'18 ਦਿਨਾਂ ਦਾ ਪਿਆਰ ਤੇ ਕਰ ਲਿਆ ਵਿਆਹ', ਸਲਮਾਨ ਖਾਨ ਦੀ 'ਚਾਚੀ ਸੱਸ' ਨੂੰ ਕੁੱਟਦਾ ਸੀ ਆਮਿਰ ਦਾ ਮਤਰੇਆ ਭਰਾ, ਬਿਆਨ ਕੀਤਾ ਦਰਦ

ਇਵਾ ਨੇ ਅੱਗੇ ਦੱਸਿਆ ਕਿ ਚਾਰ ਸਾਲ ਦੇ ਵਿਆਹ ਤੋਂ ਬਾਅਦ ਜਦੋਂ ਉਹ ਗਰਭਵਤੀ ਸੀ ਤਾਂ ਉਸ ਦੇ ਮਨ ਵਿੱਚ ਇਹ ਉਮੀਦ ਜਾਗੀ ਸੀ ਕਿ ਸ਼ਾਇਦ ਉਸ ਦੇ ਵਿਆਹ ਵਿੱਚ ਕੁਝ ਬਦਲ ਜਾਵੇਗਾ, ਪਰ ਹਾਲਾਤ ਬਿਲਕੁਲ ਉਵੇਂ ਹੀ ਰਹੇ। ਉਨ੍ਹਾਂ ਧੀ ਦੇ ਜਨਮ ਬਾਰੇ ਗੱਲ ਕਰਦਿਆਂ ਕਿਹਾ, "ਜਦੋਂ ਮੈਂ ਉਸ ਨੂੰ ਜਨਮ ਦਿੱਤਾ, ਉਸ ਵੇਲੇ ਮੈਂ ਇੱਕ ਅਜਿਹੇ ਪੜਾਅ 'ਤੇ ਆ ਗਈ ਸੀ, ਜਿੱਥੇ ਮੇਰੇ ਤੋਂ ਇਹ ਸਭ ਬਰਦਾਸ਼ਤ ਨਹੀਂ ਹੋ ਰਿਹਾ ਸੀ। ਇਹ ਸਭ ਸਹਿਣ ਦੇ ਨਾਲ-ਨਾਲ ਮੈਂ ਉਸ ਸਮੇਂ 'ਵਕਤ ਬਤਾਏਗਾ ਕੌਨ ਅਪਨਾ ਕੌਨ ਪਰਾਇਆ' ਦੀ ਸ਼ੂਟਿੰਗ ਕਰ ਰਹੀ ਸੀ। ਇੱਕ ਦਿਨ ਮੇਰੀ ਪੂਰੀ ਯੂਨਿਟ ਨੇ ਇਹ ਫੈਸਲਾ ਕੀਤਾ ਕਿ ਉਹ ਮੇਰੀ ਮਦਦ ਕਰਨਗੇ। ਉਹ ਮੇਰੇ ਘਰ ਆਏ, ਉਨ੍ਹਾਂ ਨੇ ਮੇਰੇ ਮਾਂ ਨਾਲ ਗੱਲ ਕੀਤੀ ਅਤੇ ਮੈਨੂੰ ਹਿੰਮਤ ਦਿੱਤੀ ਕਿ ਮੈਂ ਉਸ ਬੁਰੀ ਸਥਿਤੀ ਵਿੱਚੋਂ ਬਾਹਰ ਨਿਕਲਾਂ।"