- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਹੀਰੋ ਨੇ ਤਾਪਸੀ ਪੰਨੂ ਨੂੰ ਫ਼ਿਲਮ ਤੋਂ ਕਰਵਾਇਆ ਬਾਹਰ? ਅਦਾਕਾਰਾ ਬੋਲੀ- 'ਸਟਾਰਸ ਤੈਅ ਕਰਦੇ ਹਨ ਕਿ ਕੌਣ ਹੋਵੇਗੀ ਹੀਰੋਇਨ...'
ਤਾਪਸੀ ਨੇ ਦਾਅਵਾ ਕੀਤਾ ਕਿ ਜ਼ਿਆਦਾਤਰ ਮਾਮਲਿਆਂ ਵਿੱਚ ਹੀਰੋ ਹੀ ਤੈਅ ਕਰਦਾ ਹੈ ਕਿ ਉਸ ਦੇ ਉਲਟ ਹੀਰੋਇਨ ਕੌਣ ਹੋਵੇਗੀ।"ਮੈਨੂੰ ਲੱਗਦਾ ਹੈ ਕਿ ਹਰ ਕਿਸੇ ਨੂੰ ਪਤਾ ਹੈ ਕਿ ਹੀਰੋ ਹੀ ਫੈਸਲਾ ਲੈਂਦਾ ਹੈ। ਇਹ ਸਿਰਫ ਉਦੋਂ ਬਦਲਦਾ ਹੈ ਜਦੋਂ ਕੋਈ ਬਹੁਤ ਵੱਡਾ ਨਿਰਦੇਸ਼ਕ ਹੋਵੇ ਕਿਉਂਕਿ ਕਈ ਵਾਰ ਡਾਇਰੈਕਟਰ ਖੁਦ ਹੀ ਇੱਕ ਵੱਡਾ ਸਟਾਰ ਹੁੰਦਾ ਹੈ।"
Posted By alisha
Publish Date: Sat, 28 Feb 2026 11:20 AM (IST)
Updated Date: Sat, 28 Feb 2026 11:26 AM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਤਾਪਸੀ ਪੰਨੂ, ਜੋ ਅਕਸਰ ਮਹਿਲਾ ਪ੍ਰਧਾਨ ਫ਼ਿਲਮਾਂ ਵਿੱਚ ਆਪਣੀ ਦਮਦਾਰ ਅਦਾਕਾਰੀ ਲਈ ਜਾਣੀ ਜਾਂਦੀ ਹੈ, ਨੇ ਬਾਲੀਵੁੱਡ ਦੇ ਕਾਸਟਿੰਗ ਪ੍ਰੋਸੈਸ ਦੀ ਪੋਲ ਖੋਲ੍ਹੀ ਹੈ। ਉਸ ਅਨੁਸਾਰ, ਉਦਯੋਗ ਵਿੱਚ ਹੀਰੋ ਦਾ ਦਬਦਬਾ ਇੰਨਾ ਜ਼ਿਆਦਾ ਹੈ ਕਿ ਉਹ ਫ਼ਿਲਮ ਦੇ ਨਿਰਦੇਸ਼ਕ ਤੋਂ ਵੀ ਵੱਧ ਤਾਕਤਵਰ ਹੋ ਜਾਂਦੇ ਹਨ।
ਕੀ ਹੀਰੋ ਨੇ ਤਾਪਸੀ ਨੂੰ ਫ਼ਿਲਮ ਤੋਂ ਕਢਵਾਇਆ
ਜਦੋਂ ਤਾਪਸੀ ਨੂੰ ਪੁੱਛਿਆ ਗਿਆ ਕਿ ਕੀ ਉਸ ਦੇ ਬੇਬਾਕ ਸੁਭਾਅ ਕਾਰਨ ਉਸ ਨੂੰ ਕਦੇ ਫ਼ਿਲਮ ਤੋਂ ਬਾਹਰ ਕੀਤਾ ਗਿਆ ਹੈ ਤਾਂ ਉਸ ਨੇ ਕਿਹਾ, ਤਾਪਸੀ ਨੇ ਦੱਸਿਆ ਕਿ ਉਸ ਨੂੰ ਕਦੇ ਵੀ ਸਿੱਧੇ ਤੌਰ 'ਤੇ ਇਹ ਨਹੀਂ ਦੱਸਿਆ ਜਾਂਦਾ ਕਿ ਉਸ ਨੂੰ ਕਿਉਂ ਹਟਾਇਆ ਗਿਆ।
ਉਸ ਨੇ ਕਿਹਾ, "ਕਈ ਵਾਰ ਕੋਈ ਕਹਿ ਦਿੰਦਾ ਹੈ ਕਿ 'ਨਹੀਂ, ਮੈਂ ਉਸ ਨਾਲ ਕੰਮ ਨਹੀਂ ਕਰਨਾ ਚਾਹੁੰਦਾ' ਪਰ ਇਸ ਦੀ ਅਸਲ ਵਜ੍ਹਾ ਸਪੱਸ਼ਟ ਨਹੀਂ ਕੀਤੀ ਜਾਂਦੀ। ਮੈਨੂੰ ਜੋ ਪਤਾ ਲੱਗਿਆ ਹੈ, ਉਹ ਬੱਸ ਇੰਨਾ ਹੈ ਕਿ ਕਈ ਵਾਰ ਹੀਰੋ ਨਹੀਂ ਚਾਹੁੰਦਾ ਕਿ ਤੁਸੀਂ ਫ਼ਿਲਮ ਦਾ ਹਿੱਸਾ ਬਣੋ।"
ਹੀਰੋ ਦਾ ਫੈਸਲਾ ਹੀ ਅੰਤਿਮ
ਤਾਪਸੀ ਨੇ ਦਾਅਵਾ ਕੀਤਾ ਕਿ ਜ਼ਿਆਦਾਤਰ ਮਾਮਲਿਆਂ ਵਿੱਚ ਹੀਰੋ ਹੀ ਤੈਅ ਕਰਦਾ ਹੈ ਕਿ ਉਸ ਦੇ ਉਲਟ ਹੀਰੋਇਨ ਕੌਣ ਹੋਵੇਗੀ।"ਮੈਨੂੰ ਲੱਗਦਾ ਹੈ ਕਿ ਹਰ ਕਿਸੇ ਨੂੰ ਪਤਾ ਹੈ ਕਿ ਹੀਰੋ ਹੀ ਫੈਸਲਾ ਲੈਂਦਾ ਹੈ। ਇਹ ਸਿਰਫ ਉਦੋਂ ਬਦਲਦਾ ਹੈ ਜਦੋਂ ਕੋਈ ਬਹੁਤ ਵੱਡਾ ਨਿਰਦੇਸ਼ਕ ਹੋਵੇ ਕਿਉਂਕਿ ਕਈ ਵਾਰ ਡਾਇਰੈਕਟਰ ਖੁਦ ਹੀ ਇੱਕ ਵੱਡਾ ਸਟਾਰ ਹੁੰਦਾ ਹੈ।"
ਰਾਜਕੁਮਾਰ ਹਿਰਾਨੀ ਤੇ 'ਡੰਕੀ' ਦੀ ਮਿਸਾਲ
ਸ਼ਾਹਰੁਖ ਖਾਨ ਦੀ ਫ਼ਿਲਮ 'ਡੰਕੀ' ਦਾ ਉਦਾਹਰਣ ਦਿੰਦਿਆਂ ਤਾਪਸੀ ਨੇ ਕਿਹਾ, "ਜਦੋਂ ਰਾਜੂ ਸਰ (ਰਾਜਕੁਮਾਰ ਹਿਰਾਨੀ) ਮੈਨੂੰ ਫ਼ਿਲਮ ਵਿੱਚ ਚਾਹੁੰਦੇ ਸਨ ਤਾਂ ਮੈਂ ਫ਼ਿਲਮ ਵਿੱਚ ਸੀ। ਇਹ ਸ਼ਾਇਦ ਸਭ ਲਈ ਇੱਕ ਵੱਡਾ ਝਟਕਾ ਸੀ ਕਿਉਂਕਿ ਮੈਂ ਸ਼ਾਹਰੁਖ ਸਰ ਦੇ ਰੈਗੂਲਰ ਪੇਅਰਿੰਗ ਸਰਕਟ ਦਾ ਹਿੱਸਾ ਨਹੀਂ ਹਾਂ।" ਇਹ ਸਿਰਫ ਨਿਰਦੇਸ਼ਕ ਦੇ ਪੱਕੇ ਵਿਸ਼ਵਾਸ ਕਾਰਨ ਹੀ ਸੰਭਵ ਹੋ ਸਕਿਆ ਕਿ ਉਹ ਮੈਨੂੰ ਕਾਸਟ ਕਰਨਾ ਚਾਹੁੰਦੇ ਸਨ।