CBSE 10ਵੀਂ ਦੇ ਵਿਦਿਆਰਥੀਆਂ ਲਈ ਵੱਡੀ ਰਾਹਤ: ਗਣਿਤ ਦਾ ਪੇਪਰ ਖ਼ਰਾਬ ਹੋਣ 'ਤੇ ਨਾ ਲਓ ਟੈਨਸ਼ਨ, ਮਿਲੇਗਾ ਸੁਧਾਰ ਦਾ ਦੂਜਾ ਮੌਕਾ

ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: ਕੇਂਦਰੀ ਮਾਧਿਅਮਿਕ ਸਿੱਖਿਆ ਬੋਰਡ (CBSE) ਦੀਆਂ ਪ੍ਰੀਖਿਆਵਾਂ ਚੱਲ ਰਹੀਆਂ ਹਨ। 10ਵੀਂ ਜਮਾਤ ਦੇ ਗਣਿਤ (Mathematics) ਅਤੇ ਹੋਮ ਸਾਇੰਸ ਦੇ ਪੇਪਰ ਹੋ ਚੁੱਕੇ ਹਨ। ਕਈ ਵਿਦਿਆਰਥੀ ਗਣਿਤ ਦਾ ਪੇਪਰ ਚੰਗਾ ਨਾ ਹੋਣ ਕਾਰਨ ਤਣਾਅ ਵਿੱਚ ਹਨ, ਪਰ ਉਨ੍ਹਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਫ਼ਿਕਰ ਛੱਡ ਕੇ ਅਗਲੇ ਪੇਪਰਾਂ ਵੱਲ ਧਿਆਨ ਦੇਣ।

ਖ਼ਰਾਬ ਹੋਏ ਪੇਪਰ ਦੀ ਦੁਬਾਰਾ ਦੇ ਸਕੋਗੇ ਪ੍ਰੀਖਿਆ:

ਵਿਦਿਆਰਥੀਆਂ ਲਈ ਖੁਸ਼ਖਬਰੀ ਹੈ ਕਿ ਸੀਬੀਐਸਈ ਇਸ ਸਾਲ ਤੋਂ 10ਵੀਂ ਦੀਆਂ ਪ੍ਰੀਖਿਆਵਾਂ ਦੋ ਵਾਰ ਕਰਵਾਉਣ ਜਾ ਰਿਹਾ ਹੈ। ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਗਣਿਤ ਵਿੱਚ ਅੰਕ ਘੱਟ ਆਉਣਗੇ, ਤਾਂ ਤੁਸੀਂ ਸਾਰੇ ਵਿਸ਼ਿਆਂ ਦੇ ਪੇਪਰ ਖ਼ਤਮ ਹੋਣ ਤੋਂ ਬਾਅਦ ਇਸ ਦੀ ਦੁਬਾਰਾ ਤਿਆਰੀ ਕਰਕੇ ਪ੍ਰੀਖਿਆ ਦੇ ਸਕਦੇ ਹੋ।

ਵਿਸ਼ਿਆਂ ਦੀ ਚੋਣ ਕਰਕੇ ਦੇ ਸਕੋਗੇ ਐਗਜ਼ਾਮ:

ਨਤੀਜਾ ਘੋਸ਼ਿਤ ਹੋਣ ਤੋਂ ਬਾਅਦ, ਵਿਦਿਆਰਥੀ ਵੱਧ ਤੋਂ ਵੱਧ 3 ਵਿਸ਼ਿਆਂ ਦੀ ਚੋਣ ਕਰਕੇ ਦੁਬਾਰਾ ਬੋਰਡ ਪ੍ਰੀਖਿਆ ਦੇ ਸਕਦੇ ਹਨ ਅਤੇ ਆਪਣੇ ਨਤੀਜੇ ਵਿੱਚ ਸੁਧਾਰ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ, ਜਿਨ੍ਹਾਂ ਵਿਦਿਆਰਥੀਆਂ ਦੀ ਕੰਪਾਰਟਮੈਂਟ (ਸਪਲੀਮੈਂਟਰੀ) ਆਵੇਗੀ, ਉਹ ਵੀ ਇਸ ਪ੍ਰੀਖਿਆ ਰਾਹੀਂ ਪਾਸ ਹੋ ਸਕਣਗੇ।

ਦੂਜੇ ਸੈਸ਼ਨ ਦੀਆਂ ਪ੍ਰੀਖਿਆਵਾਂ ਕਦੋਂ ਹੋਣਗੀਆਂ?

ਪਹਿਲੇ ਸੈਸ਼ਨ ਦਾ ਨਤੀਜਾ ਅਪ੍ਰੈਲ ਵਿੱਚ ਆਉਣ ਦੀ ਉਮੀਦ ਹੈ। ਇਸ ਤੋਂ ਬਾਅਦ ਦੂਜੇ ਮੌਕੇ (2nd Chance) ਲਈ ਪ੍ਰੀਖਿਆਵਾਂ 5 ਮਈ 2026 ਤੋਂ 20 ਮਈ 2026 (ਸੰਭਾਵਿਤ) ਤੱਕ ਕਰਵਾਈਆਂ ਜਾਣਗੀਆਂ। ਅੰਤਿਮ ਨਤੀਜਾ ਜੂਨ 2026 ਵਿੱਚ ਜਾਰੀ ਕੀਤਾ ਜਾਵੇਗਾ।