- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
10 ਸਾਲਾਂ ਮਗਰੋਂ ਰਿਤੇਸ਼ ਦੇਸ਼ਮੁਖ ਦਾ ਸੁਪਨਾ ਹੋਇਆ ਪੂਰਾ, 'ਰਾਜਾ ਸ਼ਿਵਾਜੀ' ਦੇ ਟ੍ਰੇਲਰ ਲਾਂਚ 'ਤੇ ਨਿਕਲੇ ਹੰਝੂ
ਬਾਲੀਵੁੱਡ ਅਤੇ ਮਰਾਠੀ ਸਿਨੇਮਾ ਦੇ ਦਿੱਗਜ ਅਦਾਕਾਰ ਰਿਤੇਸ਼ ਦੇਸ਼ਮੁਖ ਦੀ ਬਹੁ-ਪ੍ਰਤੀਖਿਆਿਤ ਫ਼ਿਲਮ 'ਰਾਜਾ ਸ਼ਿਵਾਜੀ' ਦਾ ਟ੍ਰੇਲਰ ਸੋਮਵਾਰ ਨੂੰ ਇੱਕ ਸ਼ਾਨਦਾਰ ਸਮਾਗਮ ਦੌਰਾਨ ਲਾਂਚ ਕੀਤਾ ਗਿਆ। ਇਹ ਫ਼ਿਲਮ ਰਿਤੇਸ਼ ਲਈ ਸਿਰਫ਼ ਇੱਕ ਪ੍ਰੋਜੈਕਟ ਨਹੀਂ, ਬਲਕਿ ਇੱਕ ਅਜਿਹਾ ਸੁਪਨਾ ਹੈ ਜਿਸ ਨੂੰ ਉਹ ਪਿਛਲੇ ਇੱਕ ਦਹਾਕੇ ਤੋਂ ਜੀਅ ਰਹੇ ਹਨ। ਟ੍ਰੇਲਰ ਲਾਂਚ ਦੌਰਾਨ ਜਦੋਂ ਰਿਤੇਸ਼ ਨੇ ਆਪਣੀ ਸੰਘਰਸ਼ ਭਰੀ ਯਾਤਰਾ ਸਾਂਝੀ ਕੀਤੀ, ਤਾਂ ਉਹ ਅਤੇ ਉਨ੍ਹਾਂ ਦੀ ਪਤਨੀ ਜੇਨੇਲੀਆ ਦੇਸ਼ਮੁਖ ਆਪਣੇ ਹੰਝੂ ਨਾ ਰੋਕ ਸਕੇ।
Posted By Sunita
Publish Date: Tue, 21 Apr 2026 12:23 PM (IST)
Updated Date: Tue, 21 Apr 2026 12:27 PM (IST)
ਮੁੰਬਈ: ਬਾਲੀਵੁੱਡ ਅਤੇ ਮਰਾਠੀ ਸਿਨੇਮਾ ਦੇ ਦਿੱਗਜ ਅਦਾਕਾਰ ਰਿਤੇਸ਼ ਦੇਸ਼ਮੁਖ ਦੀ ਬਹੁ-ਪ੍ਰਤੀਖਿਆਿਤ ਫ਼ਿਲਮ 'ਰਾਜਾ ਸ਼ਿਵਾਜੀ' ਦਾ ਟ੍ਰੇਲਰ ਸੋਮਵਾਰ ਨੂੰ ਇੱਕ ਸ਼ਾਨਦਾਰ ਸਮਾਗਮ ਦੌਰਾਨ ਲਾਂਚ ਕੀਤਾ ਗਿਆ। ਇਹ ਫ਼ਿਲਮ ਰਿਤੇਸ਼ ਲਈ ਸਿਰਫ਼ ਇੱਕ ਪ੍ਰੋਜੈਕਟ ਨਹੀਂ, ਬਲਕਿ ਇੱਕ ਅਜਿਹਾ ਸੁਪਨਾ ਹੈ ਜਿਸ ਨੂੰ ਉਹ ਪਿਛਲੇ ਇੱਕ ਦਹਾਕੇ ਤੋਂ ਜੀਅ ਰਹੇ ਹਨ। ਟ੍ਰੇਲਰ ਲਾਂਚ ਦੌਰਾਨ ਜਦੋਂ ਰਿਤੇਸ਼ ਨੇ ਆਪਣੀ ਸੰਘਰਸ਼ ਭਰੀ ਯਾਤਰਾ ਸਾਂਝੀ ਕੀਤੀ, ਤਾਂ ਉਹ ਅਤੇ ਉਨ੍ਹਾਂ ਦੀ ਪਤਨੀ ਜੇਨੇਲੀਆ ਦੇਸ਼ਮੁਖ ਆਪਣੇ ਹੰਝੂ ਨਾ ਰੋਕ ਸਕੇ।
ਸਿਪਾਹੀ ਤੋਂ 'ਮਹਾਰਾਜ' ਤੱਕ ਦਾ ਸਫ਼ਰ
ਰਿਤੇਸ਼ ਨੇ ਬਚਪਨ ਦੀਆਂ ਯਾਦਾਂ ਤਾਜ਼ਾ ਕਰਦਿਆਂ ਦੱਸਿਆ ਕਿ ਉਹ ਸਕੂਲ ਦੇ ਦਿਨਾਂ ਵਿੱਚ ਸਟੇਜ 'ਤੇ ਇੱਕ ਸਿਪਾਹੀ ਬਣ ਕੇ ਨੱਚਦੇ ਸਨ ਅਤੇ ਸ਼ਿਵਾਜੀ ਮਹਾਰਾਜ ਨੂੰ ਨਮਨ ਕਰਦੇ ਸਨ। ਉਨ੍ਹਾਂ ਕਿਹਾ, "ਮੈਂ ਕਦੇ ਖ਼ੁਦ ਨੂੰ ਮਹਾਰਾਜ ਨਹੀਂ ਸਮਝਿਆ, ਮੈਂ ਹਮੇਸ਼ਾ ਉਨ੍ਹਾਂ ਦਾ ਇੱਕ ਸਿਪਾਹੀ ਰਿਹਾ ਹਾਂ।" 2016 ਵਿੱਚ ਸ਼ੁਰੂ ਹੋਈ ਇਹ ਕੋਸ਼ਿਸ਼ ਕੋਵਿਡ ਕਾਰਨ ਕਈ ਵਾਰ ਰੁਕੀ, ਪਰ ਰਿਤੇਸ਼ ਨੇ ਹਾਰ ਨਹੀਂ ਮੰਨੀ। ਅੰਤ ਵਿੱਚ 2021 ਵਿੱਚ ਇਸ ਦਾ ਕੰਮ ਮੁੜ ਸ਼ੁਰੂ ਹੋਇਆ ਅਤੇ ਹੁਣ ਇਹ ਵੱਡੇ ਪਰਦੇ 'ਤੇ ਆਉਣ ਲਈ ਤਿਆਰ ਹੈ।
ਦਿੱਗਜ ਸਿਤਾਰਿਆਂ ਦਾ ਸਾਥ
ਇਸ ਸਮਾਗਮ ਵਿੱਚ ਬਾਲੀਵੁੱਡ ਦੀਆਂ ਕਈ ਵੱਡੀਆਂ ਹਸਤੀਆਂ ਨੇ ਸ਼ਿਰਕਤ ਕੀਤੀ:
ਸੰਜੇ ਦੱਤ: ਫ਼ਿਲਮ ਵਿੱਚ 'ਅਫ਼ਜ਼ਲ ਖ਼ਾਨ' ਦੀ ਖ਼ੌਫ਼ਨਾਕ ਭੂਮਿਕਾ ਨਿਭਾ ਰਹੇ ਸੰਜੇ ਦੱਤ ਨੇ ਕਿਹਾ ਕਿ ਉਨ੍ਹਾਂ ਨੇ ਮਰਾਠੀ ਸਿਨੇਮਾ ਨੂੰ ਉਤਸ਼ਾਹਿਤ ਕਰਨ ਅਤੇ ਆਪਣੇ ਛੋਟੇ ਭਰਾ ਰਿਤੇਸ਼ ਦੇ ਪਿਆਰ ਸਦਕਾ ਇਸ ਫ਼ਿਲਮ ਲਈ ਹਾਂ ਕੀਤੀ।
ਵਿਦਿਆ ਬਾਲਨ: 'ਬੜੀ ਬੇਗਮ' ਦੇ ਕਿਰਦਾਰ ਵਿੱਚ ਨਜ਼ਰ ਆਉਣ ਵਾਲੀ ਵਿਦਿਆ ਨੇ ਦੱਸਿਆ ਕਿ ਉਹ ਇਸ ਫ਼ਿਲਮ ਦਾ ਹਿੱਸਾ ਬਣਨ ਲਈ ਇੰਨੀ ਉਤਸ਼ਾਹਿਤ ਸੀ ਕਿ ਕਹਾਣੀ ਸੁਣਦੇ ਹੀ ਤੁਰੰਤ ਹਾਮੀ ਭਰ ਦਿੱਤੀ।
ਛੇ ਭਾਸ਼ਾਵਾਂ ਵਿੱਚ ਹੋਵੇਗੀ ਰਿਲੀਜ਼
ਜੀਓ ਸਟੂਡੀਓਜ਼ ਵੱਲੋਂ ਤਿਆਰ ਕੀਤੀ ਗਈ ਇਹ ਫ਼ਿਲਮ 1 ਮਈ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਖ਼ਾਸ ਗੱਲ ਇਹ ਹੈ ਕਿ ਇਹ ਫ਼ਿਲਮ ਨਾ ਸਿਰਫ਼ ਮਰਾਠੀ ਅਤੇ ਹਿੰਦੀ, ਬਲਕਿ ਦੱਖਣ ਭਾਰਤੀ ਭਾਸ਼ਾਵਾਂ—ਤਮਿਲ, ਤੇਲਗੂ, ਮਲਿਆਲਮ ਅਤੇ ਕੰਨੜ ਵਿੱਚ ਵੀ ਰਿਲੀਜ਼ ਕੀਤੀ ਜਾਵੇਗੀ, ਤਾਂ ਜੋ ਛੱਤਰਪਤੀ ਸ਼ਿਵਾਜੀ ਮਹਾਰਾਜ ਦੀ ਗਾਥਾ ਪੂਰੇ ਭਾਰਤ ਤੱਕ ਪਹੁੰਚ ਸਕੇ।