Animal Park ’ਚ ਨਜ਼ਰ ਆਉਣਗੇ ਕਬੀਰ ਸਿੰਘ? ਸ਼ਾਹਿਦ ਕਪੂਰ ਨੇ ਕੀਤਾ ਖੁਲਾਸਾ

ਕੀ ਹੋਵੇਗਾ ਐਨੀਮਲ ਅਤੇ ਕਬੀਰ ਸਿੰਘ ਦਾ ਕਰਾਸਓਵਰ?

ਸ਼ਾਹਿਦ ਕਪੂਰ ਤੋਂ 'ਐਨੀਮਲ ਪਾਰਕ' ਵਿੱਚ ਕਬੀਰ ਸਿੰਘ ਦੇ ਕਰਾਸਓਵਰ ਨੂੰ ਲੈ ਕੇ ਪ੍ਰਸ਼ੰਸਕਾਂ ਦੀਆਂ ਅਟਕਲਾਂ ਬਾਰੇ ਪੁੱਛਿਆ ਗਿਆ। ਅਦਾਕਾਰ ਨੇ ਦੱਸਿਆ ਕਿ ਜਦੋਂ ਸੰਦੀਪ ਰੈੱਡੀ ਵਾਂਗਾ 'ਐਨੀਮਲ' ਬਣਾ ਰਹੇ ਸਨ, ਉਦੋਂ ਇਸ ਤਰ੍ਹਾਂ ਦੇ ਵਿਚਾਰ 'ਤੇ ਅਸਲ ਵਿੱਚ ਥੋੜ੍ਹੀ ਦੇਰ ਲਈ ਸੋਚਿਆ ਗਿਆ ਸੀ।

ਉਨ੍ਹਾਂ ਨੇ ਦੱਸਿਆ, 'ਜਦੋਂ ਐਨੀਮਲ ਬਣ ਰਹੀ ਸੀ, ਅਸਲ ਵਿੱਚ ਸੰਦੀਪ ਮੈਨੂੰ ਮਿਲਣ ਆਏ ਸਨ। ਉਹ ਚਾਹੁੰਦੇ ਸਨ ਕਿ ਉਸ ਵਿੱਚ ਕਬੀਰ ਦਾ ਇੱਕ ਸੀਨ ਹੋਵੇ, ਪਰ ਉਹ ਹੋ ਨਹੀਂ ਸਕਿਆ। ਉਨ੍ਹਾਂ ਦੇ ਮਨ ਵਿੱਚ ਇਹ ਖਿਆਲ ਸੀ, ਪਰ ਕੁਝ ਤਾਰੀਖਾਂ ਦੀ ਸਮੱਸਿਆ ਜਾਂ ਕੋਈ ਹੋਰ ਮੁੱਦਾ ਬਣ ਗਿਆ। ਪਰ ਹਾਂ, ਉਨ੍ਹਾਂ ਨੇ ਕਿਹਾ ਸੀ ਕਿ ਮੈਨੂੰ ਇੱਕ ਸੀਨ ਚਾਹੀਦਾ ਹੈ। ਫਿਰ ਉਹ ਹੋਇਆ ਨਹੀਂ'।

ਸ਼ਾਹਿਦ ਨੇ ਅੱਗੇ ਕਿਹਾ ਕਿ ਕਬੀਰ ਸਿੰਘ ਅਤੇ ਐਨੀਮਲ ਦੋਵੇਂ ਕਿਰਦਾਰ ਸੰਦੀਪ ਰੈੱਡੀ ਵਾਂਗਾ ਦੇ ਹਨ, ਇਸ ਲਈ ਭਵਿੱਖ ਵਿੱਚ ਕੋਈ ਵੀ ਕਰਾਸਓਵਰ ਪੂਰੀ ਤਰ੍ਹਾਂ ਨਿਰਦੇਸ਼ਕ ਦੇ ਵਿਜ਼ਨ (Vision) 'ਤੇ ਨਿਰਭਰ ਕਰੇਗਾ। ਉਨ੍ਹਾਂ ਕਿਹਾ, 'ਉਹ ਦੋਵੇਂ ਕਿਰਦਾਰ ਉਨ੍ਹਾਂ ਦੇ ਹਨ, ਉਹ ਦੁਨੀਆ ਉਨ੍ਹਾਂ ਦੀ ਹੈ। ਇਸ ਲਈ ਉਨ੍ਹਾਂ ਦੇ ਮਨ ਵਿੱਚ ਜੋ ਕਰਨ ਲਈ ਆਵੇਗਾ, ਉਹ ਉਹੀ ਕਰਨਗੇ'।

ਸ਼ਾਹਿਦ ਕਪੂਰ ਦਾ ਵਰਕਫਰੰਟ

ਸੰਦੀਪ ਰੈੱਡੀ ਵਾਂਗਾ ਦੀ 2019 ਦੀ ਫ਼ਿਲਮ 'ਕਬੀਰ ਸਿੰਘ' ਵਿੱਚ ਸ਼ਾਹਿਦ ਕਪੂਰ ਅਤੇ ਕਿਆਰਾ ਅਡਵਾਨੀ ਸਨ। ਹਾਲਾਂਕਿ ਇਹ ਫ਼ਿਲਮ ਇੱਕ ਵੱਡੀ ਵਪਾਰਕ ਸਫਲਤਾ ਸਾਬਤ ਹੋਈ ਸੀ, ਪਰ ਕਥਿਤ ਤੌਰ 'ਤੇ ਔਰਤਾਂ ਨਾਲ ਨਫ਼ਰਤ ਅਤੇ 'ਟੌਕਸਿਕ ਮਰਦਾਨਗੀ' ਨੂੰ ਉਤਸ਼ਾਹਿਤ ਕਰਨ ਲਈ ਕਈ ਲੋਕਾਂ ਨੇ ਇਸ ਦੀ ਆਲੋਚਨਾ ਵੀ ਕੀਤੀ ਸੀ। ਦੂਜੇ ਪਾਸੇ, ਸੰਦੀਪ ਰੈੱਡੀ ਵਾਂਗਾ ਦੀ 2023 ਦੀ ਫ਼ਿਲਮ 'ਐਨੀਮਲ' ਵਿੱਚ ਰਣਬੀਰ ਕਪੂਰ, ਅਨਿਲ ਕਪੂਰ, ਬੌਬੀ ਦਿਓਲ, ਰਸ਼ਮਿਕਾ ਮੰਦਾਨਾ ਅਤੇ ਤ੍ਰਿਪਤੀ ਡਿਮਰੀ ਸਨ। ਫ਼ਿਲਮ ਨੇ ਬਾਕਸ ਆਫਿਸ 'ਤੇ ਬਹੁਤ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ।