IPL 2026 Video: ਆਸ਼ੀਸ਼ ਨਹਿਰਾ ਬਣੇ ਅਸਲੀ 'ਗੇਮ ਚੇਂਜਰ', ਵੈਭਵ ਦੇ ਜਾਲ ’ਚ ਫਸਣ ਤੋਂ ਪਹਿਲਾਂ ਸਿਰਾਜ ਨੂੰ ਕੀਤਾ ਸੀ ਇਸ਼ਾਰਾ
ਆਈਪੀਐਲ 2026 ਦੇ 52ਵੇਂ ਮੈਚ ਵਿੱਚ ਇੱਕ ਵਾਰ ਫਿਰ ਵੈਭਵ ਸੂਰਿਆਵੰਸ਼ੀ ਨੇ ਆਪਣੀ ਕਲਾਸ ਦਿਖਾਈ। ਸ਼ਨੀਵਾਰ ਨੂੰ ਖੇਡੇ ਗਏ ਮੈਚ ਵਿੱਚ ਗੁਜਰਾਤ ਦੇ ਖ਼ਿਲਾਫ਼ 15 ਸਾਲ ਦੇ ਤੂਫਾਨੀ ਬੱਲੇਬਾਜ਼ ਨੇ 16 ਗੇਂਦਾਂ ਵਿੱਚ 36 ਰਨ ਠੋਕ ਦਿੱਤੇ। ਉਸ ਨੇ ਮੁਹੰਮਦ ਸਿਰਾਜ ਅਤੇ ਕਗੀਸੋ ਰਬਾਡਾ ਦੀਆਂ ਗੇਂਦਾਂ 'ਤੇ ਤਾਬੜਤੋੜ ਬੱਲੇਬਾਜ਼ੀ ਕੀਤੀ। ਉਸ ਤੋਂ ਬਾਅਦ ਗੁਜਰਾਤ ਦੇ ਕੋਚ ਆਸ਼ੀਸ਼ ਨਹਿਰਾ ਨੇ ਬਾਊਂਡਰੀ ਦੇ ਬਾਹਰੋਂ ਅਜਿਹੀ ਚਾਲ ਚੱਲੀ ਕਿ ਵੈਭਵ ਦੀ ਵੱਡੀ ਕਮਜ਼ੋਰੀ ਸਾਰਿਆਂ ਦੇ ਸਾਹਮਣੇ ਖੁੱਲ੍ਹ ਕੇ ਆ ਗਈ।
Posted By Anuradha Bains
Publish Date: Sun, 10 May 2026 12:23 PM (IST)
Updated Date: Sun, 10 May 2026 12:25 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। Ashish Nehra Master Stroke Mohammed Siraj Removed Vaibhav Sooryavanshi: ਆਈਪੀਐਲ 2026 ਦੇ 52ਵੇਂ ਮੈਚ ਵਿੱਚ ਇੱਕ ਵਾਰ ਫਿਰ ਵੈਭਵ ਸੂਰਿਆਵੰਸ਼ੀ ਨੇ ਆਪਣੀ ਕਲਾਸ ਦਿਖਾਈ। ਸ਼ਨੀਵਾਰ ਨੂੰ ਖੇਡੇ ਗਏ ਮੈਚ ਵਿੱਚ ਗੁਜਰਾਤ ਦੇ ਖ਼ਿਲਾਫ਼ 15 ਸਾਲ ਦੇ ਤੂਫਾਨੀ ਬੱਲੇਬਾਜ਼ ਨੇ 16 ਗੇਂਦਾਂ ਵਿੱਚ 36 ਰਨ ਠੋਕ ਦਿੱਤੇ। ਉਸ ਨੇ ਮੁਹੰਮਦ ਸਿਰਾਜ ਅਤੇ ਕਗੀਸੋ ਰਬਾਡਾ ਦੀਆਂ ਗੇਂਦਾਂ 'ਤੇ ਤਾਬੜਤੋੜ ਬੱਲੇਬਾਜ਼ੀ ਕੀਤੀ। ਉਸ ਤੋਂ ਬਾਅਦ ਗੁਜਰਾਤ ਦੇ ਕੋਚ ਆਸ਼ੀਸ਼ ਨਹਿਰਾ ਨੇ ਬਾਊਂਡਰੀ ਦੇ ਬਾਹਰੋਂ ਅਜਿਹੀ ਚਾਲ ਚੱਲੀ ਕਿ ਵੈਭਵ ਦੀ ਵੱਡੀ ਕਮਜ਼ੋਰੀ ਸਾਰਿਆਂ ਦੇ ਸਾਹਮਣੇ ਖੁੱਲ੍ਹ ਕੇ ਆ ਗਈ।
ਜੀਟੀ (GT) ਦੇ ਕੋਚ ਆਸ਼ੀਸ਼ ਨਹਿਰਾ ਨੇ ਬਾਊਂਡਰੀ ਲਾਈਨ ਤੋਂ ਮੁਹੰਮਦ ਸਿਰਾਜ ਨੂੰ ਇੱਕ ਖ਼ਾਸ ਰਣਨੀਤੀ ਦਾ ਇਸ਼ਾਰਾ ਕੀਤਾ, ਜਿਸ ਕਾਰਨ ਵਿਸਫੋਟਕ ਬੱਲੇਬਾਜ਼ੀ ਕਰ ਰਹੇ ਨੌਜਵਾਨ ਸਟਾਰ ਵੈਭਵ ਸੂਰਿਆਵੰਸ਼ੀ ਨੂੰ ਪਵੇਲੀਅਨ ਪਰਤਣਾ ਪਿਆ।
ਆਸ਼ੀਸ਼ ਨਹਿਰਾ ਦਾ ਮਾਸਟਰਸਟ੍ਰੋਕ
ਮੈਚ ਦੇ ਦੌਰਾਨ ਰਾਜਸਥਾਨ ਰਾਇਲਜ਼ ਦੇ ਨੌਜਵਾਨ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਨੇ ਗੁਜਰਾਤ ਟਾਈਟਨਸ ਦੇ ਗੇਂਦਬਾਜ਼ਾਂ ਨੂੰ ਖੂਬ ਪਰੇਸ਼ਾਨ ਕਰ ਰੱਖਿਆ ਸੀ। ਸੂਰਿਆਵੰਸ਼ੀ ਆਪਣੀ ਹਮਲਾਵਰ ਬੱਲੇਬਾਜ਼ੀ ਨਾਲ ਨਾ ਸਿਰਫ ਰਨ ਬਟੋਰ ਰਿਹਾ ਸੀ, ਸਗੋਂ ਗੁਜਰਾਤ ਦੇ ਹੱਥੋਂ ਮੈਚ ਵੀ ਖੋਹ ਰਿਹਾ ਸੀ। ਉਸ ਦੀ ਬੱਲੇਬਾਜ਼ੀ ਦੇਖ ਕੇ ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਇਕੱਲੇ ਦਮ 'ਤੇ ਗੁਜਰਾਤ ਵੱਲੋਂ ਮਿਲੇ ਟੀਚੇ ਨੂੰ ਹਾਸਲ ਕਰ ਲਵੇਗਾ। ਇਸ ਦੌਰਾਨ ਡਗਆਊਟ ਦੇ ਕੋਲ ਖੜ੍ਹੇ ਆਸ਼ੀਸ਼ ਨੇਹਰਾ ਨੇ ਇੱਕ ਇਸ਼ਾਰਾ ਕੀਤਾ।
Masterstroke from Ashish Nehra and Mohammed Siraj nails the execution under pressure🙌
Vaibhav Sooryavanshi falls to the trap 🚨#TATAIPL Revenge Week 2026 ➡️ #RRvGT | LIVE NOW 👉 https://t.co/4f0xDg7EfO pic.twitter.com/ApgaLO8b24
— Star Sports (@StarSportsIndia) May 9, 2026
ਉਨ੍ਹਾਂ ਨੇ ਸਿਰਾਜ ਨੂੰ, ਜੋ ਆਪਣਾ ਨਵਾਂ ਓਵਰ ਸ਼ੁਰੂ ਕਰਨ ਜਾ ਰਹੇ ਸਨ, ਦਿਮਾਗ ਲਗਾਉਣ ਦੀ ਗੱਲ ਕਹੀ ਅਤੇ ਕਮੈਂਟੇਟਰ ਆਕਾਸ਼ ਚੋਪੜਾ ਨੇ ਵੀ ਇਸ ਗੱਲ ਨੂੰ ਦੁਹਰਾਇਆ ਕਿ ਨਹਿਰਾ ਸਿਰਾਜ ਨੂੰ ਕਹਿਣਾ ਚਾਹ ਰਹੇ ਹਨ ਕਿ "ਦਿਮਾਗ ਲਗਾ ਲੈ ਜਾਂ ਫਿਰ ਬਾਊਂਸਰ ਮਾਰ।" ਅਗਲੀ ਹੀ ਗੇਂਦ ਸਿਰਾਜ ਨੇ ਸ਼ਾਰਟ ਪਿੱਚ ਬਾਊਂਸਰ ਸੁੱਟੀ ਅਤੇ ਵੈਭਵ ਸੂਰਿਆਵੰਸ਼ੀ ਇਸ ਜਾਲ ਵਿੱਚ ਫਸ ਗਏ ਅਤੇ ਗਲਤ ਸ਼ਾਟ ਖੇਡ ਬੈਠੇ। ਗੇਂਦ ਸਿੱਧੀ ਫੀਲਡਰ ਅਰਸ਼ਦ ਖਾਨ ਦੇ ਹੱਥਾਂ ਵਿੱਚ ਗਈ ਅਤੇ ਰਾਜਸਥਾਨ ਦੀ ਸਭ ਤੋਂ ਵੱਡੀ ਉਮੀਦ 'ਤੇ ਪਾਣੀ ਫਿਰ ਗਿਆ।