CBSE Class 10 Result 2026: ਨਹੀਂ ਕਰਨਾ ਪਵੇਗਾ ਬਹੁਤਾ ਇੰਤਜ਼ਾਰ, CBSE ਬੋਰਡ 10ਵੀਂ ਦੇ ਨਤੀਜੇ ਇਸ ਤਾਰੀਖ਼ ਨੂੰ ਹੋਣਗੇ ਜਾਰੀ

ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: ਸੀਬੀਐਸਈ (CBSE) ਬੋਰਡ ਵੱਲੋਂ 10ਵੀਂ ਜਮਾਤ ਦੀਆਂ ਪ੍ਰੀਖਿਆਵਾਂ 17 ਫਰਵਰੀ ਤੋਂ ਲੈ ਕੇ 11 ਮਾਰਚ ਤੱਕ ਕਰਵਾਈਆਂ ਗਈਆਂ ਸਨ। ਹੁਣ ਬੋਰਡ ਪ੍ਰੀਖਿਆਵਾਂ ਵਿੱਚ ਸ਼ਾਮਲ ਹੋਣ ਵਾਲੇ ਲੱਖਾਂ ਵਿਦਿਆਰਥੀਆਂ ਨੂੰ ਨਤੀਜੇ ਜਾਰੀ ਹੋਣ ਦਾ ਇੰਤਜ਼ਾਰ ਹੈ। ਇਨ੍ਹਾਂ ਵਿਦਿਆਰਥੀਆਂ ਦੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਹੁਣ ਨਤੀਜਿਆਂ ਨੂੰ ਲੈ ਕੇ ਜ਼ਿਆਦਾ ਇੰਤਜ਼ਾਰ ਨਹੀਂ ਕਰਨਾ ਪਵੇਗਾ। ਸੂਤਰਾਂ ਅਨੁਸਾਰ ਬੋਰਡ ਵੱਲੋਂ ਨਤੀਜਿਆਂ ਦਾ ਐਲਾਨ 14 ਅਪ੍ਰੈਲ ਤੱਕ ਕੀਤਾ ਜਾ ਸਕਦਾ ਹੈ।

ਇਸ ਵਾਰ ਜਲਦੀ ਜਾਰੀ ਹੋਵੇਗਾ ਨਤੀਜਾ

ਆਮ ਤੌਰ 'ਤੇ ਸੀਬੀਐਸਈ ਵੱਲੋਂ ਮਈ ਮਹੀਨੇ ਵਿੱਚ ਨਤੀਜੇ ਜਾਰੀ ਕੀਤੇ ਜਾਂਦੇ ਹਨ। ਪਰ, ਇਸ ਵਾਰ ਮਈ ਮਹੀਨੇ ਤੋਂ ਦੂਜੇ ਪੜਾਅ (2nd Phase) ਦੀਆਂ ਬੋਰਡ ਪ੍ਰੀਖਿਆਵਾਂ ਦਾ ਆਯੋਜਨ ਕਰਵਾਇਆ ਜਾਵੇਗਾ। ਅਜਿਹੀ ਸਥਿਤੀ ਵਿੱਚ ਵਿਦਿਆਰਥੀਆਂ ਨੂੰ ਦੂਜੀ ਪ੍ਰੀਖਿਆ ਦੀ ਤਿਆਰੀ ਲਈ ਲੋੜੀਂਦਾ ਸਮਾਂ ਦਿੱਤਾ ਜਾਵੇਗਾ। ਇਸੇ ਲਈ ਨਤੀਜੇ ਜਲਦੀ ਜਾਰੀ ਕੀਤੇ ਜਾਣਗੇ।

ਦੂਜੀਆਂ ਬੋਰਡ ਪ੍ਰੀਖਿਆਵਾਂ ਵਿੱਚ ਕੌਣ ਲੈ ਸਕੇਗਾ ਹਿੱਸਾ?

ਇਸ ਵਾਰ ਤੋਂ ਸੀਬੀਐਸਈ ਦੁਆਰਾ 10ਵੀਂ ਦੀਆਂ ਪ੍ਰੀਖਿਆਵਾਂ ਦਾ ਆਯੋਜਨ ਦੋ ਵਾਰ ਕਰਵਾਇਆ ਜਾਵੇਗਾ।

ਜਿਹੜੇ ਵਿਦਿਆਰਥੀ ਹੁਣ ਜਾਰੀ ਹੋਣ ਵਾਲੇ ਨਤੀਜੇ ਵਿੱਚ ਫੇਲ੍ਹ ਹੋ ਜਾਣਗੇ, ਉਹ ਦੂਜੇ ਪੜਾਅ ਦੀ ਪ੍ਰੀਖਿਆ ਵਿੱਚ ਸ਼ਾਮਲ ਹੋ ਕੇ ਚੰਗੇ ਅੰਕ ਪ੍ਰਾਪਤ ਕਰਕੇ ਪ੍ਰੀਖਿਆ ਪਾਸ ਕਰ ਸਕਣਗੇ ਅਤੇ ਆਪਣਾ ਸਾਲ ਖਰਾਬ ਹੋਣ ਤੋਂ ਬਚਾ ਸਕਣਗੇ।

ਇਸ ਤੋਂ ਇਲਾਵਾ ਅਜਿਹੇ ਵਿਦਿਆਰਥੀ ਵੀ ਪ੍ਰੀਖਿਆ ਦੇ ਸਕਣਗੇ ਜੋ ਆਪਣੇ ਅੰਕਾਂ ਵਿੱਚ ਸੁਧਾਰ (Improvement) ਕਰਨਾ ਚਾਹੁਣਗੇ। ਹਾਲਾਂਕਿ, ਪਾਸ ਹੋਣ ਵਾਲੇ ਵਿਦਿਆਰਥੀ (ਵਿਗਿਆਨ, ਗਣਿਤ, ਸਮਾਜਿਕ ਵਿਗਿਆਨ ਅਤੇ ਭਾਸ਼ਾ ਵਿਸ਼ਿਆਂ ਵਿੱਚੋਂ) ਕੇਵਲ 3 ਵਿਸ਼ਿਆਂ ਦੀ ਪ੍ਰੀਖਿਆ ਹੀ ਦੇ ਸਕਣਗੇ।

ਨਤੀਜਾ ਜਾਰੀ ਹੋਣ 'ਤੇ ਕਿਵੇਂ ਚੈੱਕ ਕਰ ਸਕੋਗੇ?

CBSE 10th Result 2026 ਚੈੱਕ ਕਰਨ ਲਈ ਅਧਿਕਾਰਤ ਵੈੱਬਸਾਈਟ cbse.gov.in 'ਤੇ ਜਾਣਾ ਹੋਵੇਗਾ।

ਵੈੱਬਸਾਈਟ ਦੇ ਹੋਮ ਪੇਜ 'ਤੇ ਤੁਹਾਨੂੰ 'Result' ਦੇ ਐਕਟਿਵ ਲਿੰਕ 'ਤੇ ਕਲਿੱਕ ਕਰਨਾ ਹੋਵੇਗਾ।

ਹੁਣ ਤੁਹਾਨੂੰ ਨਵੇਂ ਪੇਜ 'ਤੇ ਰੋਲ ਨੰਬਰ ਅਤੇ ਪਾਸਵਰਡ ਭਰ ਕੇ ਸਬਮਿਟ ਕਰਨਾ ਹੋਵੇਗਾ।

ਇਸ ਤੋਂ ਬਾਅਦ ਤੁਹਾਡੀ ਮਾਰਕਸ਼ੀਟ ਸਕ੍ਰੀਨ 'ਤੇ ਓਪਨ ਹੋ ਜਾਵੇਗੀ, ਜਿੱਥੋਂ ਤੁਸੀਂ ਇਸਨੂੰ ਡਾਊਨਲੋਡ ਕਰ ਸਕੋਗੇ।

ਫਾਈਨਲ ਮਾਰਕਸ਼ੀਟ ਦੋਵਾਂ ਪ੍ਰੀਖਿਆਵਾਂ ਤੋਂ ਬਾਅਦ ਮਿਲੇਗੀ

ਸਾਰੇ ਵਿਦਿਆਰਥੀਆਂ ਨੂੰ ਦੱਸ ਦੇਈਏ ਕਿ ਬੋਰਡ ਪ੍ਰੀਖਿਆ ਲਈ ਫਾਈਨਲ ਮਾਰਕਸ਼ੀਟ/ਸਰਟੀਫਿਕੇਟ ਦੋਵਾਂ ਹੀ ਬੋਰਡ ਪ੍ਰੀਖਿਆਵਾਂ ਦੇ ਨਤੀਜੇ ਜਾਰੀ ਹੋਣ ਤੋਂ ਬਾਅਦ ਮਿਲੇਗਾ। ਦੂਜੇ ਪੜਾਅ ਦਾ ਨਤੀਜਾ ਜੂਨ ਵਿੱਚ ਜਾਰੀ ਹੋਵੇਗਾ। ਅਜਿਹੇ ਵਿੱਚ ਸਕੂਲ ਤੋਂ ਪਾਸਿੰਗ ਸਰਟੀਫਿਕੇਟ ਜੂਨ ਦੇ ਅੰਤ ਤੱਕ ਪ੍ਰਾਪਤ ਕੀਤਾ ਜਾ ਸਕੇਗਾ।