Bigg Boss ਦੀ ਐਕਸ ਕੰਟੈਸਟੈਂਟ ਨੂੰ ਪਤੀ ਤੋਂ ਮਿਲਿਆ ਧੋਖਾ, ਦੂਜੀ ਔਰਤ ਨਾਲ ਤਸਵੀਰਾਂ ਕੀਤੀਆਂ ਵਾਇਰਲ, ਲੀਕ ਕੀਤੀ ਨਿੱਜੀ ਚੈਟ

ਕੀ ਚੰਦ੍ਰਿਕਾ ਦੀਕਸ਼ਿਤ ਦੇ ਪਤੀ ਨੇ ਉਨ੍ਹਾਂ ਨੂੰ ਧੋਖਾ ਦਿੱਤਾ? 'ਵੜਾ ਪਾਓ' ਗਰਲ ਚੰਦ੍ਰਿਕਾ ਦੀਕਸ਼ਿਤ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ਬਹੁਤ ਰੋ ਰਹੀ ਹੈ। ਇਸ ਵੀਡੀਓ ਵਿੱਚ ਚੰਦ੍ਰਿਕਾ ਕਹਿੰਦੀ ਹੈ, "ਕੀ ਚਾਹੁੰਦੇ ਹੋ, ਹੁਣ ਦੁਨੀਆ ਨੂੰ ਕੀ ਦਿਖਾਉਣਾ ਹੈ, ਸਾਡੇ ਲੜਾਈ-ਝਗੜੇ? ਪਿਛਲੇ 2 ਮਹੀਨਿਆਂ ਤੋਂ ਮੈਂ ਕੀ-ਕੀ ਬਰਦਾਸ਼ਤ ਕਰ ਰਹੀ ਹਾਂ, ਪਤਾ ਹੈ? 2 ਮਹੀਨਿਆਂ ਤੋਂ ਉੱਪਰ ਹੋ ਗਿਆ ਹੈ, ਮੈਂ ਕੁਝ ਨਹੀਂ ਬੋਲ ਰਹੀ। ਮੈਂ ਕੰਮ ਕਰ ਰਹੀ ਹਾਂ, ਬੱਚਾ ਸੰਭਾਲ ਰਹੀ ਹਾਂ। ਦੁਕਾਨ, ਕੰਮ ਸਭ ਕੁਝ ਸੰਭਾਲ ਰਹੀ ਹਾਂ ਅਤੇ ਤੁਸੀਂ ਉੱਠ ਕੇ ਇਹ ਸਭ ਕਰਨ ਜਾ ਰਹੇ ਹੋ। ਜੋ ਕੁੜੀ ਸਾਰਾ ਦਿਨ 'ਪਤੀ-ਪਤੀ' ਕਹਿ ਕੇ ਤੁਹਾਡੇ ਅੱਗੇ-ਪਿੱਛੇ ਘੁੰਮ ਰਹੀ ਹੈ। ਅਜਿਹੀਆਂ ਬਹੁਤ ਸਾਰੀਆਂ ਚੀਜ਼ਾਂ ਹਨ, ਜੋ ਮੇਰੇ ਦਿਮਾਗ ਦੀਆਂ ਨਸਾਂ ਪਾੜ ਰਹੀਆਂ ਹਨ। ਮੈਂ ਕੰਮ ਨਹੀਂ ਕਰ ਪਾ ਰਹੀ ਹਾਂ, ਕੀ ਕਰਾਂ।"

View this post on Instagram

A post shared by Chandrika Gera (@chandrika.dixit)

ਇਸ ਵੀਡੀਓ ਨੂੰ ਸਾਂਝਾ ਕਰਨ ਦੇ ਨਾਲ ਹੀ ਚੰਦ੍ਰਿਕਾ ਨੇ ਆਪਣੇ ਪਤੀ ਦੀ ਚੈਟਿੰਗ ਲੀਕ ਕਰ ਦਿੱਤੀ ਅਤੇ ਨਾਲ ਹੀ ਦੂਜੀ ਔਰਤ ਨਾਲ ਪਤੀ ਦੀ ਫੋਟੋ ਵੀ ਇੰਸਟਾਗ੍ਰਾਮ 'ਤੇ ਦਿਖਾਈ। ਵੀਡੀਓ ਦੇ ਕੈਪਸ਼ਨ ਵਿੱਚ ਚੰਦ੍ਰਿਕਾ ਨੇ ਲਿਖਿਆ, "ਮੇਰੇ ਕੋਲ ਵੀ ਸਬੂਤ ਹਨ।"

ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਕੀਤਾ ਟ੍ਰੋਲ

ਜਦੋਂ ਚੰਦ੍ਰਿਕਾ ਦੀਕਸ਼ਿਤ ਆਪਣੇ ਪਤੀ ਯੁਗਮ ਗੇਰਾ 'ਤੇ ਇਲਜ਼ਾਮ ਲਗਾਉਂਦੇ ਹੋਏ ਵੀਡੀਓ ਸ਼ੇਅਰ ਕਰ ਰਹੀ ਹੈ, ਤਾਂ ਉਨ੍ਹਾਂ ਦੀਆਂ ਅੱਖਾਂ ਵਿੱਚ ਇੱਕ ਵੀ ਹੰਝੂ ਨਹੀਂ ਹੈ, ਜਿਸ ਕਾਰਨ ਕਈ ਯੂਜ਼ਰਸ ਨੂੰ ਲੱਗ ਰਿਹਾ ਹੈ ਕਿ ਇਹ ਸਭ ਮਹਿਜ਼ ਇੱਕ ਡਰਾਮਾ ਹੈ। ਇੱਕ ਯੂਜ਼ਰ ਨੇ ਲਿਖਿਆ, "ਦੀਦੀ, ਕੀ ਇੰਟਰਨੈੱਟ ਪਤੀ ਨਾਲ ਤੁਹਾਡੀ ਸਮੱਸਿਆ ਹੱਲ ਕਰਵਾਏਗਾ? 2 ਕੌਡੀ ਦਾ ਡਰਾਮਾ ਲਾਇਆ ਹੋਇਆ ਹੈ ਤੁਸੀਂ।"

ਦੂਜੇ ਯੂਜ਼ਰ ਨੇ ਲਿਖਿਆ, "ਐਕਟਿੰਗ ਚੰਗੀ ਹੈ ਦੀਦੀ, ਪਰ ਹੰਝੂ ਨਹੀਂ ਆ ਰਹੇ।" ਇੱਕ ਹੋਰ ਯੂਜ਼ਰ ਨੇ ਲਿਖਿਆ, "ਤੁਹਾਡੀ ਗੱਲ ਸੱਚੀ ਲੱਗੇ, ਇਸ ਲਈ ਤੁਸੀਂ ਘਰ ਦੀਆਂ ਲਾਈਟਾਂ ਬੰਦ ਕਰ ਦਿੱਤੀਆਂ।" ਚੰਦ੍ਰਿਕਾ ਦੀਕਸ਼ਿਤ ਦੇ ਲਗਾਏ ਗਏ ਇਲਜ਼ਾਮਾਂ 'ਤੇ ਅਜੇ ਤੱਕ ਉਨ੍ਹਾਂ ਦੇ ਪਤੀ ਦਾ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ।