ਼ਿਲਮ ਦਾ ਐਲਾਨ ਹੋ ਚੁੱਕਾ ਹੈ।