GT vs RR: ਹਾਰ ਤੋਂ ਬਾਅਦ ਟੁੱਟ ਗਏ ਵੈਭਵ ਸੂਰਿਆਵੰਸ਼ੀ, ਟੋਪੀ ਨਾਲ ਸਿਰ ਛੁਪਾ ਕੇ ਖੂਬ ਰੋਏ; ਭਾਵੁਕ ਕਰ ਦੇਵੇਗੀ ਇਹ Video
ਇਸ ਦੇ ਨਾਲ ਹੀ ਰਾਜਸਥਾਨ ਦਾ ਦੂਜਾ ਖਿਤਾਬ ਜਿੱਤਣ ਦਾ ਸੁਪਨਾ ਟੁੱਟ ਗਿਆ। ਰਾਜਸਥਾਨ ਨੇ ਹੁਣ ਤੱਕ ਆਪਣਾ ਇਕਲੌਤਾ ਆਈ.ਪੀ.ਐੱਲ. ਸਾਲ 2008 ਵਿੱਚ ਜਿੱਤਿਆ ਸੀ, ਜਦੋਂ ਇਹ ਲੀਗ ਸ਼ੁਰੂ ਹੋਈ ਸੀ। ਵੈਭਵ ਪਿਛਲੇ ਸਾਲ ਤੋਂ ਇਸ ਟੀਮ ਵਿੱਚ ਖੇਡ ਰਹੇ ਹਨ। ਇਸ ਸੀਜ਼ਨ ਵਿੱਚ ਉਨ੍ਹਾਂ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ ਟੀਮ ਨੂੰ ਇੱਥੋਂ ਤੱਕ ਪਹੁੰਚਾਇਆ। ਗੁਜਰਾਤ ਖ਼ਿਲਾਫ਼ ਵੀ ਉਨ੍ਹਾਂ ਦਾ ਬੱਲਾ ਚੱਲਿਆ ਪਰ ਕਿਸਮਤ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ।
Posted By alisha
Publish Date: Sat, 30 May 2026 10:28 AM (IST)
Updated Date: Sat, 30 May 2026 10:34 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਜਿਸ ਚੀਜ਼ ਲਈ ਤੁਸੀਂ ਆਪਣੀ ਪੂਰੀ ਜਾਨ ਲਗਾ ਦਿਓ ਅਤੇ ਉਹ ਨਾ ਮਿਲੇ ਤਾਂ ਰੋਣਾ ਆ ਹੀ ਜਾਂਦਾ ਹੈ। ਇਨਸਾਨ ਭਾਵੁਕ ਹੋ ਹੀ ਜਾਂਦਾ ਹੈ। ਕੁਝ ਅਜਿਹਾ ਹੀ ਹਾਲ ਹੋਇਆ 15 ਸਾਲ ਦੇ ਨੌਜਵਾਨ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਦਾ ਜਦੋਂ ਉਨ੍ਹਾਂ ਦੀ ਟੀਮ ਰਾਜਸਥਾਨ ਰਾਇਲਜ਼ ਨੂੰ ਆਈ.ਪੀ.ਐੱਲ.-2026 ਦੇ ਦੂਜੇ ਕੁਆਲੀਫਾਇਰ ਵਿੱਚ ਸ਼ੁੱਕਰਵਾਰ ਨੂੰ ਗੁਜਰਾਤ ਟਾਈਟਨਜ਼ ਹੱਥੋਂ ਸੱਤ ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਸ ਦੇ ਨਾਲ ਹੀ ਰਾਜਸਥਾਨ ਦਾ ਦੂਜਾ ਖਿਤਾਬ ਜਿੱਤਣ ਦਾ ਸੁਪਨਾ ਟੁੱਟ ਗਿਆ। ਰਾਜਸਥਾਨ ਨੇ ਹੁਣ ਤੱਕ ਆਪਣਾ ਇਕਲੌਤਾ ਆਈ.ਪੀ.ਐੱਲ. ਸਾਲ 2008 ਵਿੱਚ ਜਿੱਤਿਆ ਸੀ, ਜਦੋਂ ਇਹ ਲੀਗ ਸ਼ੁਰੂ ਹੋਈ ਸੀ। ਵੈਭਵ ਪਿਛਲੇ ਸਾਲ ਤੋਂ ਇਸ ਟੀਮ ਵਿੱਚ ਖੇਡ ਰਹੇ ਹਨ। ਇਸ ਸੀਜ਼ਨ ਵਿੱਚ ਉਨ੍ਹਾਂ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ ਟੀਮ ਨੂੰ ਇੱਥੋਂ ਤੱਕ ਪਹੁੰਚਾਇਆ। ਗੁਜਰਾਤ ਖ਼ਿਲਾਫ਼ ਵੀ ਉਨ੍ਹਾਂ ਦਾ ਬੱਲਾ ਚੱਲਿਆ ਪਰ ਕਿਸਮਤ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ।
ਰੋਣ ਲੱਗੇ ਵੈਭਵ
ਗੁਜਰਾਤ ਖ਼ਿਲਾਫ਼ ਜਦੋਂ ਰਾਜਸਥਾਨ ਮੁਸ਼ਕਲ ਸਥਿਤੀ ਵਿੱਚ ਸੀ, ਉਦੋਂ ਵੈਭਵ ਨੇ ਇੱਕ ਪਾਸਾ ਸੰਭਾਲੀ ਰੱਖਿਆ ਅਤੇ ਲੜਦੇ ਰਹੇ। ਉਨ੍ਹਾਂ ਨੇ 31 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ, ਜੋ ਆਈ.ਪੀ.ਐੱਲ. ਇਤਿਹਾਸ ਦਾ ਉਨ੍ਹਾਂ ਦਾ ਸਭ ਤੋਂ ਹੌਲੀ ਅਰਧ ਸੈਂਕੜਾ ਹੈ। ਖੱਬੇ ਹੱਥ ਦੇ ਇਸ ਬੱਲੇਬਾਜ਼ ਨੇ 47 ਗੇਂਦਾਂ ਵਿੱਚ ਅੱਠ ਚੌਕਿਆਂ ਅਤੇ ਸੱਤ ਛੱਕਿਆਂ ਦੀ ਮਦਦ ਨਾਲ 96 ਦੌੜਾਂ ਦੀ ਪਾਰੀ ਖੇਡੀ ਪਰ ਅੰਤ ਵਿੱਚ ਉਨ੍ਹਾਂ ਨੂੰ ਨਿਰਾਸ਼ਾ ਹੀ ਹੱਥ ਲੱਗੀ।
ਹਾਰ ਤੋਂ ਬਾਅਦ ਵੈਭਵ ਡਗਆਊਟ ਵਿੱਚ ਰੋਣ ਲੱਗ ਪਏ। ਜਿਸ ਤਰ੍ਹਾਂ ਕੋਈ ਬੱਚਾ ਆਪਣੀ ਮਨਪਸੰਦ ਚੀਜ਼ ਦੇ ਦੂਰ ਹੋਣ ਜਾਂ ਨਾ ਮਿਲਣ 'ਤੇ ਉਦਾਸ ਹੁੰਦਾ ਹੈ ਅਤੇ ਚੁੱਪਚਾਪ ਕੋਨੇ ਵਿੱਚ ਬੈਠ ਕੇ ਰੋਂਦਾ ਹੈ, ਵੈਭਵ ਦਾ ਹਾਲ ਵੀ ਬਿਲਕੁਲ ਅਜਿਹਾ ਹੀ ਸੀ। ਉਹ ਔਰੇਂਜ ਕੈਂਪ ਰਾਹੀਂ ਆਪਣਾ ਮੂੰਹ ਛੁਪਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਪਰ ਫਿਰ ਵੀ ਉਨ੍ਹਾਂ ਦੇ ਅੰਝੂ ਕੈਮਰੇ ਵਿੱਚ ਕੈਦ ਹੋ ਗਏ। ਰਾਜਸਥਾਨ ਦੀ ਟੀਮ ਦੇ ਖਿਡਾਰੀਆਂ ਨੇ ਉਨ੍ਹਾਂ ਨੂੰ ਹੌਸਲਾ ਵੀ ਦਿੱਤਾ ਪਰ ਉਨ੍ਹਾਂ ਦੇ ਹੰਝੂ ਰੁਕੇ ਨਹੀਂ। ਉਹ ਕਦੇ ਹੱਥਾਂ ਨਾਲ ਆਪਣੇ ਹੰਝੂ ਪੂੰਝ ਰਹੇ ਸਨ ਅਤੇ ਕਦੇ ਕੋਲ ਪਏ ਤੌਲੀਏ ਨਾਲ। ਵੈਭਵ ਇਸ ਹਾਰ ਨਾਲ ਬੁਰੀ ਤਰ੍ਹਾਂ ਟੁੱਟੇ ਹੋਏ ਨਜ਼ਰ ਆ ਰਹੇ ਸਨ।
ਵਾਇਰਲ ਹੋ ਰਹੀ ਹੈ ਵੀਡੀਓ
ਵੈਭਵ ਦੀ ਇਹ ਵੀਡੀਓ ਇਸ ਸਮੇਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਜੋ ਕੋਈ ਵੀ ਇਸ ਵੀਡੀਓ ਨੂੰ ਦੇਖੇਗਾ, ਉਹ ਭਾਵੁਕ ਹੋਏ ਬਿਨਾਂ ਨਹੀਂ ਰਹਿ ਸਕੇਗਾ। ਸਾਰੇ ਜਾਣਦੇ ਹਨ ਕਿ ਵੈਭਵ ਨੇ ਇਸ ਸੀਜ਼ਨ ਵਿੱਚ ਕਿਸ ਅੰਦਾਜ਼ ਵਿੱਚ ਬੱਲੇਬਾਜ਼ੀ ਕੀਤੀ ਹੈ। ਉਨ੍ਹਾਂ ਨੇ ਇਸ ਸੀਜ਼ਨ ਦੇ 16 ਮੈਚਾਂ ਵਿੱਚ 776 ਦੌੜਾਂ ਬਣਾਈਆਂ ਹਨ, ਜਿਨ੍ਹਾਂ ਵਿੱਚੋਂ 500 ਤੋਂ ਵੱਧ ਦੌੜਾਂ ਤਾਂ ਇਕੱਲੇ ਪਾਵਰਪਲੇਅ ਵਿੱਚ ਬਣਾਈਆਂ। ਇਸ ਸੀਜ਼ਨ ਵਿੱਚ ਉਨ੍ਹਾਂ ਦਾ ਸਟ੍ਰਾਈਕ ਰੇਟ 237.30 ਦਾ ਰਹੀਆ ਅਤੇ ਔਸਤ 48.50 ਦੀ ਰਹੀ। ਇਸ ਸੀਜ਼ਨ ਵਿੱਚ ਉਨ੍ਹਾਂ ਦੇ ਬੱਲੇ ਤੋਂ ਇੱਕ ਸੈਂਕੜਾ ਅਤੇ ਪੰਜ ਅਰਧ ਸੈਂਕੜੇ ਨਿਕਲੇ, ਜਦੋਂ ਕਿ ਦੋ ਵਾਰ ਉਹ ਸੈਂਕੜਾ ਬਣਾਉਣ ਤੋਂ ਖੁੰਝ ਗਏ।