- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੀ ਬਲਾਕਬਸਟਰ ਫ਼ਿਲਮ 'ਸੈਯਾਰਾ' ਕਾਪੀ ਹੈ? ਅਸਲੀ ਫ਼ਿਲਮ ਦਾ ਐਕਟਰ ਕਰਨ ਜਾ ਰਿਹਾ ਸੀ ਖੁਦਕੁਸ਼ੀ, ਬੋਲਿਆ- 'ਮੈਨੂੰ ਕੁਝ ਤਾਂ ਕ੍ਰੈਡਿਟ ਦਿਓ...'
ਅਮਿਤ ਜਾਧਵ ਨੇ ਦੱਸਿਆ, "ਸੈਯਾਰਾ ਦੇ ਰਿਲੀਜ਼ ਹੋਣ ਦੇ ਇੱਕ ਹਫ਼ਤੇ ਬਾਅਦ ਮੇਰੇ ਦੋਸਤਾਂ ਨੇ ਮੈਨੂੰ ਫ਼ੋਨ ਕੀਤਾ ਅਤੇ ਕਿਹਾ ਕਿ ਤੇਰੀ ਕਹਾਣੀ ਤਾਂ ਬਿਲਕੁਲ ਫ਼ਿਲਮ ਵਰਗੀ ਸੀ। ਮੈਂ ਹੈਰਾਨ ਰਹਿ ਗਿਆ। ਮੈਂ ਨਿਰਮਾਤਾਵਾਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ, ਉਨ੍ਹਾਂ ਦੇ ਦਫ਼ਤਰ ਵੀ ਗਿਆ ਪਰ ਮੈਨੂੰ ਕੋਈ ਹੁੰਗਾਰਾ ਨਹੀਂ ਮਿਲਿਆ।"
Posted By alisha
Publish Date: Sun, 15 Mar 2026 11:01 AM (IST)
Updated Date: Sun, 15 Mar 2026 11:06 AM (IST)
ਮਨੋਰੰਜਨ ਡੈਸਕ, ਨਵੀਂ ਦਿੱਲੀ : ਮੋਹਿਤ ਸੂਰੀ ਦੀ ਫ਼ਿਲਮ 'ਸੈਯਾਰਾ' (Saiyaara) ਨੂੰ ਲੈ ਕੇ ਇੱਕ ਐਕਟਰ-ਸਿੰਗਰ ਨੇ ਵੱਡਾ ਦਾਅਵਾ ਕੀਤਾ ਹੈ ਕਿ ਇਹ ਫ਼ਿਲਮ ਉਨ੍ਹਾਂ ਦੀ ਸ਼ਾਰਟ ਮੂਵੀ ਦੀ ਨਕਲ ਹੈ। ਐਕਟਰ ਦਾ ਕਹਿਣਾ ਹੈ ਕਿ ਉਸ ਨੇ ਕਈ ਵਾਰ ਫ਼ਿਲਮ ਨਿਰਮਾਤਾਵਾਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਕੋਈ ਜਵਾਬ ਨਹੀਂ ਮਿਲਿਆ।
'ਸੈਯਾਰਾ' ਸਾਲ 2025 ਦੀ ਬਲਾਕਬਸਟਰ ਫ਼ਿਲਮ ਰਹੀ ਸੀ। YRF (ਯਸ਼ਰਾਜ ਫਿਲਮਜ਼) ਦੇ ਬੈਨਰ ਹੇਠ ਬਣੀ ਅਤੇ ਮੋਹਿਤ ਸੂਰੀ ਦੁਆਰਾ ਨਿਰਦੇਸ਼ਿਤ ਇਸ ਫ਼ਿਲਮ ਵਿੱਚ ਅਨੀਤ ਪੱਡਾ ਅਤੇ ਅਹਾਨ ਪਾਂਡੇ (Ahaan Pandey) ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਸਨ। ਫ਼ਿਲਮ ਨੂੰ ਦਰਸ਼ਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲਿਆ ਸੀ।
ਕੀ 'ਸੈਯਾਰਾ' ਕਾਪੀ ਹੈ
ਹੁਣ ਇੱਕ ਸਾਲ ਬਾਅਦ ਐਕਟਰ-ਸਿੰਗਰ ਅਮਿਤ ਜਾਧਵ ਨੇ ਇੱਕ ਇੰਟਰਵਿਊ ਵਿੱਚ ਅਜਿਹਾ ਦਾਅਵਾ ਕੀਤਾ ਹੈ ਜਿਸ ਨੇ ਫ਼ਿਲਮੀ ਜਗਤ ਵਿੱਚ ਹਲਚਲ ਮਚਾ ਦਿੱਤੀ ਹੈ। ਅਮਿਤ ਦਾ ਕਹਿਣਾ ਹੈ ਕਿ 'ਸੈਯਾਰਾ' ਉਨ੍ਹਾਂ ਦੀ ਸ਼ਾਰਟ ਫ਼ਿਲਮ 'ਖਵਾਬੋਂ' (Khwaabon) ਦੀ ਕਾਪੀ ਹੈ ਪਰ ਉਨ੍ਹਾਂ ਨੂੰ ਇਸ ਦਾ ਕੋਈ ਕ੍ਰੈਡਿਟ (ਸ਼੍ਰੇਅ) ਨਹੀਂ ਦਿੱਤਾ ਗਿਆ।
ਮੇਕਰਸ ਨੇ ਨਹੀਂ ਦਿੱਤਾ ਕੋਈ ਜਵਾਬ
ਅਮਿਤ ਜਾਧਵ ਨੇ ਦੱਸਿਆ, "ਸੈਯਾਰਾ ਦੇ ਰਿਲੀਜ਼ ਹੋਣ ਦੇ ਇੱਕ ਹਫ਼ਤੇ ਬਾਅਦ ਮੇਰੇ ਦੋਸਤਾਂ ਨੇ ਮੈਨੂੰ ਫ਼ੋਨ ਕੀਤਾ ਅਤੇ ਕਿਹਾ ਕਿ ਤੇਰੀ ਕਹਾਣੀ ਤਾਂ ਬਿਲਕੁਲ ਫ਼ਿਲਮ ਵਰਗੀ ਸੀ। ਮੈਂ ਹੈਰਾਨ ਰਹਿ ਗਿਆ। ਮੈਂ ਨਿਰਮਾਤਾਵਾਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ, ਉਨ੍ਹਾਂ ਦੇ ਦਫ਼ਤਰ ਵੀ ਗਿਆ ਪਰ ਮੈਨੂੰ ਕੋਈ ਹੁੰਗਾਰਾ ਨਹੀਂ ਮਿਲਿਆ।"
ਖੁਦਕੁਸ਼ੀ ਕਰਨ ਦੀ ਨੌਬਤ ਆਈ
ਅਮਿਤ ਨੇ ਭਾਵੁਕ ਹੁੰਦਿਆਂ ਦੱਸਿਆ ਕਿ ਇਸ ਘਟਨਾ ਨੇ ਉਨ੍ਹਾਂ ਨੂੰ ਬੁਰੀ ਤਰ੍ਹਾਂ ਤੋੜ ਦਿੱਤਾ ਸੀ। ਉਨ੍ਹਾਂ ਮੁਤਾਬਕ, "ਮੈਂ ਇੱਕ ਗਾਇਕ ਹਾਂ, ਇਸ ਲਈ ਮੈਨੂੰ ਕੰਮ ਮਿਲਦਾ ਰਿਹਾ, ਜਿਸ ਨਾਲ ਥੋੜ੍ਹੀ ਰਾਹਤ ਮਿਲੀ ਪਰ ਇੱਕ ਦਿਨ ਮੈਂ ਇੰਨਾ ਪਰੇਸ਼ਾਨ ਹੋ ਗਿਆ ਕਿ ਲਗਪਗ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ। ਮੈਂ ਨਸ਼ੇ ਦੀ ਹਾਲਤ ਵਿੱਚ ਸੀ ਪਰ ਮੇਰੇ ਮਾਤਾ-ਪਿਤਾ ਨੇ ਮੈਨੂੰ ਦੇਖ ਲਿਆ ਅਤੇ ਮੇਰੀ ਜਾਨ ਬਚ ਗਈ। ਮੈਨੂੰ ਲੱਗਿਆ ਕਿ ਇਹ ਦੁਨੀਆ ਨਹੀਂ ਚਾਹੁੰਦੀ ਕਿ ਮੈਂ ਸਫਲ ਹੋਵਾਂ।"