PSL 'ਚ ਸ਼ਾਹੀਨ ਅਫ਼ਰੀਦੀ ਦਾ ਮਾੜਾ ਵਿਵਹਾਰ, ਆਊਟ ਹੋਣ ਮਗਰੋਂ ਵਾਰ-ਵਾਰ ਪਟਕਿਆ ਬੱਲਾ; ਸੋਸ਼ਲ ਮੀਡੀਆ 'ਤੇ ਹੋ ਰਹੀ ਭਾਰੀ ਨਿੰਦਾ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਪਾਕਿਸਤਾਨ ਸੁਪਰ ਲੀਗ (PSL) ਵਿੱਚ ਲਾਹੌਰ ਕਲੰਦਰਜ਼ ਦੀ ਕਪਤਾਨੀ ਕਰ ਰਹੇ ਸਟਾਰ ਗੇਂਦਬਾਜ਼ ਸ਼ਾਹੀਨ ਸ਼ਾਹ ਅਫ਼ਰੀਦੀ ਆਪਣੇ ਗੁੱਸੇ ਕਾਰਨ ਵਿਵਾਦਾਂ ਵਿੱਚ ਘਿਰ ਗਏ ਹਨ। ਕਵੇਟਾ ਗਲੈਡੀਏਟਰਜ਼ ਵਿਰੁੱਧ ਖੇਡੇ ਗਏ ਮੈਚ ਵਿੱਚ ਆਊਟ ਹੋਣ ਤੋਂ ਬਾਅਦ ਸ਼ਾਹੀਨ ਵੱਲੋਂ ਕੀਤੀ ਗਈ ਬਦਤਮੀਜ਼ੀ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਕਾਰਨ ਕ੍ਰਿਕਟ ਪ੍ਰਸ਼ੰਸਕ ਉਨ੍ਹਾਂ ਦੀ ਜੰਮ ਕੇ ਆਲੋਚਨਾ ਕਰ ਰਹੇ ਹਨ।

ਕੀ ਹੈ ਪੂਰਾ ਮਾਮਲਾ

ਕਰਾਚੀ ਵਿੱਚ ਖੇਡੇ ਗਏ ਇਸ ਮੈਚ ਵਿੱਚ ਲਾਹੌਰ ਕਲੰਦਰਜ਼ ਨੂੰ 6 ਵਿਕਟਾਂ ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪਰ ਟੀਮ ਦੀ ਹਾਰ ਤੋਂ ਵੱਧ ਚਰਚਾ ਕਪਤਾਨ ਸ਼ਾਹੀਨ ਅਫ਼ਰੀਦੀ ਦੇ ਵਿਵਹਾਰ ਦੀ ਹੋ ਰਹੀ ਹੈ। ਲਾਹੌਰ ਦੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 19.5 ਓਵਰਾਂ ਵਿੱਚ ਸਿਰਫ਼ 134 ਦੌੜਾਂ 'ਤੇ ਹੀ ਸਿਮਟ ਗਈ।

ਗੁੱਸੇ 'ਚ ਆਪਾ ਖੋ ਬੈਠੇ ਸ਼ਾਹੀਨ

ਜਦੋਂ ਸ਼ਾਹੀਨ ਬੱਲੇਬਾਜ਼ੀ ਕਰਨ ਆਏ ਤਾਂ ਟੀਮ ਕਾਫੀ ਦਬਾਅ ਵਿੱਚ ਸੀ। ਸ਼ਾਹੀਨ ਆਪਣੇ ਲੰਬੇ ਛੱਕਿਆਂ ਲਈ ਜਾਣੇ ਜਾਂਦੇ ਹਨ, ਪਰ ਇਸ ਮੈਚ ਵਿੱਚ ਉਹ ਉਸਮਾਨ ਤਾਰਿਕ ਦੀ ਪਹਿਲੀ ਹੀ ਗੇਂਦ 'ਤੇ ਆਊਟ ਹੋ ਗਏ।

Shaheen Shah Afridi broke his bat after getting out for duck 🦆. #LHQVQTG pic.twitter.com/DYzLMCFe9f

— Nibraz Ramzan (@nibraz88cricket) April 17, 2026

ਆਊਟ ਹੋਣ ਤੋਂ ਬਾਅਦ ਸ਼ਾਹੀਨ ਇੰਨੇ ਗੁੱਸੇ ਵਿੱਚ ਆ ਗਏ ਕਿ ਉਨ੍ਹਾਂ ਨੇ ਪਵੇਲੀਅਨ ਪਰਤਦੇ ਸਮੇਂ ਜ਼ਮੀਨ ਅਤੇ ਬਾਊਂਡਰੀ ਰੋਪ (ਰੱਸੀ) 'ਤੇ ਜ਼ੋਰ-ਜ਼ੋਰ ਨਾਲ ਬੱਲਾ ਮਾਰਿਆ।

ਇੰਨਾ ਹੀ ਨਹੀਂ, ਡਰੈਸਿੰਗ ਰੂਮ ਦੀਆਂ ਸੀੜ੍ਹੀਆਂ ਚੜ੍ਹਦੇ ਹੋਏ ਵੀ ਉਹ ਵਾਰ-ਵਾਰ ਬੱਲਾ ਪਟਕਦੇ ਹੋਏ ਨਜ਼ਰ ਆਏ।

ਗੇਂਦਬਾਜ਼ੀ 'ਚ ਵੀ ਰਹੇ ਨਾਕਾਮ

ਸ਼ਾਹੀਨ ਅਫ਼ਰੀਦੀ ਨਾ ਸਿਰਫ਼ ਬੱਲੇਬਾਜ਼ੀ ਸਗੋਂ ਗੇਂਦਬਾਜ਼ੀ ਵਿੱਚ ਵੀ ਕੋਈ ਕਮਾਲ ਨਹੀਂ ਦਿਖਾ ਸਕੇ। ਕਵੇਟਾ ਦੇ ਬੱਲੇਬਾਜ਼ ਰਾਈਲੀ ਰੂਸੋ (60 ਦੌੜਾਂ) ਅਤੇ ਹਸਨ ਨਵਾਜ਼ (49 ਦੌੜਾਂ) ਨੇ ਸ਼ਾਹੀਨ ਦੀ ਗੇਂਦਬਾਜ਼ੀ ਦਾ ਡਟ ਕੇ ਸਾਹਮਣਾ ਕੀਤਾ ਅਤੇ 104 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਲਾਹੌਰ ਦੇ ਹੱਥੋਂ ਮੈਚ ਖੋਹ ਲਿਆ।

ਪ੍ਰਸ਼ੰਸਕਾਂ ਦਾ ਕਹਿਣਾ ਹੈ ਕਿ ਇੱਕ ਕਪਤਾਨ ਨੂੰ ਅਜਿਹਾ ਵਿਵਹਾਰ ਸ਼ੋਭਾ ਨਹੀਂ ਦਿੰਦਾ ਅਤੇ ਮੈਦਾਨ 'ਤੇ ਅਨੁਸ਼ਾਸਨ ਬਣਾਈ ਰੱਖਣਾ ਬਹੁਤ ਜ਼ਰੂਰੀ ਹੈ।