ਰਾਹਾ ਕਪੂਰ ਦੀ ਮਸਤੀ ਤੇ ਸਮੁੰਦਰ ਦਾ ਕਿਨਾਰਾ: ਆਲੀਆ ਭੱਟ ਨੇ ਸਾਂਝੀ ਕੀਤੀ 2026 ਦੀ ਪਹਿਲੀ ਪਰਿਵਾਰਕ ਝਲਕ

ਐਂਟਰਟੇਨਮੈਟ ਡੈਸਕ,ਨਵੀਂ ਦਿੱਲੀ : ਭਾਵੇਂ ਰਣਬੀਰ ਕਪੂਰ ਦਾ ਆਪਣਾ ਕੋਈ ਪਬਲਿਕ ਸੋਸ਼ਲ ਮੀਡੀਆ ਅਕਾਊਂਟ ਨਹੀਂ ਹੈ ਪਰ ਆਲੀਆ ਭੱਟ ਅਕਸਰ ਆਪਣੀ ਨਿੱਜੀ ਜ਼ਿੰਦਗੀ ਦੀਆਂ ਝਲਕੀਆਂ ਸਾਂਝੀਆਂ ਕਰਕੇ ਪ੍ਰਸ਼ੰਸਕਾਂ ਨੂੰ ਖੁਸ਼ ਕਰ ਦਿੰਦੀ ਹੈ। ਦੀਵਾਲੀ ਅਤੇ ਕ੍ਰਿਸਮਸ ਤੋਂ ਬਾਅਦ ਹੁਣ ਆਲੀਆ ਨੇ ਸਾਲ 2026 ਦੀ ਪਹਿਲੀ ਫੈਮਿਲੀ ਫੋਟੋ ਸਾਂਝੀ ਕੀਤੀ ਹੈ।

ਨਵੇਂ ਸਾਲ ਦੀਆਂ ਛੁੱਟੀਆਂ ਦਾ ਜਸ਼ਨ

ਕ੍ਰਿਸਮਸ ਮਨਾਉਣ ਤੋਂ ਤੁਰੰਤ ਬਾਅਦ ਆਲੀਆ ਅਤੇ ਰਣਬੀਰ ਆਪਣੀ ਬੇਟੀ ਰਾਹਾ ਕਪੂਰ ਨਾਲ ਨਵੇਂ ਸਾਲ ਦੀਆਂ ਛੁੱਟੀਆਂ ਮਨਾਉਣ ਲਈ ਮੁੰਬਈ ਤੋਂ ਰਵਾਨਾ ਹੋ ਗਏ ਸਨ। ਹਾਲਾਂਕਿ ਉਨ੍ਹਾਂ ਦੀ ਲੋਕੇਸ਼ਨ ਗੁਪਤ ਰੱਖੀ ਗਈ ਹੈ ਪਰ ਆਲੀਆ ਵੱਲੋਂ ਸਾਂਝੀ ਕੀਤੀ ਗਈ ਤਸਵੀਰ ਕਿਸੇ ਸਮੁੰਦਰ ਦੇ ਕਿਨਾਰੇ ਦੀ ਲੱਗ ਰਹੀ ਹੈ।

ਸਾਲ 2026 ਦੀ ਪਹਿਲੀ ਤਸਵੀਰ

4 ਜਨਵਰੀ 2026 ਨੂੰ ਆਲੀਆ ਨੇ ਇੱਕ ਬਹੁਤ ਹੀ ਪਿਆਰੀ ਫੋਟੋ ਅਪਲੋਡ ਕੀਤੀ। ਇਸ ਤਸਵੀਰ ਵਿੱਚ ਰਣਬੀਰ ਕਪੂਰ ਆਪਣੀ ਬੇਟੀ ਰਾਹਾ ਨੂੰ ਹਵਾ ਵਿੱਚ ਉਛਾਲ ਕੇ ਮਸਤੀ ਕਰ ਰਹੇ ਹਨ। ਆਲੀਆ ਭੱਟ ਆਪਣੀ ਲਾਡਲੀ ਨੂੰ ਦੇਖ ਕੇ ਪਿਆਰ ਨਾਲ ਮੁਸਕਰਾ ਰਹੀ ਹੈ। ਸਮੁੰਦਰ ਦਾ ਕਿਨਾਰਾ ਅਤੇ ਡੁੱਬਦਾ ਹੋਇਆ ਸੂਰਜ (Sunset) ਇਸ ਫੋਟੋ ਨੂੰ ਹੋਰ ਵੀ ਯਾਦਗਾਰ ਬਣਾ ਰਿਹਾ ਹੈ।ਆਲੀਆ ਨੇ ਕੈਪਸ਼ਨ ਵਿੱਚ ਲਿਖਿਆ "ਅਤੇ ਤੁਸੀਂ ਉੱਪਰ ਜਾਓਗੇ ਪਿਆਰ.. ਹੈਪੀ 2026।"

View this post on Instagram

A post shared by Alia Bhatt 💛 (@aliaabhatt)

ਵਰਕ ਫਰੰਟ

ਸਾਲ 2026 ਇਸ ਜੋੜੀ ਲਈ ਬਹੁਤ ਮਹੱਤਵਪੂਰਨ ਹੋਣ ਵਾਲਾ ਹੈ,'ਲਵ ਐਂਡ ਵਾਰ' ਸੰਜੇ ਲੀਲਾ ਭੰਸਾਲੀ ਦੀ ਇਸ ਫ਼ਿਲਮ ਵਿੱਚ ਆਲੀਆ ਅਤੇ ਰਣਬੀਰ ਇੱਕ ਵਾਰ ਫਿਰ ਇਕੱਠੇ ਨਜ਼ਰ ਆਉਣਗੇ। ਰਣਬੀਰ ਕਪੂਰ ਦੀ ਸਭ ਤੋਂ ਵੱਡੀ ਫ਼ਿਲਮ 'ਰਾਮਾਇਣ' ਵੀ ਇਸੇ ਸਾਲ ਦੀਵਾਲੀ 'ਤੇ ਰਿਲੀਜ਼ ਹੋਣ ਲਈ ਤਿਆਰ ਹੈ।