GT vs KKR: ਕੈਮਰਨ ਗ੍ਰੀਨ ਨੇ ਗੁਜਰਾਤ ਦੇ ਖ਼ਿਲਾਫ਼ ਕਿਉਂ ਨਹੀਂ ਕੀਤੀ ਗੇਂਦਬਾਜ਼ੀ? ਰਹਾਣੇ ਨੇ ਦਿੱਤਾ ਜਵਾਬ

ਗ੍ਰੀਨ ਨੇ ਇਸ ਕਰਕੇ ਨਹੀਂ ਕੀਤੀ ਗੇਂਦਬਾਜ਼ੀ

ਕੋਲਕਾਤਾ ਦੀ ਟੀਮ ਜਦੋਂ ਗੇਂਦਬਾਜ਼ੀ ਕਰ ਰਹੀ ਸੀ ਤਾਂ ਸਾਰਿਆਂ ਦੀਆਂ ਨਜ਼ਰਾਂ ਗ੍ਰੀਨ 'ਤੇ ਸਨ। ਗ੍ਰੀਨ ਨੇ ਗੇਂਦਬਾਜ਼ੀ ਨਹੀਂ ਕੀਤੀ ਜਿਸ ਨਾਲ ਸਾਰੇ ਹੈਰਾਨ ਰਹਿ ਗਏ ਅਤੇ ਮੈਚ ਤੋਂ ਬਾਅਦ ਰਹਾਣੇ ਨੂੰ ਇਸ ਸਬੰਧੀ ਸਵਾਲ ਵੀ ਕੀਤਾ ਗਿਆ। ਰਹਾਣੇ ਨੇ ਕਿਹਾ ਕਿ ਗ੍ਰੀਨ ਨੂੰ ਕ੍ਰੈਂਪਸ (ਮਾਸਪੇਸ਼ੀਆਂ ਵਿੱਚ ਖਿਚਾਅ) ਸਨ, ਇਸ ਲਈ ਉਹ ਬਾਹਰ ਸਨ। ਕੋਲਕਾਤਾ ਦੇ ਕਪਤਾਨ ਨੇ ਕਿਹਾ, "ਉਹ ਕ੍ਰੈਂਪਸ ਤੋਂ ਪਰੇਸ਼ਾਨ ਸਨ। ਇਹੀ ਕਾਰਨ ਸੀ ਕਿ ਉਹ ਮੈਦਾਨ ਦੇ ਅੰਦਰ-ਬਾਹਰ ਹੋ ਰਹੇ ਸਨ।"

ਗਿੱਲ ਅਤੇ ਗੇਂਦਬਾਜ਼ਾਂ ਦੀ ਕੀਤੀ ਸ਼ਲਾਘਾ

ਰਹਾਣੇ ਨੇ ਆਪਣੇ ਗੇਂਦਬਾਜ਼ਾਂ ਦੀ ਮੈਚ ਨੂੰ ਅੰਤ ਤੱਕ ਲੈ ਕੇ ਜਾਣ ਲਈ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਨਾਲ ਹੀ ਗੁਜਰਾਤ ਦੇ ਕਪਤਾਨ ਸ਼ੁਭਮਨ ਗਿੱਲ ਦੀ ਪਾਰੀ ਦੀ ਵੀ ਤਾਰੀਫ਼ ਕੀਤੀ। ਰਹਾਣੇ ਨੇ ਕਿਹਾ, "ਅਸੀਂ ਸ਼ੁਰੂਆਤ ਵਿੱਚ ਦੋ-ਤਿੰਨ ਵਿਕਟਾਂ ਜਲਦੀ ਗੁਆ ਦਿੱਤੀਆਂ ਸਨ। ਗ੍ਰੀਨ ਨੇ ਇਸ ਤੋਂ ਬਾਅਦ ਜਿਸ ਤਰ੍ਹਾਂ ਬੈਟਿੰਗ ਕੀਤੀ ਹੈ, ਉਹ ਸ਼ਾਨਦਾਰ ਹੈ। ਸਾਡੇ ਗੇਂਦਬਾਜ਼ਾਂ ਨੂੰ ਵੀ ਕ੍ਰੈਡਿਟ ਜਾਂਦਾ ਹੈ। ਉਹ ਮੈਚ ਨੂੰ ਆਖਰੀ ਓਵਰਾਂ ਤੱਕ ਲੈ ਗਏ। ਗਿੱਲ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ। ਅੱਜ ਤ੍ਰੇਲ ਵੀ ਸੀ, ਪਰ ਹਾਰ ਲਈ ਕੋਈ ਬਹਾਨਾ ਨਹੀਂ ਚੱਲੇਗਾ।"