'ਮੈਨੂੰ ਉਨ੍ਹਾਂ ਲਈ ਬੁਰਾ ਲੱਗਿਆ...', ਵਿਰਾਟ ਕੋਹਲੀ ਦੇ ਫੋਟੋ ਲਾਈਕ ਤੇ ਅਨਲਾਈਕ ਕਰਨ 'ਤੇ ਜਰਮਨ ਇੰਫਲੂਐਂਸਰ LizLaz ਨੇ ਦਿੱਤਾ ਰਿਐਕਸ਼ਨ

ਵਿਰਾਟ ਲਈ ਬੁਰਾ ਮਹਿਸੂਸ ਕਰ ਰਹੀ ਹੈ LizLaz

ਸਿਰਫ਼ ਇਹੀ ਨਹੀਂ, LizLaz ਨੂੰ ਵਿਰਾਟ ਲਈ ਕਾਫ਼ੀ ਬੁਰਾ ਵੀ ਮਹਿਸੂਸ ਹੋ ਰਿਹਾ ਹੈ। ਜਦੋਂ ਇੰਫਲੂਐਂਸਰ ਤੋਂ ਪੁੱਛਿਆ ਗਿਆ ਕਿ ਕੀ ਫੋਟੋ 'ਅਨਲਾਈਕ' ਹੋਣ 'ਤੇ ਉਨ੍ਹਾਂ ਨੂੰ ਬੁਰਾ ਲੱਗਿਆ, ਤਾਂ ਉਨ੍ਹਾਂ ਨੇ ਕਿਹਾ,

"ਨਹੀਂ, ਸੱਚ ਕਹਾਂ ਤਾਂ ਮੈਨੂੰ ਉਨ੍ਹਾਂ ਲਈ ਥੋੜ੍ਹਾ ਬੁਰਾ ਲੱਗਿਆ। ਮੈਨੂੰ ਬਹੁਤ ਖੁਸ਼ੀ ਹੋਈ ਸੀ ਕਿ ਉਨ੍ਹਾਂ ਨੇ ਫੋਟੋ ਲਾਈਕ ਕੀਤੀ, ਪਰ ਫਿਰ ਜਦੋਂ ਉਨ੍ਹਾਂ ਨੇ ਉਸ ਨੂੰ ਅਨਲਾਈਕ ਕਰ ਦਿੱਤਾ ਤਾਂ ਮੈਨੂੰ ਉਨ੍ਹਾਂ ਲਈ ਥੋੜ੍ਹਾ ਬੁਰਾ ਲੱਗਿਆ, ਕਿਉਂਕਿ ਮੈਨੂੰ ਤਾਂ ਇਹ ਵੀ ਨਹੀਂ ਪਤਾ ਕਿ ਇਹ ਇੰਨੀ ਵੱਡੀ ਖ਼ਬਰ ਕਿਵੇਂ ਬਣ ਗਈ। ਲੋਕਾਂ ਨੇ ਇਸ ਨੂੰ ਕਿਵੇਂ ਨੋਟਿਸ ਕੀਤਾ ਅਤੇ ਖ਼ਬਰ ਬਣਾ ਦਿੱਤਾ। ਸ਼ਾਇਦ ਉਨ੍ਹਾਂ ਦਾ ਅਜਿਹਾ ਕੋਈ ਇਰਾਦਾ ਨਹੀਂ ਸੀ, ਪਰ ਫਿਰ ਵੀ ਮੈਂ ਇਸ ਲਈ ਸ਼ੁਕਰਗੁਜ਼ਾਰ ਹਾਂ ਅਤੇ ਉਨ੍ਹਾਂ ਤੋਂ ਮਿਲੇ ਸਮਰਥਨ ਦੀ ਸ਼ਲਾਘਾ ਕਰਦੀ ਹਾਂ।"

RCB ਦੀ ਫੈਨ ਹੈ LizLaz

LizLaz ਨੇ ਦੱਸਿਆ ਕਿ ਉਹ ਵਿਰਾਟ ਕੋਹਲੀ ਦੀ ਬਹੁਤ ਵੱਡੀ ਪ੍ਰਸ਼ੰਸਕ ਹੈ। ਜਰਮਨੀ ਵਿੱਚ ਉਨ੍ਹਾਂ ਨੂੰ ਕ੍ਰਿਕਟ ਬਾਰੇ ਕੁਝ ਨਹੀਂ ਪਤਾ ਸੀ, ਪਰ ਜਦੋਂ ਉਹ ਇੰਡੀਆ ਟੂਰ 'ਤੇ ਆਈ ਸੀ ਤਾਂ ਉਹ ਬੈਂਗਲੁਰੂ ਵਿੱਚ ਰਹੀ ਸੀ। ਉੱਥੇ ਉਨ੍ਹਾਂ ਦੇ ਦੋਸਤ ਬਣੇ ਅਤੇ ਫਿਰ ਕ੍ਰਿਕਟ ਦੇਖਣਾ ਸ਼ੁਰੂ ਕੀਤਾ। ਉਹ ਆਪਣੇ ਦੋਸਤਾਂ ਵਾਂਗ ਰੋਇਲ ਚੈਲੰਜਰਜ਼ ਬੈਂਗਲੁਰੂ ਨੂੰ ਸਪੋਰਟ ਕਰਦੀ ਹੈ।