35 ਸਾਲਾ ਔਰਤ ਦੇ ਨਿਸ਼ਾਨੇ 'ਤੇ ਆਈ ਹਾਲੀਵੁੱਡ ਗਾਇਕਾ Rihanna, ਘਰ ਦੇ ਬਾਹਰ ਚਲਾਈਆਂ 10 ਗੋਲੀਆਂ

AR-15 ਰਾਈਫਲ ਨਾਲ ਕੀਤਾ ਘਰ 'ਤੇ ਹਮਲਾ

ਗਾਇਕਾ ਰਿਹਾਨਾ ਦੇ ਘਰ ਦੇ ਬਾਹਰ 10 ਵਾਰ ਫਾਇਰਿੰਗ ਕਰਨ ਵਾਲੀ 35 ਸਾਲਾ ਔਰਤ ਦਾ ਨਾਮ ਇਵਾਨਾ ਓਰਟਿਜ਼ ਹੈ। ਹਾਲਾਂਕਿ, 30 ਮਿੰਟ ਦੇ ਅੰਦਰ ਹੀ ਪੁਲਿਸ ਨੇ ਇਸ ਔਰਤ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਰਿਪੋਰਟ ਮੁਤਾਬਕ, ਔਰਤ ਨੇ ਰਿਹਾਨਾ ਦੇ ਘਰ 'ਤੇ ਹਮਲਾ ਕਰਨ ਲਈ AR-15 ਰਾਈਫਲ ਦੀ ਵਰਤੋਂ ਕੀਤੀ ਸੀ। ਇਸ ਘਟਨਾ ਤੋਂ ਬਾਅਦ ਗਾਇਕਾ ਨੇ ਬੇਵਰਲੀ ਹਿਲਸ ਸਥਿਤ ਆਪਣੇ ਘਰ ਦੇ ਬਾਹਰ ਸੁਰੱਖਿਆ ਹੋਰ ਵੀ ਜ਼ਿਆਦਾ ਵਧਾ ਦਿੱਤੀ ਹੈ। ਰਿਪੋਰਟਾਂ ਦੀ ਮੰਨੀਏ ਤਾਂ ਪ੍ਰਸਿੱਧ ਗਾਇਕਾ ਰਿਹਾਨਾ ਨੇ ਨਾ ਸਿਰਫ਼ ਸੁਰੱਖਿਆ ਵਧਾਈ ਹੈ, ਸਗੋਂ ਆਪਣੇ ਆਉਣ ਵਾਲੇ ਫੋਟੋਸ਼ੂਟ ਨੂੰ ਵੀ ਅੱਗੇ ਲਈ ਟਾਲ ਦਿੱਤਾ ਹੈ।

ਜਦੋਂ ਇਹ ਪੂਰੀ ਘਟਨਾ ਵਾਪਰੀ, ਉਸ ਵਕਤ ਰਿਹਾਨਾ ਆਪਣੇ ਘਰ ਵਿੱਚ ਹੀ ਸੀ। ਹਾਲਾਂਕਿ, ਉਨ੍ਹਾਂ ਦੇ ਪਾਰਟਨਰ ਏਸੈਪ ਰੌਕੀ ਅਤੇ ਉਨ੍ਹਾਂ ਦੇ ਬੱਚੇ ਉਸ ਵਕਤ ਘਰ ਵਿੱਚ ਸਨ ਜਾਂ ਨਹੀਂ, ਇਸ ਦੀ ਕੋਈ ਸਪੱਸ਼ਟ ਜਾਣਕਾਰੀ ਅਜੇ ਤੱਕ ਸਾਹਮਣੇ ਨਹੀਂ ਆਈ ਹੈ।

ਕੌਣ ਹੈ ਰਿਹਾਨਾ ਦੇ ਘਰ 'ਤੇ ਹਮਲਾ ਕਰਨ ਵਾਲੀ ਇਵਾਨਾ ਓਰਟਿਜ਼?

35 ਸਾਲਾ ਇਵਾਨਾ ਓਰਟਿਜ਼ ਫਲੋਰੀਡਾ ਦੀ ਰਹਿਣ ਵਾਲੀ ਹੈ। ਦਰਅਸਲ, 23 ਫਰਵਰੀ ਨੂੰ ਇਸ ਔਰਤ ਨੇ ਰਿਹਾਨਾ 'ਤੇ ਏਡਜ਼ ਸੰਕਰਮਿਤ ਹੋਣ ਦਾ ਗਲਤ ਇਲਜ਼ਾਮ ਲਾਇਆ ਸੀ ਅਤੇ ਨਾਲ ਹੀ ਉਨ੍ਹਾਂ ਦੇ ਖਿਲਾਫ਼ ਨਫ਼ਰਤ ਨਾਲ ਭਰੀ ਇੱਕ ਪੋਸਟ ਵੀ ਕੀਤੀ ਸੀ। ਗੋਲੀਬਾਰੀ ਦੀ ਘਟਨਾ ਤੋਂ ਬਾਅਦ ਔਰਤ 'ਤੇ 'ਕਤਲ ਦੀ ਕੋਸ਼ਿਸ਼' ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਫਿਲਹਾਲ ਉਹ ਜੇਲ੍ਹ ਵਿੱਚ ਬੰਦ ਹੈ ਅਤੇ 'ਐਸੋਸੀਏਟਿਡ ਪ੍ਰੈੱਸ' ਦੇ ਅਨੁਸਾਰ, ਉਸ ਦੀ ਜ਼ਮਾਨਤ ਰਾਸ਼ੀ 10.22 ਮਿਲੀਅਨ ਅਮਰੀਕੀ ਡਾਲਰ ਤੈਅ ਕੀਤੀ ਗਈ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਇਸ ਔਰਤ ਨੇ ਨਾ ਸਿਰਫ਼ ਰਿਹਾਨਾ, ਸਗੋਂ ਮਸ਼ਹੂਰ ਰੈਪਰ ਕਾਰਡੀ ਬੀ ਦੇ ਖਿਲਾਫ ਵੀ ਧਮਕੀ ਭਰੇ ਵੀਡੀਓ ਸ਼ੇਅਰ ਕੀਤੇ ਸਨ। ਰਿਹਾਨਾ ਤੋਂ ਪਹਿਲਾਂ ਅਮਰੀਕੀ ਰੈਪਰ ਪੌਪ ਸਮੋਕ, ਸਕੌਟ ਸ਼੍ਰਾਈਨਰ ਅਤੇ ਕੈਨੇਡੀਅਨ ਰੈਪਰ ਡ੍ਰੇਕ ਦੇ ਟੋਰਾਂਟੋ ਸਥਿਤ ਘਰ ਦੇ ਬਾਹਰ 7 ਮਈ 2024 ਨੂੰ ਗੋਲੀਬਾਰੀ ਹੋਈ ਸੀ।