BCCI Annual Contracts: BCCI ਦਾ ਵੱਡਾ ਫੈਸਲਾ! ਗ੍ਰੇਡ A+ ਖ਼ਤਮ ਕਰਨ ਦੀ ਤਿਆਰੀ; ਰੋਹਿਤ-ਕੋਹਲੀ ਨੂੰ ਹੋਵੇਗਾ ਕਰੋੜਾਂ ਦਾ ਨੁਕਸਾਨ

ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਸੈਂਟਰਲ ਕੰਟਰੈਕਟ ਸਿਸਟਮ ਵਿੱਚ ਇੱਕ ਵੱਡਾ ਬਦਲਾਅ ਕਰਨ ਜਾ ਰਿਹਾ ਹੈ। ਸੂਤਰਾਂ ਅਨੁਸਾਰ, ਬੋਰਡ ਗ੍ਰੇਡ A+ ਸ਼੍ਰੇਣੀ ਨੂੰ ਪੂਰੀ ਤਰ੍ਹਾਂ ਖ਼ਤਮ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਜੇਕਰ ਇਸ ਨਵੇਂ ਮਾਡਲ ਨੂੰ ਮਨਜ਼ੂਰੀ ਮਿਲ ਜਾਂਦੀ ਹੈ, ਤਾਂ ਟੀਮ ਇੰਡੀਆ ਦੇ ਦਿੱਗਜ ਖਿਡਾਰੀ ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਦਾ ਡਿਮੋਸ਼ਨ (ਦਰਜਾ ਘਟਾਉਣਾ) ਤੈਅ ਹੈ। ਇਨ੍ਹਾਂ ਦੋਵਾਂ ਨੂੰ ਗ੍ਰੇਡ-ਬੀ ਵਿੱਚ ਰੱਖਿਆ ਜਾ ਸਕਦਾ ਹੈ।

ਅਜੀਤ ਅਗਰਕਰ ਕਮੇਟੀ ਦੀ ਸਿਫ਼ਾਰਿਸ਼

ਚੋਣ ਕਮੇਟੀ ਨੇ ਪ੍ਰਸਤਾਵ ਦਿੱਤਾ ਹੈ ਕਿ A+ ਸ਼੍ਰੇਣੀ (7 ਕਰੋੜ ਰੁਪਏ) ਨੂੰ ਖ਼ਤਮ ਕਰਕੇ ਸਿਰਫ਼ ਤਿੰਨ ਸ਼੍ਰੇਣੀਆਂ—A, B, ਅਤੇ C ਰੱਖੀਆਂ ਜਾਣ। ਇਸ ਬਾਰੇ ਅੰਤਿਮ ਫੈਸਲਾ ਅਗਲੀ ਐਪੈਕਸ ਕੌਂਸਲ ਦੀ ਮੀਟਿੰਗ ਵਿੱਚ ਲਿਆ ਜਾਵੇਗਾ।

ਕਿਸ ਨੂੰ ਮਿਲਦਾ ਹੈ ਕੰਟਰੈਕਟ?

ਨਿਯਮਾਂ ਅਨੁਸਾਰ, ਇੱਕ ਸੀਜ਼ਨ ਵਿੱਚ 3 ਟੈਸਟ, 8 ਵਨਡੇ ਜਾਂ 10 ਟੀ-20 ਮੈਚ ਖੇਡਣ ਵਾਲੇ ਖਿਡਾਰੀਆਂ ਨੂੰ ਸੈਂਟਰਲ ਕੰਟਰੈਕਟ ਦਿੱਤਾ ਜਾਂਦਾ ਹੈ।

ਮੌਜੂਦਾ ਤਨਖ਼ਾਹ ਢਾਂਚਾ:

ਗ੍ਰੇਡ A+: 7 ਕਰੋੜ ਰੁਪਏ ਸਲਾਨਾ

ਗ੍ਰੇਡ A: 5 ਕਰੋੜ ਰੁਪਏ ਸਲਾਨਾ

ਗ੍ਰੇਡ B: 3 ਕਰੋੜ ਰੁਪਏ ਸਲਾਨਾ

ਗ੍ਰੇਡ C: 1 ਕਰੋੜ ਰੁਪਏ ਸਲਾਨਾ