ਸਫ਼ੈਦੇ ਦੇ ਦਰੱਖ਼ਤ ਲਗਾ ਕੇ ਕਮਾਓ ਸਾਲਾਨਾ 50 ਲੱਖ ਰੁਪਏ, ਇੰਝ ਸ਼ੁਰੂ ਕਰੋ ਆਪਣਾ ਬਿਜ਼ਨੈੱਸ

Success Story Benefits Of Eucalyptus : ਯੂਕੇਲਿਪਟਸ ਤੇਲ ਜ਼ਿਆਦਾਤਰ ਲੋਕਾਂ ਲਈ ਜਾਣਿਆ ਜਾਂਦਾ ਹੈ ਅਤੇ ਕਈ ਵਾਰ ਘਰੇਲੂ ਉਪਚਾਰ ਵਜੋਂ ਵਰਤਿਆ ਜਾਂਦਾ ਹੈ। ਦੇਸ਼ ਵਿਚ ਕਈ ਥਾਵਾਂ 'ਤੇ ਯੂਕੇਲਿਪਟਸ ਦੇ ਦਰੱਖਤ ਨੂੰ ਯੂਕੇਲਿਪਟਸ ਟ੍ਰੀ ਵੀ ਕਿਹਾ ਜਾਂਦਾ ਹੈ। ਯੂਕੇਲਿਪਟਸ ਆਪਣੇ ਔਸ਼ਧੀ ਗੁਣਾਂ ਕਾਰਨ ਜ਼ਿਆਦਾਤਰ ਵਰਤਿਆ ਜਾਂਦਾ ਹੈ ਅਤੇ ਅੱਜਕੱਲ੍ਹ ਇਹ ਵੱਡੇ ਪੱਧਰ 'ਤੇ ਤਿਆਰ ਕੀਤਾ ਜਾ ਰਿਹਾ ਹੈ ਅਤੇ ਪੈਸੇ ਕਮਾ ਰਿਹਾ ਹੈ। ਜੇਕਰ ਤੁਸੀਂ ਵੀ Eucalyptus ਦੇ ਦਰੱਖ਼ਤ ਤੋਂ ਕਮਾਈ ਕਰਨਾ ਚਾਹੁੰਦੇ ਹੋ ਤਾਂ ਅਜਿਹੇ ਲੋਕਾਂ ਲਈ ਗੋਂਡਾ ਜ਼ਿਲ੍ਹੇ ਦੇ ਵਜੀਰਗੰਜ ਇਲਾਕੇ ਦੇ ਰਹਿਣ ਵਾਲੇ ਅਰੁਣ ਪਾਂਡੇ ਇਕ ਮਿਸਾਲ ਬਣ ਚੁੱਕੇ ਹਨ ਜਿਨ੍ਹਾਂ ਨੇ Eucalyptus ਦੇ ਦਰੱਖ਼ਤ ਲਗਾ ਕੇ ਆਪਣਾ ਬਿਜ਼ਨੈੱਸ਼ ਸ਼ੁਰੂ ਕੀਤਾ ਹੈ ਤੇ ਨੀਲਗਿਰੀ ਦੇ ਤੇਲ ਤੋਂ ਸਾਲਾਨਾ 50 ਲੱਖ ਰੁਪਏ ਕਮਾ ਰਹੇ ਹਨ। Eucalyptus ਦੇ ਦਰੱਖ਼ਤ ਦੇ ਤੇਲ ਦੇ ਨਾਲ-ਨਾਲ ਸ਼ਹਿਦ ਉਤਪਾਦਵ ਵੀ ਕੀਤਾ ਜਾ ਸਕਦਾ ਹੈ।

ਯੂਕਲਿਪਟਸ ਸੋਖਦਾ ਹੈ ਬਹੁਤ ਜ਼ਿਆਦਾ ਪਾਣੀ

ਯੂਕੇਲਿਪਟਸ ਦਰੱਖ਼ਤ ਦੀ ਲੱਕੜੀ ਦਾ ਇਸਤੇਮਾਲ ਵੀ ਬਹੁਤ ਸਾਰੇ ਕੰਮਾਂ 'ਚ ਲਿਆ ਜਾਂਦਾ ਹੈ। ਇਸ ਦਰੱਖ਼ਤ ਨੂੰ ਲਗਾਉਣ ਤੋਂ ਪਹਿਲਾਂ ਇਸ ਗੱਲ ਦਾ ਧਿਆਨ ਰੱਖੋ ਕਿ ਤੁਹਾਡੇ ਕੋਲ ਪਾਣੀ ਦੀ ਸਮੁੱਚੀ ਵਿਵਸਥਾ ਹੋਵੇ ਕਿਉਂਕਿ ਇਹ ਦਰੱਖ਼ਤ ਬਹੁਤ ਜ਼ਿਆਦਾ ਪਾਣੀ ਸੋਖਦਾ ਹੈ। ਇਹੀ ਕਾਰਨ ਹੈ ਕਿ ਇਸ ਦਰੱਖ਼ਤ ਨੂੰ ਨਦੀ-ਨਹਿਰ ਦੇ ਕਿਨਾਰੇ ਜਾਂ ਦਲਦਲੀ ਖੇਤਰ 'ਚ ਲਗਾਇਆ ਜਾਂਦਾ ਹੈ। Eucalyptus ਦੀਆਂ ਪੱਤੀਆਂ ਤੋਂ ਤੇਲ ਵੀ ਕੱਢਿਆ ਜਾਂਦਾ ਹੈ। ਬਹੁਤ ਘੱਟ ਲੋਕਾਂ ਨੂੰ ਜਾਣਕਾਰੀ ਹੈ ਕਿ ਇਸਦੇ ਫੁੱਲਾਂ ਤੋਂ ਸ਼ਹਿਦ ਵੀ ਬਣਾਇਆ ਜਾਂਦਾ ਹੈ ਜਿਹੜਾ ਵਾਲ਼ਾਂ ਤੇ ਚਮੜੀ ਲਈ ਫਾਇਦੇਮੰਦ ਮੰਨਿਆ ਜਾਂਦਾ ਹੈ।

ਅਰੁਣ ਕੁਮਾਰ ਨੇ ਇੰਝ ਸ਼ੁਰੂ ਕੀਤਾ Eucalyptus ਦਾ ਬਿਜ਼ਨੈੱਸ

ਵਜੀਰਗੰਜ ਦੇ ਅਰੁਣ ਕੁਮਾਰ ਪਾਂਡੇ ਨੇ ਦੱਸਿਆ ਕਿ ਉਹ ਦਿੱਲੀ ਯੂਨੀਵਰਸਿਟੀ ਤੋਂ ਗ੍ਰੈਜੂਏਟ ਹਨ ਤੇ ਆਈਏਐੱਸ ਦੀ ਤਿਆਰੀ ਕਰ ਰਹੇ ਹਨ। ਪੜ੍ਹਾਈ ਦੇ ਨਾਲ ਉਨ੍ਹਾਂ ਯੂਕੇਲਿਪਟਸ ਦੇ ਪੱਤਿਆਂ ਤੋਂ ਤੇਲ ਤੇ ਫੁੱਲਾਂ ਤੋਂ ਸ਼ਹਿਦ ਬਣਾਉਣ ਦਾ ਕਾਰੋਬਾਰ 'ਚ ਕਿਸਮਤ ਅਜ਼ਮਾਈ। ਇਸ ਬਿਜ਼ਨੈੱਸ ਤੋਂ ਫਿਲਹਾਲ ਹੁਣ ਤਕ 50 ਲੱਖ ਰੁਪਏ ਕਮਾ ਚੁੱਕੇ ਹਨ ਤੇ ਕਈ ਲੋਕਾਂ ਨੂੰ ਰੁਜ਼ਗਾਰ ਵੀ ਦੇ ਚੁੱਕੇ ਹਨ। ਅਰੁਣ ਦੱਸਦੇ ਹਨ ਕਿ ਉਨ੍ਹਾਂ 2018 ਤੋਂ ਇਸ ਕਾਰੋਬਾਰ ਦੀ ਸ਼ੁਰੂਆਤ ਕੀਤੀ ਸੀ ਤੇ ਹੁਣ ਤਕ 5000 ਬੂਟੇ ਲਗਾ ਚੁੱਕੇ ਹਨ।

CIMAP ਤੋਂ ਲਈ ਤੇਲ ਕੱਢਣ ਦਾ ਟ੍ਰੇਨਿੰਗ

ਅਰੁਣ ਪਾਂਡੇ ਦੱਸਦੇ ਹਨ ਕਿ ਇਸ ਕਾਰੋਬਾਰ ਨੂੰ ਸ਼ੁਰੂ ਕਰਨ ਤੋਂ ਪਹਿਲਾਂ ਉਨ੍ਹਾਂ ਸੈਂਟਰਲ ਇੰਸਟੀਚਿਊਟ ਆਫ ਮੈਡੀਸਿਨਲ ਐਂਡ ਐਰੋਮੈਟਿਕ ਪਲਾਂਟਸ (CIMAP) 'ਚ ਇਸ ਦਾ ਪ੍ਰੀਖਣ ਲਿਆ ਹੈ। ਇਸ ਦੇ ਤੇਲ ਨੂੰ ਯੂਕੇਲਿਪਟਸ ਨਾਂ ਦਿੱਤਾ ਗਿਆ ਹੈ। ਪਾਂਡੇ ਨੇ ਦੱਸਿਆ ਕਿ ਵਾਤਾਵਰਨ ਦੇ ਹਿਸਾਬ ਨਾਲ ਇਸ ਬੂਟੇ ਨੂੰ ਖਰਾਬ ਕਹਿਣਾ ਬਿਲਕੁਲ ਗ਼ਲਤ ਹੈ। ਯੂਕੇਲਿਪਟਸ ਦਾ ਦਰੱਖ਼ਤ ਪਾਣੀ 'ਚ ਉੱਗਦਾ ਹੈ ਪਰ ਹਾਈਬ੍ਰਿਡ ਯੂਕੇਲਿਪਟਸ ਜ਼ਿਆਦਾ ਪਾਣੀ ਬਰਦਾਸ਼ਤ ਨਹੀਂ ਕਰ ਸਕਦਾ। ਇਹ ਦਰੱਖ਼ਤ ਜੇਕਰ ਜ਼ਿਆਦਾ ਸਮਾਂ ਪਾਣੀ 'ਚ ਰਹਿੰਦਾ ਹੈ ਤਾਂ ਸੁੱਕਣ ਦਾ ਖ਼ਤਰਾ ਵਧ ਜਾਂਦਾ ਹੈ।

ਅਰੁਣ ਪਾਂਡੇ ਇਕ ਸਾਲ 'ਚ 50 ਤੋਂ 60 ਕੁਇੰਟਲ ਤੇਲ ਕੱਢਦੇ ਹਨ ਜਿਸ ਦੀ ਸਪਲਾਈ ਪੂਰੇ ਦੇਸ਼ ਵਿਚ ਕੀਤੀ ਜਾਂਦੀ ਹੈ। ਇਸ ਧੰਦੇ ਨਾਲ ਉਨ੍ਹਾਂ ਨੂੰ ਖਾਸਾ ਫਾਇਦਾ ਹੋ ਰਿਹਾ ਹੈ। ਉੱਥੇ ਹੀ ਦੂਸਰੇ ਪਾਸੇ ਇੰਸਟੀਚਿਊਟ ਆਫ ਮੈਡੀਸਿਨਲ ਐਂਡ ਐਰੋਮੈਟਿਕ ਪਲਾਂਟਸ (CIMAP) ਦੇ ਵਿਗਿਆਨਕ ਰਾਜੇਸ਼ ਵਰਮਾ ਦਾ ਕਹਿਣਾ ਹੈ ਕਿ ਨੀਲਗਿਰੀ ਦੀਆਂ ਕੁਝ ਪ੍ਰਜਾਤੀਆਂ ਅਜਿਹੀਆਂ ਹਨ ਜਿਨ੍ਹਾਂ ਦਾ ਇਸਤੇਮਾਲ ਸ਼ਹਿਦ ਬਣਾਉਣ 'ਚ ਕੀਤਾ ਜਾਂਦਾ ਹੈ।