ਰਿਲੀਜ਼ ਤੋਂ ਪਹਿਲਾਂ ‘Jana Nayagan’ ਹੋਈ ਆਨਲਾਈਨ ਲੀਕ, ਭੜਕੀ Pooja Hegde ਨੇ ਕਿਹਾ- 'ਵਿਜੇ ਸਰ ਦੀ ਆਖਰੀ ਫ਼ਿਲਮ ਦਾ ਸਨਮਾਨ ਕਰੋ'

ਪੂਜਾ ਹੇਗੜੇ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਇੱਕ ਭਾਵੁਕ ਪੋਸਟ ਸਾਂਝੀ ਕਰਦਿਆਂ ਲਿਖਿਆ, "ਮੇਰੇ ਪਿਆਰੇ ਦਰਸ਼ਕੋ, ਇੱਕ ਫ਼ਿਲਮ ਅਣਗਿਣਤ ਘੰਟਿਆਂ ਦੀ ਮਿਹਨਤ, ਰਚਨਾਤਮਕ ਜੋਖਮਾਂ ਅਤੇ ਨਿੱਜੀ ਕੁਰਬਾਨੀਆਂ ਦਾ ਨਤੀਜਾ ਹੁੰਦੀ ਹੈ। ਸਾਡੀ ਫ਼ਿਲਮ ਦਾ ਆਨਲਾਈਨ ਲੀਕ ਹੋਣਾ ਬਹੁਤ ਨਿਰਾਸ਼ਾਜਨਕ ਹੈ। ਇਹ ਸਿਰਫ਼ ਮੇਰੇ ਲਈ ਨਹੀਂ, ਬਲਕਿ ਉਸ ਹਰ ਇਨਸਾਨ ਲਈ ਦੁਖਦਾਈ ਹੈ ਜਿਸ ਨੇ ਇਸ 'ਤੇ ਦਿਨ-ਰਾਤ ਕੰਮ ਕੀਤਾ ਹੈ।"

ਪੂਜਾ ਹੇਗੜੇ ਨੇ ਬਿਆਨ ਕੀਤਾ ਦਰਦ

ਪੂਜਾ ਹੇਗੜੇ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਇੱਕ ਭਾਵੁਕ ਪੋਸਟ ਸਾਂਝੀ ਕਰਦਿਆਂ ਲਿਖਿਆ, "ਮੇਰੇ ਪਿਆਰੇ ਦਰਸ਼ਕੋ, ਇੱਕ ਫ਼ਿਲਮ ਅਣਗਿਣਤ ਘੰਟਿਆਂ ਦੀ ਮਿਹਨਤ, ਰਚਨਾਤਮਕ ਜੋਖਮਾਂ ਅਤੇ ਨਿੱਜੀ ਕੁਰਬਾਨੀਆਂ ਦਾ ਨਤੀਜਾ ਹੁੰਦੀ ਹੈ। ਸਾਡੀ ਫ਼ਿਲਮ ਦਾ ਆਨਲਾਈਨ ਲੀਕ ਹੋਣਾ ਬਹੁਤ ਨਿਰਾਸ਼ਾਜਨਕ ਹੈ। ਇਹ ਸਿਰਫ਼ ਮੇਰੇ ਲਈ ਨਹੀਂ, ਬਲਕਿ ਉਸ ਹਰ ਇਨਸਾਨ ਲਈ ਦੁਖਦਾਈ ਹੈ ਜਿਸ ਨੇ ਇਸ 'ਤੇ ਦਿਨ-ਰਾਤ ਕੰਮ ਕੀਤਾ ਹੈ।"

'ਸਿਰਫ਼ ਅੰਕੜਿਆਂ ਦੀ ਗੱਲ ਨਹੀਂ'

ਅਦਾਕਾਰਾ ਨੇ ਅੱਗੇ ਕਿਹਾ ਕਿ ਇਹ ਸਿਰਫ਼ ਬਾਕਸ ਆਫਿਸ ਦੇ ਅੰਕੜਿਆਂ ਦੇ ਨੁਕਸਾਨ ਦੀ ਗੱਲ ਨਹੀਂ ਹੈ, ਬਲਕਿ ਇਹ ਉਸ ਸਨਮਾਨ ਨੂੰ ਖੋਹਣ ਵਰਗਾ ਹੈ ਜਿਸ ਦੇ ਹਰ ਕਲਾਕਾਰ ਅਤੇ ਟੈਕਨੀਸ਼ੀਅਨ ਹੱਕਦਾਰ ਹਨ। ਉਨ੍ਹਾਂ ਨੇ ਪ੍ਰਸ਼ੰਸਕਾਂ ਨੂੰ ਅਪੀਲ ਕੀਤੀ ਕਿ ਵਿਜੇ ਸਰ ਦੀ ਇਸ ਆਖਰੀ ਫ਼ਿਲਮ ਦਾ ਜਸ਼ਨ ਸਿਰਫ਼ ਵੱਡੇ ਪਰਦੇ 'ਤੇ ਹੀ ਮਨਾਇਆ ਜਾਣਾ ਚਾਹੀਦਾ ਹੈ। ਪੂਜਾ ਨੇ ਕਿਹਾ, "ਆਓ ਪਾਇਰੇਸੀ ਨੂੰ ਉਤਸ਼ਾਹਿਤ ਨਾ ਕਰੀਏ ਅਤੇ ਸਿਨੇਮਾ ਨੂੰ ਜ਼ਿੰਦਾ ਰੱਖੀਏ।"

ਕਿਉਂ ਅਟਕੀ ਹੋਈ ਹੈ ਫ਼ਿਲਮ ਦੀ ਰਿਲੀਜ਼

ਜ਼ਿਕਰਯੋਗ ਹੈ ਕਿ ‘ਜਨ ਨਾਇਕਨ’ 9 ਜਨਵਰੀ 2026 ਨੂੰ ਸਿਨੇਮਾਘਰਾਂ ਵਿੱਚ ਦਸਤਕ ਦੇਣ ਵਾਲੀ ਸੀ। ਹਾਲਾਂਕਿ, ਫ਼ਿਲਮ ਦੇ ਕੁਝ ਦ੍ਰਿਸ਼ਾਂ ਨੂੰ ਲੈ ਕੇ ਸੈਂਸਰ ਬੋਰਡ ਨੇ ਇਤਰਾਜ਼ ਜਤਾਇਆ ਸੀ, ਜਿਸ ਕਾਰਨ ਫ਼ਿਲਮ ਨੂੰ ਹਰੀ ਝੰਡੀ ਨਹੀਂ ਮਿਲ ਸਕੀ। ਮਾਮਲਾ ਅਦਾਲਤ ਵਿੱਚ ਜਾਣ ਕਾਰਨ ਰਿਲੀਜ਼ ਪਿਛਲੇ ਚਾਰ ਮਹੀਨਿਆਂ ਤੋਂ ਲਟਕ ਰਹੀ ਹੈ। ਪ੍ਰਸ਼ੰਸਕ ਹੁਣ ਬੇਸਬਰੀ ਨਾਲ ਫ਼ਿਲਮ ਦੀ ਨਵੀਂ ਰਿਲੀਜ਼ ਡੇਟ ਦਾ ਇੰਤਜ਼ਾਰ ਕਰ ਰਹੇ ਹਨ।