ਰਾਖੀ ਗੁਲਜ਼ਾਰ ਨੇ 60 ਸਾਲ ਦੀ ਉਮਰ 'ਚ ਆਮਿਰ ਖ਼ਾਨ ਦੇ ਤੀਜੀ ਵਾਰ ਲਾੜਾ ਬਣਨ 'ਤੇ ਦਿੱਤਾ ਰਿਐਕਸ਼ਨ, ਬੋਲੀ— 'ਵਿਆਹ ਦਾ ਸੁੱਖ...'

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਬਾਲੀਵੁੱਡ ਦੀ ਦਿੱਗਜ ਅਦਾਕਾਰਾ ਰਾਖੀ ਗੁਲਜ਼ਾਰ ਨੂੰ 'ਕਭੀ ਕਭੀ', 'ਕਾਲਾ ਪੱਥਰ', 'ਬਾਜ਼ੀਗਰ', 'ਕਰਨ ਅਰਜੁਨ', 'ਬਾਰਡਰ' ਅਤੇ 'ਬਾਦਸ਼ਾਹ' ਵਰਗੀਆਂ ਫ਼ਿਲਮਾਂ ਵਿੱਚ ਉਨ੍ਹਾਂ ਦੀ ਯਾਦਗਾਰ ਅਦਾਕਾਰੀ ਲਈ ਜਾਣਿਆ ਜਾਂਦਾ ਹੈ।

ਹਾਲ ਹੀ ਵਿੱਚ ਅਦਾਕਾਰਾ ਨੇ ਆਮਿਰ ਖ਼ਾਨ ਦੇ 60 ਸਾਲ ਦੀ ਉਮਰ ਵਿੱਚ ਆਪਣੀ ਪ੍ਰੇਮਿਕਾ ਗੌਰੀ ਸਪ੍ਰੈਟ ਨਾਲ ਤੀਜੀ ਵਾਰ ਵਿਆਹ ਕਰਨ ਦੀਆਂ ਖ਼ਬਰਾਂ ਨੂੰ ਲੈ ਕੇ ਹੋ ਰਹੀ ਆਲੋਚਨਾ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ।

ਕਿਸ ਦਿਨ ਵਿਆਹ ਕਰਨਗੇ ਆਮਿਰ

ਆਮਿਰ ਖ਼ਾਨ ਦਾ ਪਹਿਲਾ ਵਿਆਹ ਰੀਨਾ ਦੱਤਾ ਨਾਲ ਅਤੇ ਦੂਜਾ ਵਿਆਹ ਕਿਰਨ ਰਾਓ ਨਾਲ ਹੋਇਆ ਸੀ। ਹੁਣ 5 ਜੁਲਾਈ ਨੂੰ ਆਮਿਰ ਖ਼ਾਨ ਤੀਜੀ ਵਾਰ ਗੌਰੀ ਨਾਲ ਵਿਆਹ ਕਰਨ ਜਾ ਰਹੇ ਹਨ।

ਇੱਕ ਪਾਸੇ ਜਿੱਥੇ ਕਈ ਲੋਕ ਆਮਿਰ ਖ਼ਾਨ ਨੂੰ ਵਿਆਹ ਲਈ ਵਧਾਈਆਂ ਦੇ ਰਹੇ ਹਨ, ਉੱਥੇ ਹੀ ਕੁਝ ਲੋਕ ਉਨ੍ਹਾਂ ਦੀ ਆਲੋਚਨਾ ਵੀ ਕਰ ਰਹੇ ਹਨ। ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਨੇ 60 ਸਾਲ ਦੀ ਉਮਰ ਵਿੱਚ ਅਭਿਨੇਤਾ ਦੇ ਤੀਜੇ ਵਿਆਹ 'ਤੇ ਸਵਾਲ ਖੜ੍ਹੇ ਕੀਤੇ ਹਨ।

ਰਾਖੀ ਨੇ ਦਿੱਤੀ ਹਾਲੀਵੁੱਡ ਐਕਟਰ ਦੀ ਉਦਾਹਰਨ

ਇਸ ਆਲੋਚਨਾ 'ਤੇ ਪ੍ਰਤੀਕਿਰਿਆ ਦਿੰਦਿਆਂ ਰਾਖੀ ਨੇ 'ਵਰਾਇਟੀ ਇੰਡੀਆ' ਨੂੰ ਕਿਹਾ, "60 ਸਾਲ ਦੀ ਉਮਰ ਵਿੱਚ ਵਿਆਹ ਕਰਨ ਵਿੱਚ ਕੀ ਬੁਰਾਈ ਹੈ? ਰੌਬਰਟ ਡੀ ਨੀਰੋ ਦੋ ਵਾਰ ਵਿਆਹ ਕਰ ਚੁੱਕੇ ਹਨ ਅਤੇ ਹੁਣ ਟਿਫਨੀ ਚੇਨ ਨਾਲ ਰਿਲੇਸ਼ਨਸ਼ਿਪ ਵਿੱਚ ਹਨ, ਜਿਨ੍ਹਾਂ ਤੋਂ ਉਨ੍ਹਾਂ ਦੀ ਇੱਕ ਬੇਟੀ ਹੈ ਜਿਸਦਾ ਜਨਮ 2023 ਵਿੱਚ ਹੋਇਆ ਸੀ। ਉਨ੍ਹਾਂ ਦੇ 80 ਸਾਲ ਤੋਂ ਵੱਧ ਦੀ ਉਮਰ ਵਿੱਚ ਬੱਚਾ ਹੋਇਆ ਸੀ। ਵਿਆਹ ਦਾ ਸੁੱਖ ਉਮਰ 'ਤੇ ਨਿਰਭਰ ਨਹੀਂ ਕਰਦਾ।"

ਰਾਖੀ ਨੇ ਆਪਣੀ ਉਦਾਹਰਨ ਦਿੰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੇ ਗੀਤਕਾਰ ਅਤੇ ਫ਼ਿਲਮ ਨਿਰਮਾਤਾ ਗੁਲਜ਼ਾਰ ਨਾਲ ਉਦੋਂ ਵਿਆਹ ਕੀਤਾ ਸੀ ਜਦੋਂ ਉਹ ਲਗਪਗ 40 ਸਾਲ ਦੇ ਸਨ। ਇਸ ਜੋੜੇ ਨੇ 15 ਮਈ 1973 ਨੂੰ ਇੱਕ ਗ੍ਰੈਂਡ ਵੈਡਿੰਗ ਕੀਤੀ ਸੀ। ਉਸੇ ਸਾਲ ਉਨ੍ਹਾਂ ਦੀ ਬੇਟੀ ਮੇਘਨਾ ਗੁਲਜ਼ਾਰ ਦਾ ਜਨਮ ਹੋਇਆ ਸੀ।