- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Border 2 ਨੇ ਪਹਿਲੇ ਹੀ ਦਿਨ 'ਧੁਰੰਧਰ' ਦਾ ਲੱਕ ਤੋੜਿਆ, ਬਾਕਸ ਆਫ਼ਿਸ 'ਤੇ ਓਪਨਿੰਗ ਡੇਅ 'ਚ ਗੂੰਜੀ ਸੰਨੀ ਦਿਓਲ ਦੀ ਦਹਾੜ
ਇਸ ਗੱਲ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਬਾਰਡਰ 2 (Border 2) ਸਿਨੇਮਾ ਦੀਆਂ ਸਭ ਤੋਂ ਵੱਧ ਉਡੀਕੀਆਂ ਜਾਣ ਵਾਲੀਆਂ ਫ਼ਿਲਮਾਂ ਵਿੱਚੋਂ ਇੱਕ ਹੈ। ਅਜਿਹੇ ਵਿੱਚ ਫ਼ਿਲਮ ਦਾ ਪਹਿਲੇ ਦਿਨ ਬਾਕਸ ਆਫ਼ਿਸ 'ਤੇ ਕਬਜ਼ਾ ਕਰਨਾ ਤਾਂ ਲਾਜ਼ਮੀ ਸੀ। ਕਈ ਵਾਰ ਤੁਸੀਂ ਕਿੱਸੇ ਸੁਣੇ ਹੋਣਗੇ ਕਿ 1997 ਵਿੱਚ ਆਈ 'ਬਾਰਡਰ' ਨੂੰ ਦੇਖਣ ਲਈ ਦਰਸ਼ਕ ਸਿਨੇਮਾਘਰਾਂ ਦੀਆਂ ਟਿਕਟ ਖਿੜਕੀਆਂ ਦੇ ਬਾਹਰ ਲੰਬੀਆਂ ਲਾਈਨਾਂ ਲਗਾਉਂਦੇ ਸਨ। ਅੱਜ 29 ਸਾਲਾਂ ਬਾਅਦ ਭਾਵੇਂ ਆਨਲਾਈਨ ਦਾ ਜ਼ਮਾਨਾ ਹੈ, ਪਰ ਕ੍ਰੇਜ਼ ਪਹਿਲਾਂ ਵਾਂਗ ਹੀ ਹੈ।
Posted By Anuradha Bains
Publish Date: Sat, 24 Jan 2026 11:29 AM (IST)
Updated Date: Sat, 24 Jan 2026 11:32 AM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਇਸ ਗੱਲ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਬਾਰਡਰ 2 (Border 2) ਸਿਨੇਮਾ ਦੀਆਂ ਸਭ ਤੋਂ ਵੱਧ ਉਡੀਕੀਆਂ ਜਾਣ ਵਾਲੀਆਂ ਫ਼ਿਲਮਾਂ ਵਿੱਚੋਂ ਇੱਕ ਹੈ। ਅਜਿਹੇ ਵਿੱਚ ਫ਼ਿਲਮ ਦਾ ਪਹਿਲੇ ਦਿਨ ਬਾਕਸ ਆਫ਼ਿਸ 'ਤੇ ਕਬਜ਼ਾ ਕਰਨਾ ਤਾਂ ਲਾਜ਼ਮੀ ਸੀ। ਕਈ ਵਾਰ ਤੁਸੀਂ ਕਿੱਸੇ ਸੁਣੇ ਹੋਣਗੇ ਕਿ 1997 ਵਿੱਚ ਆਈ 'ਬਾਰਡਰ' ਨੂੰ ਦੇਖਣ ਲਈ ਦਰਸ਼ਕ ਸਿਨੇਮਾਘਰਾਂ ਦੀਆਂ ਟਿਕਟ ਖਿੜਕੀਆਂ ਦੇ ਬਾਹਰ ਲੰਬੀਆਂ ਲਾਈਨਾਂ ਲਗਾਉਂਦੇ ਸਨ। ਅੱਜ 29 ਸਾਲਾਂ ਬਾਅਦ ਭਾਵੇਂ ਆਨਲਾਈਨ ਦਾ ਜ਼ਮਾਨਾ ਹੈ, ਪਰ ਕ੍ਰੇਜ਼ ਪਹਿਲਾਂ ਵਾਂਗ ਹੀ ਹੈ।
ਅਨੁਰਾਗ ਸਿੰਘ ਦੇ ਨਿਰਦੇਸ਼ਨ ਹੇਠ ਬਣੀ 'ਬਾਰਡਰ 2' ਨੇ ਇੱਕ ਵਾਰ ਫਿਰ 29 ਸਾਲ ਪੁਰਾਣੀਆਂ ਯਾਦਾਂ ਨੂੰ ਤਾਜ਼ਾ ਕਰ ਦਿੱਤਾ ਹੈ। 23 ਜਨਵਰੀ 2026 ਨੂੰ ਫ਼ਿਲਮ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਅਤੇ ਇਸ ਨੇ ਦਰਸ਼ਕਾਂ ਤੇ ਕ੍ਰਿਟਿਕਸ ਨੂੰ ਆਪਣਾ ਦੀਵਾਨਾ ਬਣਾ ਲਿਆ। ਫ਼ਿਲਮ ਨੂੰ ਪਾਜ਼ੇਟਿਵ ਰਿਵਿਊ ਮਿਲਣ ਦੇ ਨਾਲ-ਨਾਲ ਇਸ ਦਾ ਓਪਨਿੰਗ ਡੇਅ ਕਲੈਕਸ਼ਨ ਵੀ ਸ਼ਾਨਦਾਰ ਰਿਹਾ ਹੈ।
ਬਾਰਡਰ 2 ਨੇ ਤੋੜਿਆ 'ਧੁਰੰਧਰ' ਦਾ ਰਿਕਾਰਡ
ਬਾਰਡਰ 2 ਨੇ ਪਹਿਲੇ ਦਿਨ ਇੰਨੀ ਜ਼ਬਰਦਸਤ ਕਮਾਈ ਕੀਤੀ ਹੈ ਕਿ ਇਸ ਨੇ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫ਼ਿਲਮ 'ਧੁਰੰਧਰ' (Dhurandhar) ਦੇ ਓਪਨਿੰਗ ਡੇਅ ਕਲੈਕਸ਼ਨ ਦਾ ਰਿਕਾਰਡ ਚਕਨਾਚੂਰ ਕਰ ਦਿੱਤਾ ਹੈ। 5 ਦਸੰਬਰ 2025 ਨੂੰ ਰਿਲੀਜ਼ ਹੋਈ 'ਧੁਰੰਧਰ' ਨੇ ਜਿੱਥੇ ਪਹਿਲੇ ਦਿਨ ਘਰੇਲੂ ਬਾਕਸ ਆਫ਼ਿਸ 'ਤੇ 28 ਕਰੋੜ ਰੁਪਏ ਕਮਾਏ ਸਨ, ਉੱਥੇ ਹੀ 'ਬਾਰਡਰ 2' ਨੇ ਸਿਰਫ਼ ਇੱਕ ਦਿਨ ਵਿੱਚ ਇਸ ਤੋਂ ਕਿਤੇ ਵੱਧ ਕਾਰੋਬਾਰ ਕਰ ਲਿਆ ਹੈ।
ਬਾਰਡਰ 2 ਦਾ ਬਾਕਸ ਆਫ਼ਿਸ ਕਲੈਕਸ਼ਨ
ਸੈਕਨਿਲਕ (Sacnilk) ਦੇ ਸ਼ੁਰੂਆਤੀ ਅੰਕੜਿਆਂ ਅਨੁਸਾਰ, ਸੰਨੀ ਦਿਓਲ ਸਟਾਰਰ 'ਬਾਰਡਰ 2' ਨੇ ਪਹਿਲੇ ਦਿਨ ਭਾਰਤੀ ਬਾਕਸ ਆਫ਼ਿਸ 'ਤੇ ਲਗਪਗ 30 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਨੇ ਪਹਿਲੇ ਹੀ ਦਿਨ 29 ਸਾਲ ਪਹਿਲਾਂ ਆਈ 'ਬਾਰਡਰ' ਦੀ ਲਾਈਫਟਾਈਮ ਕਮਾਈ (39 ਕਰੋੜ) ਦਾ ਅੱਧੇ ਤੋਂ ਵੱਧ ਹਿੱਸਾ ਕਮਾ ਲਿਆ ਹੈ। ਸ਼ੁੱਕਰਵਾਰ ਦੀ ਸ਼ਾਨਦਾਰ ਸ਼ੁਰੂਆਤ ਤੋਂ ਬਾਅਦ ਉਮੀਦ ਜਤਾਈ ਜਾ ਰਹੀ ਹੈ ਕਿ ਸ਼ਨੀਵਾਰ ਅਤੇ ਐਤਵਾਰ ਨੂੰ ਫ਼ਿਲਮ ਹੋਰ ਵੀ ਵੱਡੇ ਰਿਕਾਰਡ ਬਣਾਏਗੀ।
ਕੀ ਹੈ 'ਬਾਰਡਰ 2' ਦੀ ਕਹਾਣੀ?
'ਬਾਰਡਰ 2' ਦੀ ਕਹਾਣੀ 1971 ਦੀ ਭਾਰਤ-ਪਾਕਿਸਤਾਨ ਜੰਗ 'ਤੇ ਆਧਾਰਿਤ ਹੈ। ਇਸ ਵਾਰ ਫ਼ਿਲਮ ਵਿੱਚ ਸਿਰਫ਼ ਆਰਮੀ ਹੀ ਨਹੀਂ, ਸਗੋਂ ਨੇਵੀ ਅਤੇ ਏਅਰ ਫੋਰਸ ਦੇ ਸ਼ਹੀਦਾਂ ਦੀ ਬਹਾਦਰੀ ਦੀ ਕਹਾਣੀ ਵੀ ਦਿਖਾਈ ਗਈ ਹੈ। ਫ਼ਿਲਮ ਵਿੱਚ ਸੰਨੀ ਦਿਓਲ ਦੇ ਨਾਲ ਵਰੁਣ ਧਵਨ, ਦਿਲਜੀਤ ਦੋਸਾਂਝ, ਅਹਾਨ ਸ਼ੈੱਟੀ ਅਤੇ ਸੋਨਮ ਬਾਜਵਾ ਵਰਗੇ ਕਲਾਕਾਰ ਅਹਿਮ ਭੂਮਿਕਾਵਾਂ ਵਿੱਚ ਹਨ। ਫ਼ਿਲਮ ਦਾ ਨਿਰਦੇਸ਼ਨ ਅਨੁਰਾਗ ਸਿੰਘ ਨੇ ਕੀਤਾ ਹੈ।