ਮਾਂ ਨੂੰ ਦੇਵੀ ਵਾਂਗ ਪੂਜਦੇ ਸਨ ਗੋਵਿੰਦਾ, ਪੈਰ ਧੋ ਕੇ ਪੀਂਦੇ ਸਨ ਪਾਣੀ; ਅਦਾਕਾਰ ਦੇ ਭਾਣਜੇ ਨੇ ਕੀਤਾ ਖ਼ੁਲਾਸਾ

ਮਾਂ ਦੇ ਪੈਰ ਧੋ ਕੇ ਪੀਂਦੇ ਸਨ ਗੋਵਿੰਦਾ

ਪਿਛਲੇ ਕੁੱਝ ਸਮੇਂ ਤੋਂ ਗੋਵਿੰਦਾ ਦੀ ਨਿੱਜੀ ਜ਼ਿੰਦਗੀ ਸਿਨੇਮਾ ਜਗਤ ਵਿੱਚ ਚਰਚਾ ਦਾ ਵੱਡਾ ਵਿਸ਼ਾ ਬਣੀ ਹੋਈ ਹੈ। ਹਾਲ ਹੀ ਵਿੱਚ ਉਨ੍ਹਾਂ ਦੇ ਭਾਣਜੇ ਅਤੇ ਅਦਾਕਾਰ ਵਿਨੈ ਆਨੰਦ ਨੇ ਇੱਕ ਪੌਡਕਾਸਟ ਦੌਰਾਨ ਵੱਡਾ ਖ਼ੁਲਾਸਾ ਕੀਤਾ ਹੈ।

ਉਨ੍ਹਾਂ ਨੇ ਦੱਸਿਆ, "ਮੈਨੂੰ ਅੱਜ ਵੀ ਯਾਦ ਹੈ ਕਿ ਜਦੋਂ ਮੇਰੀ ਨਾਨੀ ਦਾ ਜਨਮਦਿਨ ਹੁੰਦਾ ਸੀ, ਮਾਮਾ (ਗੋਵਿੰਦਾ) ਘਰ ਵਿੱਚ ਇੱਕ ਖ਼ਾਸ ਰਸਮ ਨਾਲ ਇਸ ਨੂੰ ਮਨਾਉਂਦੇ ਸਨ। ਉਹ ਇੱਕ ਥਾਲੀ ਵਿੱਚ ਨਾਨੀ ਦੇ ਪੈਰ ਰੱਖਦੇ ਸਨ ਅਤੇ ਪਾਣੀ ਨਾਲ ਧੋਂਦੇ ਸਨ। ਇਸ ਤੋਂ ਬਾਅਦ ਉਹ ਪਾਣੀ ਪੀ ਲੈਂਦੇ ਸਨ। ਇੱਕ ਤਰ੍ਹਾਂ ਨਾਲ ਉਹ ਦੇਵੀ ਵਾਂਗ ਆਪਣੀ ਮਾਂ ਦੀ ਪੂਜਾ ਕਰਦੇ ਸਨ ਅਤੇ ਉਨ੍ਹਾਂ ਨੂੰ ਪਿਆਰ-ਸਤਿਕਾਰ ਦਿੰਦੇ ਸਨ। ਜਦੋਂ ਉਹ 'ਨੰਬਰ ਵਨ' ਬਣੇ, ਤਾਂ ਪੂਰਾ ਦੇਸ਼ ਉਨ੍ਹਾਂ ਤੋਂ ਪ੍ਰਭਾਵਿਤ ਹੋਇਆ। ਅਜਿਹਾ ਕੋਈ ਸੁਪਰਸਟਾਰ ਨਹੀਂ ਸੀ ਜੋ ਉਨ੍ਹਾਂ ਦੀ ਨਕਲ ਨਾ ਕਰ ਰਿਹਾ ਹੋਵੇ ਜਾਂ ਉਨ੍ਹਾਂ ਵਾਂਗ ਡਾਂਸ ਨਾ ਕਰ ਰਿਹਾ ਹੋਵੇ। ਇੱਥੋਂ ਤੱਕ ਕਿ ਜੋ ਲੋਕ ਡਾਂਸ ਨਹੀਂ ਜਾਣਦੇ ਸਨ, ਉਹ ਵੀ ਉਨ੍ਹਾਂ ਕਰਕੇ ਡਾਂਸ ਕਰਨ ਲੱਗ ਪਏ।"

ਵਿਨੈ ਆਨੰਦ ਤੋਂ ਇਲਾਵਾ ਗੋਵਿੰਦਾ ਦੀ ਪਤਨੀ ਸੁਨੀਤਾ ਆਹੂਜਾ ਨੇ ਵੀ ਕਈ ਮੌਕਿਆਂ 'ਤੇ ਇਸ ਗੱਲ ਦਾ ਖ਼ੁਲਾਸਾ ਕੀਤਾ ਹੈ ਕਿ ਉਹ ਆਪਣੀ ਮਾਂ ਦੇ ਬਹੁਤ ਕਰੀਬ ਸਨ ਅਤੇ ਉਨ੍ਹਾਂ ਦੀ ਹਰ ਗੱਲ ਮੰਨਦੇ ਸਨ। ਸੁਨੀਤਾ ਨੇ ਇਹ ਵੀ ਕਿਹਾ ਕਿ ਉਹ ਹਰ ਜਨਮ ਵਿੱਚ ਅਜਿਹਾ ਹੀ ਪੁੱਤਰ ਬਣ ਕੇ ਪੈਦਾ ਹੋਣ, ਪਰ ਪਤੀ ਦੇ ਰੂਪ ਵਿੱਚ ਸ਼ਾਇਦ ਨਹੀਂ।

ਮਾਂ ਤੋਂ ਮਿਲਿਆ ਧਾਰਮਿਕ ਆਸਥਾ ਦਾ ਵਿਸ਼ਵਾਸ

ਇੰਨਾ ਹੀ ਨਹੀਂ, ਗੋਵਿੰਦਾ ਨੇ ਵੀ ਕਈ ਮੌਕਿਆਂ 'ਤੇ ਇਸ ਗੱਲ ਦਾ ਜ਼ਿਕਰ ਕੀਤਾ ਹੈ ਕਿ ਉਨ੍ਹਾਂ ਨੂੰ ਆਪਣੀ ਮਾਂ ਰਾਹੀਂ ਹੀ ਧਾਰਮਿਕ ਆਸਥਾ ਵਿੱਚ ਵਿਸ਼ਵਾਸ ਕਰਨ ਦਾ ਸੁਭਾਗ ਮਿਲਿਆ। ਉਨ੍ਹਾਂ ਦੱਸਿਆ ਕਿ ਕਈ ਫ਼ਿਲਮਾਂ ਉਨ੍ਹਾਂ ਨੇ ਸਿਰਫ਼ ਇਸ ਲਈ ਛੱਡ ਦਿੱਤੀਆਂ ਸਨ ਕਿਉਂਕਿ ਉਨ੍ਹਾਂ ਦੀ ਮਾਂ ਨੂੰ ਉਨ੍ਹਾਂ ਮੂਵੀਜ਼ ਬਾਰੇ ਸਕਾਰਾਤਮਕ ਸੰਕੇਤ ਨਹੀਂ ਮਿਲੇ ਸਨ।