'ਸਿਖਰ ਤੋਂ ਪਹਿਲਾਂ ਸੰਸਕਾਰ...', ਵੈਭਵ ਸੂਰਿਆਵੰਸ਼ੀ ਦਾ 'ਗਾਵਸਕਰ' ਮੋਮੈਂਟ ਵਾਇਰਲ; ਅਸ਼ਵਿਨ ਵੀ ਹੋਏ ਫੈਨ- VIDEO
15 ਸਾਲ ਦੇ ਵੈਭਵ ਸੂਰਿਆਵੰਸ਼ੀ ਨੇ ਆਈ.ਪੀ.ਐੱਲ. 2026 ਵਿੱਚ ਹੁਣ ਤੱਕ 680 ਦੌੜਾਂ ਬਣਾ ਲਈਆਂ ਹਨ। ਐਲੀਮੀਨੇਟਰ ਮੈਚ ਤੋਂ ਪਹਿਲਾਂ ਦੇ ਇੱਕ ਵੀਡੀਓ ਵਿੱਚ ਜਦੋਂ ਵੈਭਵ ਪ੍ਰੀ-ਮੈਚ ਸ਼ੋਅ ਦੌਰਾਨ ਸੁਨੀਲ ਗਾਵਸਕਰ ਅਤੇ ਸੰਜੇ ਬਾਂਗੜ ਨੂੰ ਮਿਲਿਆ ਤਾਂ ਉਸਨੇ ਤੁਰੰਤ ਦੌੜ ਕੇ ਉਨ੍ਹਾਂ ਦੇ ਪੈਰ ਛੂਹੇ
Posted By alisha
Publish Date: Thu, 28 May 2026 01:50 PM (IST)
Updated Date: Thu, 28 May 2026 01:57 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਵੈਭਵ ਸੂਰਿਆਵੰਸ਼ੀ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਖ਼ਿਲਾਫ਼ ਆਈ.ਪੀ.ਐੱਲ. 2026 ਦੇ ਐਲੀਮੀਨੇਟਰ ਮੈਚ ਵਿੱਚ ਆਪਣੀ 97 ਦੌੜਾਂ ਦੀ ਤੂਫ਼ਾਨੀ ਪਾਰੀ ਨਾਲ ਹਰ ਕਿਸੇ ਦਾ ਦਿਲ ਜਿੱਤ ਲਿਆ ਹੈ। ਕਮੈਂਟੇਟਰ, ਮਾਹਿਰ ਅਤੇ ਪ੍ਰਸ਼ੰਸਕ ਉਸ ਦੀ ਤਾਰੀਫ਼ ਕਰਦੇ ਨਹੀਂ ਥੱਕ ਰਹੇ। ਕ੍ਰਿਕਟ ਦੇ ਭਗਵਾਨ ਕਹੇ ਜਾਣ ਵਾਲੇ ਸਚਿਨ ਤੇਂਦੁਲਕਰ ਨੇ ਵੀ ਵੈਭਵ ਦੀ ਸ਼ਲਾਘਾ ਕਰਦਿਆਂ ਇਸ ਪਾਰੀ ਨੂੰ ਲਾਜਵਾਬ ਦੱਸਿਆ ਹੈ। ਇਸ ਦੌਰਾਨ ਸੋਸ਼ਲ ਮੀਡੀਆ 'ਤੇ ਮੈਚ ਤੋਂ ਪਹਿਲਾਂ ਦਾ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੇ ਸੁਨੀਲ ਗਾਵਸਕਰ ਦਾ ਦਿਲ ਵੀ ਜਿੱਤ ਲਿਆ।
ਵੈਭਵ ਨੇ ਗਾਵਸਕਰ ਤੇ ਬਾਂਗੜ ਦੇ ਪੈਰੀਂ ਹੱਥ ਲਾਇਆ
15 ਸਾਲ ਦੇ ਵੈਭਵ ਸੂਰਿਆਵੰਸ਼ੀ ਨੇ ਆਈ.ਪੀ.ਐੱਲ. 2026 ਵਿੱਚ ਹੁਣ ਤੱਕ 680 ਦੌੜਾਂ ਬਣਾ ਲਈਆਂ ਹਨ। ਐਲੀਮੀਨੇਟਰ ਮੈਚ ਤੋਂ ਪਹਿਲਾਂ ਦੇ ਇੱਕ ਵੀਡੀਓ ਵਿੱਚ ਜਦੋਂ ਵੈਭਵ ਪ੍ਰੀ-ਮੈਚ ਸ਼ੋਅ ਦੌਰਾਨ ਸੁਨੀਲ ਗਾਵਸਕਰ ਅਤੇ ਸੰਜੇ ਬਾਂਗੜ ਨੂੰ ਮਿਲਿਆ ਤਾਂ ਉਸਨੇ ਤੁਰੰਤ ਦੌੜ ਕੇ ਉਨ੍ਹਾਂ ਦੇ ਪੈਰ ਛੂਹੇ। ਉੱਥੇ ਮੌਜੂਦ ਪੇਸ਼ਕਾਰ ਜਤਿਨ ਸਪਰੂ, ਜੋ ਵੈਭਵ ਤੋਂ ਕਾਫ਼ੀ ਵੱਡੇ ਹਨ, ਦੇ ਵੀ ਵੈਭਵ ਨੇ ਪੈਰ ਛੂਹਣ ਦੀ ਕੋਸ਼ਿਸ਼ ਕੀਤੀ ਪਰ ਜਤਿਨ ਪਿੱਛੇ ਹਟ ਗਏ। ਪ੍ਰਸ਼ੰਸਕਾਂ ਨੂੰ ਵੈਭਵ ਦੇ ਇਹ ਸੰਸਕਾਰ ਖ਼ੂਬ ਪਸੰਦ ਆ ਰਹੇ ਹਨ।
ਰਵੀਚੰਦਰਨ ਅਸ਼ਵਿਨ ਵੀ ਹੋਏ ਮੁਰੀਦ
ਭਾਰਤੀ ਟੀਮ ਦੇ ਤਜ਼ਰਬੇਕਾਰ ਸਪਿਨਰ ਆਰ. ਅਸ਼ਵਿਨ ਨੇ ਆਪਣੇ ਯੂਟਿਊਬ ਚੈਨਲ 'ਤੇ ਵੈਭਵ ਦੀ ਖ਼ੂਬ ਤਾਰੀਫ਼ ਕੀਤੀ ਅਤੇ ਕਿਹਾ, "ਇਮਾਨਦਾਰੀ ਨਾਲ ਕਹਾਂ ਤਾਂ ਵੈਭਵ ਸੂਰਿਆਵੰਸ਼ੀ ਇੱਕ ਅਦਭੁਤ ਖਿਡਾਰੀ ਹੈ। ਮੈਂ ਸਚਿਨ ਤੇਂਦੁਲਕਰ ਨੂੰ ਉਨ੍ਹਾਂ ਦੇ ਸ਼ੁਰੂਆਤੀ ਦਿਨਾਂ ਵਿੱਚ ਖੇਡਦੇ ਨਹੀਂ ਦੇਖਿਆ ਪਰ ਉਨ੍ਹਾਂ ਦੇ ਸਫ਼ਰ ਬਾਰੇ ਸੁਣਿਆ ਹੈ। ਹੁਣ ਮੈਨੂੰ ਲੱਗ ਰਿਹਾ ਹੈ ਕਿ ਮੈਂ ਵੈਭਵ ਦੇ ਰੂਪ ਵਿੱਚ ਬਿਲਕੁਲ ਸਚਿਨ ਵਰਗਾ ਸਫ਼ਰ ਅੱਖਾਂ ਸਾਹਮਣੇ ਦੇਖ ਰਿਹਾ ਹਾਂ। ਯਕੀਨ ਨਹੀਂ ਹੁੰਦਾ ਕਿ ਸਿਰਫ਼ 15 ਸਾਲ ਦੀ ਉਮਰ ਵਿੱਚ ਉਸਨੇ ਕ੍ਰਿਸ ਗੇਲ ਵਰਗੇ ਖਿਡਾਰੀ ਦਾ ਰਿਕਾਰਡ ਤੋੜ ਦਿੱਤਾ। ਅੰਡਰ-19 ਵਰਲਡ ਕੱਪ ਵਿੱਚ ਇੰਗਲੈਂਡ ਖ਼ਿਲਾਫ਼ 175 ਦੌੜਾਂ ਠੋਕਣ ਵਾਲਾ ਇਹ ਖਿਡਾਰੀ ਸੱਚਮੁੱਚ ਇੱਕ ਜੀਨੀਅਸ ਹੈ।"
VAIBHAV SURYAVANSHI TOUCHED SUNIL GAVASKAR & SANJAY BANGER'S FEET BEFORE THE MATCH TODAY. ♥️🥹 (India Today).pic.twitter.com/PhfYVAuxpP
— Tanuj (@ImTanujSingh) May 27, 2026
ਰਾਜਸਥਾਨ ਰਾਇਲਜ਼ ਨੇ ਕੁਆਲੀਫਾਇਰ-2 'ਚ ਬਣਾਈ ਜਗ੍ਹਾ
ਟਾਸ ਹਾਰ ਕੇ ਪਹਿਲਾਂ ਬੈਟਿੰਗ ਕਰਨ ਉਤਰੀ ਰਾਜਸਥਾਨ ਰਾਇਲਜ਼ ਨੇ ਵੈਭਵ ਦੀਆਂ 97 ਦੌੜਾਂ ਦੀ ਬਦੌਲਤ ਬੋਰਡ 'ਤੇ 243 ਦੌੜਾਂ ਲਗਾਈਆਂ। ਵੈਭਵ ਦੇ ਆਊਟ ਹੋਣ ਤੋਂ ਬਾਅਦ ਸਿਰਫ਼ ਧਰੁਵ ਜੁਰੇਲ ਹੀ ਅਰਧ-ਸੈਂਕੜਾ ਲਗਾ ਸਕੇ। ਜਵਾਬ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਟੀਮ ਦਾ ਟਾਪ ਆਰਡਰ ਫ਼ਲਾਪ ਰਿਹਾ ਅਤੇ ਪੂਰੀ ਟੀਮ 196 ਦੌੜਾਂ 'ਤੇ ਸਿਮਟ ਗਈ।
ਹੁਣ ਕੁਆਲੀਫਾਇਰ-2 ਵਿੱਚ ਰਾਜਸਥਾਨ ਰਾਇਲਜ਼ ਦਾ ਸਾਹਮਣਾ 29 ਮਈ ਨੂੰ ਨਿਊ ਚੰਡੀਗੜ੍ਹ ਵਿਖੇ ਗੁਜਰਾਤ ਟਾਈਟਨਸ ਨਾਲ ਹੋਵੇਗਾ। ਇਸ ਮੈਚ ਦੀ ਜੇਤੂ ਟੀਮ 31 ਮਈ ਨੂੰ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਨਾਲ ਫਾਈਨਲ ਮੁਕਾਬਲਾ ਖੇਡੇਗੀ।