T20 World Cup 2026 : ਸਾਊਥ ਅਫਰੀਕਾ ਚਾਹੁੰਦਾ ਤਾਂ ਭਾਰਤੀ ਟੀਮ ਨਹੀਂ ਪਹੁੰਚਦੀ ਸੈਮੀਫਾਈਨਲ 'ਚ ! ਸੁਪਰ-8 ਵਿਚ ਹੀ ਹੋ ਸਕਦੀ ਸੀ ਖੇਡ
South Africa ਚਾਹੁੰਦਾ ਤਾਂ ਭਾਰਤੀ ਟੀਮ ਦੀ ਸੈਮੀਫਾਈਨਲ ਦੀ ਰਾਹ ਮੁਸ਼ਕਲ ਕਰ ਸਕਦਾ ਸੀ। ਸਾਊਥ ਅਫਰੀਕਾ ਨੇ ਆਪਣੇ ਪਹਿਲੇ ਮੈਚ ਵਿੱਚ ਭਾਰਤ ਨੂੰ ਹਰਾਇਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦਾ ਸਾਹਮਣਾ ਵੈਸਟਇੰਡੀਜ਼ ਨਾਲ ਹੋਇਆ ਸੀ।
Posted By Seema Anand
Publish Date: Fri, 13 Mar 2026 02:51 PM (IST)
Updated Date: Fri, 13 Mar 2026 02:55 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਟੀ-20 ਵਰਲਡ ਕੱਪ 2026 (T 20 World Cup 2026) ਦੇ ਫਾਈਨਲ 'ਚ ਐਤਵਾਰ, 8 ਮਾਰਚ ਨੂੰ ਭਾਰਤੀ ਟੀਮ ਨੇ ਇਤਿਹਾਸ ਰਚ ਦਿੱਤਾ। ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਭਾਰਤ ਨੇ ਨਿਊਜ਼ੀਲੈਂਡ ਨੂੰ 96 ਦੌੜਾਂ ਨਾਲ ਹਰਾਇਆ ਅਤੇ ਤੀਜੀ ਵਾਰ ਟਰਾਫੀ ਜਿੱਤੀ। ਇਸ ਜਿੱਤ ਤੋਂ ਬਾਅਦ ਭਾਰਤ ਨੂੰ ਹਰ ਪਾਸਿਓਂ ਵਧਾਈਆਂ ਮਿਲ ਰਹੀਆਂ ਹਨ। ਇਸ ਦੌਰਾਨ ਇੰਗਲੈਂਡ ਦੇ ਸਾਬਕਾ ਕਪਤਾਨ ਮਾਈਕਲ ਵਾਨ ਨੇ ਸਾਊਥ ਅਫਰੀਕਾ 'ਤੇ ਆਪਣੀ ਭੜਾਸ ਕੱਢੀ ਹੈ। ਵਾਨ ਨੇ ਕਿਹਾ ਕਿ ਸਾਊਥ ਅਫਰੀਕਾ ਦੀ ਵਜ੍ਹਾ ਕਰਕੇ ਭਾਰਤੀ ਟੀਮ ਚੈਂਪੀਅਨ ਬਣੀ ਹੈ।
ਸਭ ਤੋਂ ਬੇਵਕੂਫ ਟੀਮ
ਵਾਨ ਨੇ ਕਿਹਾ, "ਟੀ-20 ਵਿਸ਼ਵ ਕੱਪ 2026 ਦੀ ਸਭ ਤੋਂ ਬੇਵਕੂਫ ਟੀਮ ਕੌਣ ਹੋਵੇਗੀ? ਸਾਊਥ ਅਫਰੀਕਾ। ਜੇਕਰ ਉਨ੍ਹਾਂ ਸੁਪਰ-8 ਦੇ ਆਪਣੇ ਦੂਜੇ ਮੈਚ ਵਿੱਚ ਵੈਸਟਇੰਡੀਜ਼ ਨੂੰ ਨਾ ਹਰਾਇਆ ਹੁੰਦਾ, ਤਾਂ ਭਾਰਤ ਲਈ ਸੈਮੀਫਾਈਨਲ ਵਿੱਚ ਪਹੁੰਚਣਾ ਮੁਸ਼ਕਲ ਹੋ ਜਾਂਦਾ। ਸ਼ਾਇਦ ਟੀਮ ਇੰਡੀਆ ਵਿਸ਼ਵ ਕੱਪ ਤੋਂ ਹੀ ਬਾਹਰ ਹੋ ਜਾਂਦੀ। ਮੇਰੇ ਕਹਿਣ ਦਾ ਮਤਲਬ ਹੈ ਕਿ ਜੇਕਰ ਉਨ੍ਹਾਂ ਨੇ ਵੈਸਟਇੰਡੀਜ਼ ਨੂੰ ਜਿੱਤਣ ਦਿੱਤਾ ਹੁੰਦਾ, ਤਾਂ ਭਾਰਤ ਦੀ ਵਧਦੀ ਤਾਕਤ ਰੁਕ ਜਾਂਦੀ। ਉਸ ਮੈਚ ਨੂੰ ਜਿੱਤ ਕੇ ਉਨ੍ਹਾਂ ਨੇ ਭਾਰਤ ਨੂੰ ਮੌਕਾ ਦਿੱਤਾ।"
ਭਾਰਤ ਦੀ ਟੈਨਸ਼ਨ ਵੱਧ ਸਕਦੀ ਸੀ
ਦਰਅਸਲ, ਸਾਊਥ ਅਫਰੀਕਾ ਚਾਹੁੰਦਾ ਤਾਂ ਭਾਰਤੀ ਟੀਮ ਦੀ ਸੈਮੀਫਾਈਨਲ ਦੀ ਰਾਹ ਮੁਸ਼ਕਲ ਕਰ ਸਕਦਾ ਸੀ। ਸਾਊਥ ਅਫਰੀਕਾ ਨੇ ਆਪਣੇ ਪਹਿਲੇ ਮੈਚ 'ਚ ਭਾਰਤ ਨੂੰ ਹਰਾਇਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦਾ ਸਾਹਮਣਾ ਵੈਸਟਇੰਡੀਜ਼ ਨਾਲ ਹੋਇਆ ਸੀ। ਵੈਸਟਇੰਡੀਜ਼ ਆਪਣੇ ਪਹਿਲੇ ਮੈਚ ਵਿਚ ਜ਼ਿੰਬਾਬਵੇ ਨੂੰ ਮਾਤ ਦੇ ਚੁੱਕਾ ਸੀ। ਜੇਕਰ ਸਾਊਥ ਅਫਰੀਕਾ ਸੁਪਰ-8 ਦੇ ਆਪਣੇ ਦੂਜੇ ਮੈਚ 'ਚ ਵਿੰਡੀਜ਼ ਟੀਮ ਤੋਂ ਹਾਰ ਜਾਂਦਾ ਤਾਂ ਉਨ੍ਹਾਂ ਦੇ 2 ਅਤੇ ਵੈਸਟਇੰਡੀਜ਼ ਦੇ 4 ਪੁਆਇੰਟ ਹੁੰਦੇ।
ਜ਼ਿੰਬਾਬਵੇ ਨੂੰ ਹਰਾਉਣਾ ਹੁੰਦਾ
ਸਾਊਥ ਅਫਰੀਕਾ ਨੇ ਸੁਪਰ-8 ਦੇ ਆਖਰੀ ਮੈਚ ਵਿਚ ਜ਼ਿੰਬਾਬਵੇ ਨਾਲ ਟਕਰਾਉਣਾ ਸੀ। ਅਜਿਹੇ ਵਿੱਚ ਉਹ ਜ਼ਿੰਬਾਬਵੇ ਨੂੰ ਹਰਾ ਕੇ 4 ਅੰਕ ਕਰ ਸਕਦੇ ਸਨ। ਸਾਊਥ ਅਫਰੀਕਾ ਨੇ ਜ਼ਿੰਬਾਬਵੇ ਨੂੰ 5 ਵਿਕਟਾਂ ਨਾਲ ਹਰਾਇਆ ਵੀ ਸੀ। ਭਾਰਤੀ ਟੀਮ ਨੇ ਸੁਪਰ-8 ਦੇ ਪਹਿਲੇ ਮੈਚ ਵਿਚ ਹਾਰਨ ਤੋਂ ਬਾਅਦ ਜ਼ੋਰਦਾਰ ਵਾਪਸੀ ਕੀਤੀ ਅਤੇ ਅਗਲੇ ਦੋਵੇਂ ਮੁਕਾਬਲੇ ਜਿੱਤੇ। ਟੀਮ ਇੰਡੀਆ ਨੇ ਜ਼ਿੰਬਾਬਵੇ ਅਤੇ ਵੈਸਟਇੰਡੀਜ਼ ਨੂੰ ਹਰਾਇਆ। ਜੇਕਰ ਸਾਊਥ ਅਫਰੀਕਾ ਵੈਸਟਇੰਡੀਜ਼ ਤੋਂ ਹਾਰ ਜਾਂਦਾ ਤਾਂ ਇਸ ਹਾਲਤ ਵਿੱਚ ਤਿੰਨੋਂ ਟੀਮਾਂ ਦੇ 4-4 ਅੰਕ ਹੁੰਦੇ। ਜੇਕਰ ਭਾਰਤ ਦਾ ਨੈੱਟ ਰਨ ਰੇਟ ਸਾਊਥ ਅਫਰੀਕਾ ਅਤੇ ਵੈਸਟਇੰਡੀਜ਼ ਤੋਂ ਘੱਟ ਹੁੰਦਾ ਤਾਂ ਇਹ ਟੀਮ ਸੈਮੀਫਾਈਨਲ ਦੀ ਰੇਸ ਤੋਂ ਬਾਹਰ ਹੋ ਜਾਂਦੀ।
ਨੈੱਟ ਰਨ ਰੇਟ ਹੁੰਦਾ ਅਹਿਮ
ਹਾਲਾਂਕਿ, ਸਾਊਥ ਅਫਰੀਕਾ ਨੈੱਟ ਰਨ ਰੇਟ ਦੇ ਜਾਲ 'ਚ ਨਹੀਂ ਫਸਣਾ ਚਾਹੁੰਦਾ ਸੀ। ਇੰਨਾ ਹੀ ਨਹੀਂ, ਜ਼ਿੰਬਾਬਵੇ ਨੇ ਵੀ ਵਿਸ਼ਵ ਕੱਪ 'ਚ ਵੱਡਾ ਉਲਟਫੇਰ ਕੀਤਾ ਸੀ। ਜ਼ਿੰਬਾਬਵੇ ਨੇ ਗਰੁੱਪ ਸਟੇਜ 'ਚ ਹਾਰ ਦਾ ਮੂੰਹ ਨਹੀਂ ਦੇਖਿਆ ਸੀ। ਇਸ ਟੀਮ ਨੇ ਆਸਟ੍ਰੇਲੀਆ ਤੇ ਮੇਜ਼ਬਾਨ ਸ੍ਰੀਲੰਕਾ ਨੂੰ ਮਾਤ ਦਿੱਤੀ ਸੀ। ਅਜਿਹੇ ਵਿੱਚ ਸਾਊਥ ਅਫਰੀਕਾ ਟੀਮ ਸੁਪਰ-8 ਵਿੱਚ ਰਿਸਕ ਨਹੀਂ ਲੈ ਸਕਦੀ ਸੀ। ਏਡਨ ਮਾਰਕਰਮ ਦੀ ਕਪਤਾਨੀ ਵਾਲੀ ਟੀਮ ਤਿੰਨੋਂ ਮੈਚ ਜਿੱਤ ਕੇ ਸੈਮੀਫਾਈਨਲ ਵਿੱਚ ਪਹੁੰਚੀ, ਜਿੱਥੇ ਉਨ੍ਹਾਂ ਨੂੰ ਨਿਊਜ਼ੀਲੈਂਡ ਦੇ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਵੈਸਟਇੰਡੀਜ਼ ਦੀ ਹਾਰ ਤੋਂ ਬਾਅਦ ਪੁਆਇੰਟਸ ਟੇਬਲ
