PSEB 10ਵੀਂ ਦੇ ਟਾਪਰਾਂ ਦੀ ਸੂਚੀ 2026 : ਪੰਜਾਬ ਬੋਰਡ ਕੁਝ ਹੀ ਦੇਰ ਵਿੱਚ ਜਾਰੀ ਕਰੇਗਾ 10ਵੀਂ ਦਾ ਨਤੀਜਾ ਤੇ ਟਾਪਰ ਲਿਸਟ, ਇੱਥੇ ਦੇਖੋ ਪੂਰੀ ਸੂਚੀ

ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਵੱਲੋਂ 10ਵੀਂ ਜਮਾਤ ਦਾ ਨਤੀਜਾ ਦੁਪਹਿਰ 12:30 ਵਜੇ ਜਾਰੀ ਕਰ ਦਿੱਤਾ ਜਾਵੇਗਾ। ਨਤੀਜੇ ਘੋਸ਼ਿਤ ਹੋਣ ਤੋਂ ਬਾਅਦ ਵਿਦਿਆਰਥੀ ਜਾਂ ਉਨ੍ਹਾਂ ਦੇ ਮਾਪੇ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ pseb.ac.in 'ਤੇ ਜਾ ਕੇ ਨਤੀਜਾ ਚੈੱਕ ਕਰ ਸਕਣਗੇ। ਨਤੀਜਾ ਦੇਖਣ ਲਈ ਵਿਦਿਆਰਥੀਆਂ ਨੂੰ ਆਪਣਾ ਰੋਲ ਨੰਬਰ ਭਰਨਾ ਹੋਵੇਗਾ। ਅਜਿਹੇ ਵਿੱਚ ਜੇਕਰ ਤੁਹਾਨੂੰ ਆਪਣਾ ਰੋਲ ਨੰਬਰ ਯਾਦ ਨਹੀਂ ਹੈ ਤਾਂ ਤੁਰੰਤ ਆਪਣਾ ਐਡਮਿਟ ਕਾਰਡ ਲੱਭ ਕੇ ਆਪਣੇ ਕੋਲ ਰੱਖ ਲਓ।

ਨਤੀਜੇ ਦੇ ਨਾਲ ਟਾਪਰ ਲਿਸਟ ਵੀ ਹੋਵੇਗੀ ਜਾਰੀ

ਪੀ.ਐੱਸ.ਈ.ਬੀ. ਵੱਲੋਂ ਪ੍ਰੈੱਸ ਕਾਨਫਰੰਸ ਵਿੱਚ ਨਤੀਜਿਆਂ ਦੀ ਘੋਸ਼ਣਾ ਦੇ ਨਾਲ ਹੀ ਟਾਪਰਾਂ ਦੀ ਸੂਚੀ ਵੀ ਜਾਰੀ ਕਰ ਦਿੱਤੀ ਜਾਵੇਗੀ। PSEB 10th Merit List 2026 ਜਾਰੀ ਹੁੰਦੇ ਹੀ ਤੁਸੀਂ ਸੂਬੇ ਵਿੱਚ ਟਾਪ ਪੁਜੀਸ਼ਨ ਹਾਸਲ ਕਰਨ ਵਾਲੇ ਸਾਰੇ ਵਿਦਿਆਰਥੀਆਂ ਦੇ ਨਾਮ, ਅੰਕ ਅਤੇ ਪਾਸ ਫੀਸਦੀ ਸਮੇਤ ਪੂਰੀ ਜਾਣਕਾਰੀ ਹਾਸਲ ਕਰ ਸਕੋਗੇ।

ਪਿਛਲੇ ਸਾਲ ਤਿੰਨ ਕੁੜੀਆਂ ਨੇ ਕੀਤਾ ਸੀ ਟਾਪ

ਪਿਛਲੇ ਸਾਲ ਦੀ ਬੋਰਡ ਪ੍ਰੀਖਿਆ ਵਿੱਚ ਟਾਪ 'ਤੇ 3 ਕੁੜੀਆਂ ਨੇ ਜਗ੍ਹਾ ਬਣਾਈ ਸੀ। ਤਿੰਨੋਂ ਹੀ ਵਿਦਿਆਰਥਣਾਂ ਨੇ ਪੂਰੇ 100 ਫੀਸਦੀ ਅੰਕ ਹਾਸਲ ਕਰਨ ਦਾ ਰਿਕਾਰਡ ਬਣਾਇਆ ਸੀ। ਉਨ੍ਹਾਂ ਦੇ ਨਾਮ ਹੇਠ ਲਿਖੇ ਅਨੁਸਾਰ ਹਨ।

1. ਫਰੀਦਕੋਟ ਦੀ ਅਕਸ਼ਪ੍ਰੀਤ ਕੌਰ
2. ਮੁਕਤਸਰ ਦੀ ਰਤਿੰਦਰਦੀਪ ਕੌਰ
3. ਮਲੇਰਕੋਟਲਾ ਦੀ ਅਰਸ਼ਦੀਪ ਕੌਰ

ਨਤੀਜਾ ਵੈੱਬਸਾਈਟ ਤੇ SMS ਰਾਹੀਂ ਚੈੱਕ ਕੀਤਾ ਜਾ ਸਕਦਾ ਹੈ

ਪੰਜਾਬ ਬੋਰਡ 10ਵੀਂ ਦਾ ਨਤੀਜਾ ਜਾਰੀ ਹੁੰਦੇ ਹੀ ਵਿਦਿਆਰਥੀ ਆਨਲਾਈਨ ਮਾਧਿਅਮ ਰਾਹੀਂ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਕੇ ਚੈੱਕ ਕਰ ਸਕਦੇ ਹਨ। ਇਸ ਦੇ ਲਈ ਤੁਹਾਨੂੰ ਵੈੱਬਸਾਈਟ 'ਤੇ ਜਾ ਕੇ '10th Result' ਦੇ ਐਕਟਿਵ ਲਿੰਕ 'ਤੇ ਕਲਿੱਕ ਕਰਨਾ ਹੋਵੇਗਾ ਅਤੇ ਰੋਲ ਨੰਬਰ ਭਰ ਕੇ ਸਬਮਿਟ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਡਾ ਨਤੀਜਾ ਸਕ੍ਰੀਨ 'ਤੇ ਦਿਖਾਈ ਦੇਵੇਗਾ।

ਜੇਕਰ ਨਤੀਜਾ ਜਾਰੀ ਹੋਣ ਤੋਂ ਬਾਅਦ ਵੈੱਬਸਾਈਟ ਕਰੈਸ਼ ਹੋ ਜਾਂਦੀ ਹੈ ਜਾਂ ਜਿਨ੍ਹਾਂ ਵਿਦਿਆਰਥੀਆਂ ਜਾਂ ਮਾਪਿਆਂ ਕੋਲ ਇੰਟਰਨੈੱਟ ਜਾਂ ਸਮਾਰਟਫੋਨ ਨਹੀਂ ਹੈ, ਉਹ ਕੀਪੈਡ ਫੋਨ ਤੋਂ SMS ਰਾਹੀਂ ਵੀ ਨਤੀਜਾ ਦੇਖ ਸਕਦੇ ਹਨ। ਇਸ ਦੇ ਲਈ ਤੁਹਾਨੂੰ PB10 <ਰੋਲ ਨੰਬਰ> ਲਿਖ ਕੇ 5676750 'ਤੇ ਭੇਜਣਾ ਹੋਵੇਗਾ।