Women's T20 World Cup 2026 : ਨਿਊਜ਼ੀਲੈਂਡ ਟੀਮ ਦਾ ਐਲਾਨ, ਬੇਟਸ-ਡਿਵਾਈਨ ਦਾ ਆਖਰੀ ਟੂਰਨਾਮੈਂਟ; ਦੋ ਨੌਜਵਾਨ ਖਿਡਾਰਨਾਂ ਕਰਨਗੀਆਂ ਡੈਬਿਊ

ਸਪੋਰਟਸ ਡੈਸਕ: ਆਈਸੀਸੀ ਮਹਿਲਾ ਟੀ-20 ਵਿਸ਼ਵ ਕੱਪ 2026 ਲਈ ਨਿਊਜ਼ੀਲੈਂਡ ਨੇ ਆਪਣੀ 15 ਮੈਂਬਰੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਜੂਨ-ਜੁਲਾਈ ਵਿੱਚ ਹੋਣ ਵਾਲੇ ਇਸ ਵੱਕਾਰੀ ਟੂਰਨਾਮੈਂਟ ਵਿੱਚ ਕੀਵੀ ਟੀਮ ਦੀ ਕਮਾਨ ਅਮੇਲੀਆ ਕੇਰ ਦੇ ਹੱਥਾਂ ਵਿੱਚ ਹੋਵੇਗੀ। ਇਹ ਟੂਰਨਾਮੈਂਟ ਨਿਊਜ਼ੀਲੈਂਡ ਦੀਆਂ ਦਿੱਗਜ ਖਿਡਾਰਨਾਂ ਸੂਜ਼ੀ ਬੇਟਸ ਅਤੇ ਸੋਫੀ ਡਿਵਾਈਨ ਲਈ ਬਹੁਤ ਖ਼ਾਸ ਹੋਣ ਵਾਲਾ ਹੈ, ਕਿਉਂਕਿ ਇਹ ਉਨ੍ਹਾਂ ਦੇ ਕਰੀਅਰ ਦਾ ਆਖਰੀ ਵਿਸ਼ਵ ਕੱਪ ਹੋਵੇਗਾ।

ਦਿੱਗਜਾਂ ਦੀ ਵਿਦਾਈ ਅਤੇ ਨਵੇਂ ਚਿਹਰਿਆਂ ਦੀ ਐਂਟਰੀ

ਨਿਊਜ਼ੀਲੈਂਡ ਕ੍ਰਿਕਟ ਨੇ ਪੁਸ਼ਟੀ ਕੀਤੀ ਹੈ ਕਿ ਸੂਜ਼ੀ ਬੇਟਸ, ਸੋਫੀ ਡਿਵਾਈਨ ਅਤੇ ਲੀਆ ਤਾਹੂਹੂ ਇਸ ਵਿਸ਼ਵ ਕੱਪ ਤੋਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦੇਣਗੀਆਂ। ਕੋਚ ਬੇਨ ਸੌਅਰ ਨੇ ਕਿਹਾ ਕਿ ਇਨ੍ਹਾਂ ਤਿੰਨਾਂ ਦਿੱਗਜਾਂ ਦਾ ਇੱਕੋ ਸਮੇਂ ਸੰਨਿਆਸ ਲੈਣਾ ਇੱਕ ਯੁੱਗ ਦਾ ਅੰਤ ਹੈ।

ਦੂਜੇ ਪਾਸੇ, ਟੀਮ ਵਿੱਚ ਨਵੇਂ ਖੂਨ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਨੈਂਸੀ ਪਟੇਲ ਅਤੇ ਬੱਲੇਬਾਜ਼ ਇਜ਼ੀ ਸ਼ਾਰਪ ਪਹਿਲੀ ਵਾਰ ਕਿਸੇ ਆਈਸੀਸੀ ਟੂਰਨਾਮੈਂਟ ਵਿੱਚ ਨਿਊਜ਼ੀਲੈਂਡ ਦੀ ਨੁਮਾਇੰਦਗੀ ਕਰਨਗੀਆਂ। ਸਪਿਨਰ ਈਡਨ ਕਾਰਸਨ ਕੂਹਣੀ ਦੀ ਸੱਟ ਕਾਰਨ ਟੀਮ ਤੋਂ ਬਾਹਰ ਰਹੀ ਹੈ।

ਵਿਸ਼ਵ ਕੱਪ 2026 ਲਈ ਨਿਊਜ਼ੀਲੈਂਡ ਦੀ 15 ਮੈਂਬਰੀ ਟੀਮ

ਅਮੇਲੀਆ ਕੇਰ (ਕਪਤਾਨ), ਸੂਜ਼ੀ ਬੇਟਸ, ਸੋਫੀ ਡਿਵਾਈਨ, ਫਲੋਰਾ ਡੇਵਨਸ਼ਾਇਰ, ਇਜ਼ੀ ਗੇਜ਼ (ਵਿਕਟਕੀਪਰ), ਮੈਡੀ ਗ੍ਰੀਨ, ਬਰੂਕ ਹੈਲੀਡੇ, ਬ੍ਰੀ ਇਲਿੰਗ, ਪੌਲੀ ਇੰਗਲਿਸ (ਵਿਕਟਕੀਪਰ), ਜੇਸ ਕੇਰ, ਰੋਜ਼ਮੇਰੀ ਮੇਅਰ, ਨੈਂਸੀ ਪਟੇਲ, ਜਾਰਜੀਆ ਪਲਿਮਰ, ਇਜ਼ੀ ਸ਼ਾਰਪ (ਵਿਕਟਕੀਪਰ), ਲੀਆ ਤਾਹੂਹੂ।

ਕੀਵੀ ਟੀਮ ਦਾ ਸ਼ਡਿਊਲ ਤੇ ਗਰੁੱਪ

ਨਿਊਜ਼ੀਲੈਂਡ ਨੂੰ ਗਰੁੱਪ-2 ਵਿੱਚ ਰੱਖਿਆ ਗਿਆ ਹੈ, ਜਿਸ ਵਿੱਚ ਇੰਗਲੈਂਡ, ਸ਼੍ਰੀਲੰਕਾ, ਵੈਸਟਇੰਡੀਜ਼, ਆਇਰਲੈਂਡ ਅਤੇ ਸਕਾਟਲੈਂਡ ਵਰਗੀਆਂ ਟੀਮਾਂ ਸ਼ਾਮਲ ਹਨ।

ਨਿਊਜ਼ੀਲੈਂਡ ਦੇ ਮੁਕਾਬਲੇ

Our 15-strong squad to defend the ICC Women's T20 World Cup title in England and Wales 🏆 #T20WorldCup pic.twitter.com/aR3X26wJMr

— WHITE FERNS (@WHITE_FERNS) April 29, 2026