ਪ੍ਰਿਯੰਕਾ ਚੋਪੜਾ ਦੀ 6 ਸਾਲ ਪੁਰਾਣੀ ਇੱਛਾ ਪੂਰੀ ਕਰਨ ਦੇ ਚੱਕਰ 'ਚ ਝੁਕ ਗਏ ਸਨ ਰਾਜਾਮੌਲੀ, ਮਹੇਸ਼ ਬਾਬੂ ਨੇ ਚੁਕਾਈ ਸੀ ਕੀਮਤ
ਗਲੋਬਲ ਸਟਾਰ ਪ੍ਰਿਯੰਕਾ ਚੋਪੜਾ (Priyanka Chopra) ਛੇ ਸਾਲਾਂ ਦੇ ਲੰਬੇ ਵਕਫੇ ਤੋਂ ਬਾਅਦ ਭਾਰਤੀ ਫ਼ਿਲਮ ਇੰਡਸਟਰੀ ਵਿੱਚ ਵਾਪਸੀ ਕਰਨ ਜਾ ਰਹੀ ਹੈ। ਉਹ ਐੱਸ.ਐੱਸ. ਰਾਜਾਮੌਲੀ ਦੇ ਨਿਰਦੇਸ਼ਨ ਹੇਠ ਬਣ ਰਹੀ ਫ਼ਿਲਮ 'ਵਾਰਾਣਸੀ' ਵਿੱਚ 'ਮੰਦਾਕਿਨੀ' ਦੇ ਕਿਰਦਾਰ ਵਿੱਚ ਨਜ਼ਰ ਆਵੇਗੀ।
Posted By Sunita
Publish Date: Wed, 04 Feb 2026 11:09 AM (IST)
Updated Date: Wed, 04 Feb 2026 11:10 AM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ: ਗਲੋਬਲ ਸਟਾਰ ਪ੍ਰਿਯੰਕਾ ਚੋਪੜਾ (Priyanka Chopra) ਛੇ ਸਾਲਾਂ ਦੇ ਲੰਬੇ ਵਕਫੇ ਤੋਂ ਬਾਅਦ ਭਾਰਤੀ ਫ਼ਿਲਮ ਇੰਡਸਟਰੀ ਵਿੱਚ ਵਾਪਸੀ ਕਰਨ ਜਾ ਰਹੀ ਹੈ। ਉਹ ਐੱਸ.ਐੱਸ. ਰਾਜਾਮੌਲੀ ਦੇ ਨਿਰਦੇਸ਼ਨ ਹੇਠ ਬਣ ਰਹੀ ਫ਼ਿਲਮ 'ਵਾਰਾਣਸੀ' ਵਿੱਚ 'ਮੰਦਾਕਿਨੀ' ਦੇ ਕਿਰਦਾਰ ਵਿੱਚ ਨਜ਼ਰ ਆਵੇਗੀ।
ਇਸ ਫ਼ਿਲਮ ਵਿੱਚ ਪ੍ਰਿਯੰਕਾ ਚੋਪੜਾ ਸਾਊਥ ਸੁਪਰਸਟਾਰ ਮਹੇਸ਼ ਬਾਬੂ ਦੇ ਨਾਲ ਮੁੱਖ ਭੂਮਿਕਾ ਵਿੱਚ ਹੈ। ਹਾਲ ਹੀ ਵਿੱਚ ਪ੍ਰਿਯੰਕਾ ਚੋਪੜਾ ਨੇ ਦੱਸਿਆ ਕਿ ਜਦੋਂ ਉਹ 'ਵਾਰਾਣਸੀ' ਸਾਈਨ ਕਰ ਰਹੀ ਸੀ, ਤਾਂ ਉਸ ਨੇ ਐੱਸ.ਐੱਸ. ਰਾਜਾਮੌਲੀ ਅੱਗੇ ਇੱਕ ਅਜਿਹੀ ਗੁਜ਼ਾਰਿਸ਼ ਰੱਖੀ, ਜਿਸਦਾ ਭੁਗਤਾਨ ਮਹੇਸ਼ ਬਾਬੂ ਨੂੰ ਕਰਨਾ ਪਿਆ।
ਛੇ ਸਾਲ ਬਾਅਦ ਫ਼ਿਲਮਾਂ ਵਿੱਚ ਇਹ ਕਰਨਾ ਚਾਹੁੰਦੀ ਸੀ ਪ੍ਰਿਯੰਕਾ
ਪ੍ਰਿਯੰਕਾ ਚੋਪੜਾ, ਐੱਸ.ਐੱਸ. ਰਾਜਾਮੌਲੀ ਅਤੇ ਅਦਾਕਾਰ ਮਹੇਸ਼ ਬਾਬੂ ਨੇ ਹਾਲ ਹੀ ਵਿੱਚ 'ਸਿਨੇਮਾ ਬਲੈਂਡ' ਨੂੰ ਦਿੱਤੇ ਇੰਟਰਵਿਊ ਵਿੱਚ ਦੱਸਿਆ ਕਿ ਉਹ ਕਿਹੜੀ ਇੱਕ ਬੇਨਤੀ ਸੀ, ਜੋ ਉਸਨੇ ਪੂਰੀ ਕਰਵਾਈ। ਪ੍ਰਿਯੰਕਾ ਨੇ ਕਿਹਾ: "ਮੈਂ ਛੇ ਸਾਲਾਂ ਤੋਂ ਕੋਈ ਭਾਰਤੀ ਫ਼ਿਲਮ ਨਹੀਂ ਕੀਤੀ ਸੀ। ਇਸ ਲਈ ਜਦੋਂ ਮੈਂ ਇਨ੍ਹਾਂ (ਰਾਜਾਮੌਲੀ) ਨੂੰ ਫ਼ੋਨ ਕੀਤਾ, ਤਾਂ ਉਨ੍ਹਾਂ ਨੇ ਕਿਹਾ ਕਿ ਤੈਨੂੰ ਪਤਾ ਹੈ ਕਿ ਇਹ ਫੀਮੇਲ ਕਿਰਦਾਰ ਬਹੁਤ ਹੀ ਕੂਲ ਹੈ ਅਤੇ ਤੈਨੂੰ ਇਹ ਕਰਨਾ ਚਾਹੀਦਾ ਹੈ। ਮੈਂ ਵੀ ਮੌਕੇ 'ਤੇ ਚੌਕਾ ਮਾਰਦਿਆਂ ਰਾਜਾਮੌਲੀ ਨੂੰ ਪੁੱਛ ਲਿਆ ਕਿ ਕੀ ਤੁਸੀਂ ਮੈਨੂੰ ਡਾਂਸ ਕਰਵਾਓਗੇ? ਪਲੀਜ਼, ਮੈਂ ਬਹੁਤ ਲੰਬੇ ਸਮੇਂ ਤੋਂ ਡਾਂਸ ਨਹੀਂ ਕੀਤਾ ਹੈ। ਵੈਸੇ ਮੈਨੂੰ ਇਹ ਨਹੀਂ ਪੁੱਛਣਾ ਚਾਹੀਦਾ ਸੀ, ਕਿਉਂਕਿ ਫ਼ਿਲਮ ਵਿੱਚ ਡਾਂਸ ਨੰਬਰ ਸੀ ਅਤੇ ਅਸੀਂ ਬਹੁਤ ਜ਼ਿਆਦਾ ਨੱਚੇ। ਮਹੇਸ਼ ਬਾਬੂ ਨੇ ਤਾਂ ਮੈਨੂੰ ਇਹ ਵੀ ਕਹਿ ਦਿੱਤਾ ਕਿ ਸਿਰਫ਼ ਤੇਰੀ ਵਜ੍ਹਾ ਕਰਕੇ ਮੈਨੂੰ ਇਹ ਵੀ ਕਰਨਾ ਪਵੇਗਾ।"'' ![naidunia_image]()
ਕਦੋਂ ਸਿਨੇਮਾਘਰਾਂ ਵਿੱਚ ਦਸਤਕ ਦੇਵੇਗੀ 'ਵਾਰਾਣਸੀ'?
ਪ੍ਰਿਯੰਕਾ ਚੋਪੜਾ ਤੋਂ ਇਲਾਵਾ ਮਹੇਸ਼ ਬਾਬੂ ਨੇ ਵੀ ਫ਼ਿਲਮ ਦੇ ਗੀਤ ਬਾਰੇ ਗੱਲ ਕਰਦਿਆਂ ਕਿਹਾ, "ਇਹ ਇੱਕ ਸੈਂਸੇਸ਼ਨਲ ਗੀਤ ਹੈ ਅਤੇ ਮੈਨੂੰ ਲੱਗਦਾ ਹੈ ਕਿ ਅਸੀਂ ਇੱਕ ਗੀਤ ਦੀ ਸ਼ੂਟਿੰਗ ਪਹਿਲਾਂ ਹੀ ਕਰ ਚੁੱਕੇ ਹਾਂ, ਜੋ ਲਗਾਤਾਰ ਸਾਡੇ ਦਿਮਾਗ ਵਿੱਚ ਵੱਜ ਰਿਹਾ ਹੈ। ਪ੍ਰਿਯੰਕਾ ਹਰ ਵੇਲੇ ਇਸ ਗੀਤ ਨੂੰ ਗਾਉਂਦੀ ਰਹਿੰਦੀ ਹੈ। ਉਹ ਇਸ ਗੀਤ 'ਤੇ ਡਾਂਸ ਕਰਨਾ ਚਾਹੁੰਦੀ ਸੀ ਅਤੇ ਉਨ੍ਹਾਂ (ਰਾਜਾਮੌਲੀ) ਨੇ ਉਨ੍ਹਾਂ ਤੋਂ ਡਾਂਸ ਕਰਵਾ ਹੀ ਲਿਆ।"
ਪ੍ਰਿਯੰਕਾ ਚੋਪੜਾ ਨੂੰ ਕਈ ਸਾਲਾਂ ਬਾਅਦ ਮਹੇਸ਼ ਬਾਬੂ ਨਾਲ ਡਾਂਸ ਨੰਬਰ ਕਰਦੇ ਦੇਖਣ ਲਈ ਪ੍ਰਸ਼ੰਸਕ ਵੀ ਕਾਫੀ ਉਤਸ਼ਾਹਿਤ ਹਨ। ਇਹ ਇੱਕ ਐਕਸ਼ਨ ਐਡਵੈਂਚਰ 'ਟਾਈਮ ਟ੍ਰੈਵਲ' ਫ਼ਿਲਮ ਹੈ। ਹਾਲਾਂਕਿ, ਫ਼ਿਲਮ ਦੀ ਕਹਾਣੀ 'ਤੇ ਮੇਕਰਸ ਨੇ ਅਜੇ ਵੀ ਸਸਪੈਂਸ ਬਣਾਇਆ ਹੋਇਆ ਹੈ। ਫ਼ਿਲਮ ਵਿੱਚ ਮਹੇਸ਼ ਬਾਬੂ ਭਗਵਾਨ ਰਾਮ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਇਹ ਮੂਵੀ ਅਪ੍ਰੈਲ 2027 ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।