- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਭਰਾ ਦੀ ਰਿਹਾਈ ਲਈ ਸੇਲੀਨਾ ਜੇਟਲੀ ਦੀ ਜੰਗ : ਪ੍ਰੀਤੀ ਜ਼ਿੰਟਾ ਨੇ ਦਿੱਤਾ ਸਾਥ, ਦਿੱਲੀ ਹਾਈ ਕੋਰਟ ਨੇ ਸੁਣਾਇਆ ਵੱਡਾ ਫੈਸਲਾ
ਸੇਲੀਨਾ ਨੇ ਆਪਣੇ ਭਰਾ ਦੀ ਰਿਹਾਈ ਲਈ ਦਿੱਲੀ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕੀਤੀ ਸੀ। ਮੰਗਲਵਾਰ ਨੂੰ ਸੁਣਵਾਈ ਕਰਦਿਆਂ ਅਦਾਲਤ ਨੇ ਕੇਂਦਰ ਸਰਕਾਰ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਦੁਬਈ ਵਿੱਚ ਵਿਕਰਾਂਤ ਦਾ ਪੱਖ ਰੱਖਣ ਲਈ ਇੱਕ ਕਾਨੂੰਨੀ ਫਰਮ (ਵਕੀਲਾਂ ਦੀ ਟੀਮ) ਤਿਆਰ ਕੀਤੀ ਜਾਵੇ।
Posted By alisha
Publish Date: Wed, 04 Feb 2026 02:59 PM (IST)
Updated Date: Wed, 04 Feb 2026 03:05 PM (IST)
ਐਂਟਰਟੇਨਮੈਂਟ ਡੈਸਕ : ਅਦਾਕਾਰਾ ਸੇਲੀਨਾ ਜੇਟਲੀ ਪਿਛਲੇ ਕਾਫੀ ਸਮੇਂ ਤੋਂ ਆਪਣੇ ਭਰਾ ਸੇਵਾਮੁਕਤ ਮੇਜਰ ਵਿਕਰਾਂਤ ਜੇਟਲੀ ਦੀ ਰਿਹਾਈ ਲਈ ਕਾਨੂੰਨੀ ਲੜਾਈ ਲੜ ਰਹੀ ਹੈ, ਜੋ ਪਿਛਲੇ 16 ਮਹੀਨਿਆਂ ਤੋਂ ਸੰਯੁਕਤ ਅਰਬ ਅਮੀਰਾ (UAE) ਦੀ ਜੇਲ੍ਹ ਵਿੱਚ ਬੰਦ ਹਨ। ਹੁਣ ਇਸ ਮੁਸ਼ਕਿਲ ਘੜੀ ਵਿੱਚ ਸੇਲੀਨਾ ਨੂੰ ਬਾਲੀਵੁੱਡ ਦੀ 'ਡਿੰਪਲ ਗਰਲ' ਪ੍ਰੀਤੀ ਜ਼ਿੰਟਾ ਦਾ ਮਜ਼ਬੂਤ ਸਮਰਥਨ ਮਿਲਿਆ ਹੈ।
ਸੇਲੀਨਾ ਨੇ ਆਪਣੇ ਭਰਾ ਦੀ ਰਿਹਾਈ ਲਈ ਦਿੱਲੀ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕੀਤੀ ਸੀ। ਮੰਗਲਵਾਰ ਨੂੰ ਸੁਣਵਾਈ ਕਰਦਿਆਂ ਅਦਾਲਤ ਨੇ ਕੇਂਦਰ ਸਰਕਾਰ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਦੁਬਈ ਵਿੱਚ ਵਿਕਰਾਂਤ ਦਾ ਪੱਖ ਰੱਖਣ ਲਈ ਇੱਕ ਕਾਨੂੰਨੀ ਫਰਮ (ਵਕੀਲਾਂ ਦੀ ਟੀਮ) ਤਿਆਰ ਕੀਤੀ ਜਾਵੇ।
ਅਦਾਲਤ ਦੇ ਹੁਕਮਾਂ ਤੋਂ ਬਾਅਦ ਸੇਲੀਨਾ ਨੇ ਇੰਸਟਾਗ੍ਰਾਮ 'ਤੇ ਆਪਣੇ ਭਰਾ ਦੀ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, "ਮਹੀਨਿਆਂ ਦੀ ਲਗਾਤਾਰ ਕੋਸ਼ਿਸ਼ ਤੋਂ ਬਾਅਦ ਮੇਰੇ ਭਰਾ ਲਈ ਕਾਨੂੰਨੀ ਪ੍ਰਤੀਨਿਧਤਾ ਹਾਸਲ ਹੋ ਗਈ ਹੈ। ਸਾਡੇ ਸੈਨਿਕ ਦੀ ਗਰਿਮਾ ਨੂੰ ਬਰਕਰਾਰ ਰੱਖਣ ਲਈ ਦਿੱਲੀ ਹਾਈ ਕੋਰਟ ਦਾ ਧੰਨਵਾਦ।"
ਸੇਲੀਨਾ ਦੀ ਇਸ ਪੋਸਟ 'ਤੇ ਪ੍ਰੀਤੀ ਜ਼ਿੰਟਾ ਨੇ ਕਮੈਂਟ ਕਰਦਿਆਂ ਲਿਖਿਆ, "ਆਲ ਦਾ ਬੈਸਟ ਬੇਬੀ, ਬਹੁਤ ਖੁਸ਼ੀ ਹੋਈ ਕਿ ਚੀਜ਼ਾਂ ਸਹੀ ਦਿਸ਼ਾ ਵੱਲ ਵਧ ਰਹੀਆਂ ਹਨ। ਡਟੇ ਰਹੋ ਅਤੇ ਹਿੰਮਤ ਨਾ ਹਾਰਨਾ।" ਪ੍ਰੀਤੀ ਦੇ ਇਸ ਕਦਮ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਤਾਰੀਫ਼ ਹੋ ਰਹੀ ਹੈ ਕਿ ਉਨ੍ਹਾਂ ਨੇ ਦੂਜੀ ਅਦਾਕਾਰਾ ਦਾ ਡਟ ਕੇ ਸਾਥ ਦਿੱਤਾ ਹੈ।