ਨਵੇਂ ਲੇਬਰ ਕੋਡ ਨਾਲ ਜ਼ਿਆਦਾ ਕੱਟੇਗਾ PF ਤੇ ਰਿਟਾਇਰਮੈਂਟ ਤੋਂ ਬਾਅਦ ਮਿਲੇਗੀ ਵੱਧ ਪੈਨਸ਼ਨ? ਐਕਸਪਰਟ ਤੋਂ ਜਾਣੋ 13 ਸਵਾਲਾਂ 'ਚ ਸਭ ਕੁਝ
ਨਵੇਂ ਲੇਬਰ ਕੋਡ ਦਾ ਅਸਰ ਤੁਰੰਤ ਤੁਹਾਡੀ ਸੈਲਰੀ 'ਤੇ ਦਿਖ ਸਕਦਾ ਹੈ, ਪਰ ਇਹ ਬਦਲਾਅ ਭਵਿੱਖ ਲਈ ਫਾਇਦੇਮੰਦ ਹਨ। ਜ਼ਿਆਦਾ PF ਕਟੌਤੀ ਦਾ ਮਤਲਬ ਹੈ ਬਿਹਤਰ ਸੇਵਿੰਗ ਅਤੇ ਸੁਰੱਖਿਅਤ ਰਿਟਾਇਰਮੈਂਟ। ਯਾਨੀ ਅੱਜ ਥੋੜ੍ਹੀ ਘੱਟ ਸੈਲਰੀ, ਪਰ ਕੱਲ੍ਹ ਜ਼ਿਆਦਾ ਮਜ਼ਬੂਤ ਆਰਥਿਕ ਸਥਿਤੀ।
Posted By Seema Anand
Publish Date: Wed, 08 Apr 2026 03:30 PM (IST)
Updated Date: Wed, 08 Apr 2026 03:36 PM (IST)
ਨਵੀਂ ਦਿੱਲੀ : EPFO News: 1 ਅਪ੍ਰੈਲ 2026 ਤੋਂ ਕਈ ਚੀਜ਼ਾਂ ਬਦਲ ਗਈਆਂ ਹਨ ਕਿਉਂਕਿ ਇਸੇ ਦਿਨ ਤੋਂ ਭਾਰਤ ਦਾ ਨਵਾਂ ਵਿੱਤੀ ਸਾਲ ਸ਼ੁਰੂ ਹੋਇਆ ਹੈ। ਨਵੇਂ ਵਿੱਤੀ ਸਾਲ ਦੀ ਸ਼ੁਰੂਆਤ ਹੁੰਦੇ ਹੀ ਕਈ ਬਦਲਾਅ ਆਏ ਹਨ ਜਿਨ੍ਹਾਂ ਵਿਚ ਨਵੇਂ ਲੇਬਰ ਕੋਡ ਦਾ ਪੂਰੀ ਤਰ੍ਹਾਂ ਲਾਗੂ ਹੋਣਾ ਵੀ ਸ਼ਾਮਲ ਹੈ। ਹੁਣ ਇਸ ਨੂੰ ਲੈ ਕੇ ਮੁਲਾਜ਼ਮਾਂ ਦੇ ਮਨ ਵਿਚ ਕਈ ਸਵਾਲ ਹਨ ਜਿਵੇਂ- ਕੀ ਸੈਲਰੀ ਘੱਟ ਜਾਵੇਗੀ? ਕੀ PF ਜ਼ਿਆਦਾ ਕੱਟੇਗਾ? ਅਤੇ ਕੀ ਰਿਟਾਇਰਮੈਂਟ ਤੋਂ ਬਾਅਦ ਪੈਨਸ਼ਨ ਵਧੇਗੀ? ਇਨ੍ਹਾਂ ਸਵਾਲਾਂ 'ਤੇ ਅਸੀਂ ਗੱਲ ਕੀਤੀ ਡਾ. ਰਾਹੁਲ ਸਿੰਘ ਨਾਲ, ਜਿਨ੍ਹਾਂ ਨੇ Tata Institute of Social Sciences (TISS) ਤੋਂ ਐਮਫਿਲ ਤੇ ਪੀਐਚਡੀ ਕੀਤੀ ਹੈ ਅਤੇ ਮੌਜੂਦਾ ਸਮੇਂ ਵਿੱਚ O P Jindal Global University 'ਚ ਐਸੋਸੀਏਟ ਪ੍ਰੋਫੈਸਰ ਹਨ। ਪੇਸ਼ ਹਨ ਉਨ੍ਹਾਂ ਨਾਲ ਹੋਈ ਗੱਲਬਾਤ ਦੇ ਮੁੱਖ ਅੰਸ਼:
ਸਵਾਲ 1: ਨਵੇਂ ਲੇਬਰ ਕੋਡ ਲਾਗੂ ਹੋਣ ਤੋਂ ਬਾਅਦ ਕੀ ਜ਼ਿਆਦਾ ਕੱਟੇਗਾ PF?
ਜਵਾਬ: ਹਾਂ, ਨਵੇਂ ਨਿਯਮਾਂ ਤਹਿਤ ਬੇਸਿਕ ਸੈਲਰੀ ਵਧਾਈ ਜਾਵੇਗੀ, ਜਿਸ ਨਾਲ PF ਦੀ ਕਟੌਤੀ ਵੀ ਵਧ ਸਕਦੀ ਹੈ। ਇਸ ਦਾ ਅਸਰ ਇਹ ਹੋਵੇਗਾ ਕਿ ਇਨ-ਹੈਂਡ ਸੈਲਰੀ ਥੋੜ੍ਹੀ ਘੱਟ ਸਕਦੀ ਹੈ, ਪਰ ਤੁਹਾਡੀ ਬਚਤ ਮਜ਼ਬੂਤ ਹੋਵੇਗੀ।
ਸਵਾਲ 2: EPFO ਕੰਟਰੀਬਿਊਸ਼ਨ 'ਚ ਹੋਏ ਬਦਲਾਅ ਕਿੰਨੇ ਫਾਇਦੇਮੰਦ ਹਨ?
ਜਵਾਬ: ਲੰਬੀ ਮਿਆਦ 'ਚ ਇਹ ਬਦਲਾਅ ਕਾਫੀ ਫਾਇਦੇਮੰਦ ਹਨ ਕਿਉਂਕਿ ਰਿਟਾਇਰਮੈਂਟ ਲਈ ਵੱਡਾ ਫੰਡ ਤਿਆਰ ਹੋਵੇਗਾ। ਹਾਲਾਂਕਿ ਸ਼ੁਰੂਆਤ 'ਚ ਸੈਲਰੀ ਥੋੜ੍ਹੀ ਘੱਟ ਲੱਗ ਸਕਦੀ ਹੈ।
ਸਵਾਲ 3: ਨਵੇਂ ਲੇਬਰ ਕੋਡ ਦਾ EPFO 'ਤੇ ਕੀ ਅਸਰ ਪਵੇਗਾ?
ਜਵਾਬ: EPFO 'ਚ ਜ਼ਿਆਦਾ ਯੋਗਦਾਨ ਜਾਵੇਗਾ, ਜਿਸ ਨਾਲ ਫੰਡ ਸਾਈਜ਼ ਵਧੇਗਾ ਅਤੇ ਪੈਨਸ਼ਨ ਦਾ ਅਧਾਰ ਮਜ਼ਬੂਤ ਹੋਵੇਗਾ। ਇਸ ਨਾਲ ਰਿਟਾਇਰਮੈਂਟ ਸੁਰੱਖਿਆ ਬਿਹਤਰ ਹੋਵੇਗੀ।
ਸਵਾਲ 4: ਕੀ PF ਅਤੇ EPF ਦੇ ਅੰਸ਼ਦਾਨ 'ਚ ਵਾਧਾ ਹੋਵੇਗਾ?
ਜਵਾਬ: ਹਾਂ, ਕਿਉਂਕਿ ਬੇਸਿਕ ਸੈਲਰੀ ਦਾ ਦਾਇਰਾ ਵਧੇਗਾ, ਇਸ ਲਈ PF 'ਚ ਯੋਗਦਾਨ ਵੀ ਵਧੇਗਾ। ਇਸ ਵਿਚ ਮੁਲਾਜ਼ਮ ਤੇ ਮਾਲਕ ਦੋਵਾਂ ਦਾ ਹਿੱਸਾ ਸ਼ਾਮਲ ਹੋਵੇਗਾ।
ਸਵਾਲ 5: ਕੀ ਸੈਲਰੀ ਸਟ੍ਰਕਚਰ 'ਚ ਬਦਲਾਅ ਆਵੇਗਾ?
ਜਵਾਬ: ਹਾਂ, ਨਵੇਂ ਨਿਯਮਾਂ ਅਨੁਸਾਰ ਬੇਸਿਕ ਪੇਅ ਕੁੱਲ ਸੈਲਰੀ ਦਾ ਘੱਟੋ-ਘੱਟ 50% ਹੋਣੀ ਚਾਹੀਦੀ ਹੈ। ਇਸ ਨਾਲ ਅਲਾਉਂਸ ਘੱਟ ਤੇ ਫਿਕਸਡ ਸੈਲਰੀ ਜ਼ਿਆਦਾ ਹੋ ਜਾਵੇਗੀ।
ਸਵਾਲ 6: ਜੇਕਰ PF ਜ਼ਿਆਦਾ ਕੱਟੇਗਾ ਤਾਂ ਕੀ ਇਨ-ਹੈਂਡ ਸੈਲਰੀ ਘੱਟ ਹੋਵੇਗੀ?
ਜਵਾਬ: ਹਾਂ, ਹੱਥ ਵਿਚ ਮਿਲਣ ਵਾਲੀ ਸੈਲਰੀ ਘੱਟ ਹੋ ਸਕਦੀ ਹੈ, ਪਰ ਇਹ ਪੈਸਾ ਤੁਹਾਡੀ ਬਚਤ ਵਿੱਚ ਹੀ ਜੁੜਦਾ ਹੈ ਅਤੇ ਭਵਿੱਖ ਵਿੱਚ ਕੰਮ ਆਉਂਦਾ ਹੈ।
ਸਵਾਲ 7: “ਬੇਸਿਕ ਸੈਲਰੀ” ਦੀ ਨਵੀਂ ਪਰਿਭਾਸ਼ਾ ਕੀ ਹੈ?
ਜਵਾਬ: ਹੁਣ ਬੇਸਿਕ ਸੈਲਰੀ ਕੁੱਲ ਤਨਖਾਹ ਦਾ ਘੱਟੋ-ਘੱਟ 50% ਹੋਣਾ ਜ਼ਰੂਰੀ ਹੈ। ਇਸ ਨਾਲ PF ਕੈਲਕੂਲੇਸ਼ਨ ਦਾ ਅਧਾਰ ਵਧ ਜਾਂਦਾ ਹੈ।
ਸਵਾਲ 8: ਕੀ ਪੈਨਸ਼ਨ (EPS) 'ਚ ਜ਼ਿਆਦਾ ਕਟੌਤੀ ਹੋਣ 'ਤੇ ਰਿਟਾਇਰਮੈਂਟ ਤੋਂ ਬਾਅਦ ਜ਼ਿਆਦਾ ਫਾਇਦਾ ਮਿਲੇਗਾ?
ਜਵਾਬ: ਹਾਂ, EPS 'ਚ ਵੱਧ ਯੋਗਦਾਨ ਨਾਲ ਰਿਟਾਇਰਮੈਂਟ ਤੋਂ ਬਾਅਦ ਪੈਨਸ਼ਨ ਰਾਸ਼ੀ ਵਧ ਸਕਦੀ ਹੈ। ਇਹ ਭਵਿੱਖ ਵਿੱਚ ਨਿਯਮਿਤ ਆਮਦਨ ਨੂੰ ਮਜ਼ਬੂਤ ਕਰੇਗਾ।
ਸਵਾਲ 9: ਕੀ ਰਿਟਾਇਰਮੈਂਟ ਤੋਂ ਬਾਅਦ ਜ਼ਿਆਦਾ ਪੈਨਸ਼ਨ ਮਿਲੇਗੀ?
ਜਵਾਬ: ਜੇਕਰ ਯੋਗਦਾਨ ਵਧਦਾ ਹੈ ਤਾਂ ਪੈਨਸ਼ਨ ਵੀ ਵਧੇਗੀ। ਹਾਲਾਂਕਿ ਇਹ EPS ਦੀ ਲਿਮਟ ਅਤੇ ਨਿਯਮਾਂ 'ਤੇ ਨਿਰਭਰ ਕਰਦਾ ਹੈ।
ਸਵਾਲ 10: ਕੀ ਨਵੇਂ ਨਿਯਮ ਸਾਰੇ ਮੁਲਾਜ਼ਮਾਂ 'ਤੇ ਲਾਗੂ ਹੋਣਗੇ?
ਜਵਾਬ: ਇਹ ਨਿਯਮ ਮੁੱਖ ਤੌਰ 'ਤੇ ਸੰਗਠਿਤ ਖੇਤਰ ਦੇ ਮੁਲਾਜ਼ਮਾਂ 'ਤੇ ਲਾਗੂ ਹੋਣਗੇ। ਸਰਕਾਰੀ ਅਤੇ ਨਿੱਜੀ ਖੇਤਰ 'ਚ ਕੁਝ ਅੰਤਰ ਹੋ ਸਕਦਾ ਹੈ।
ਸਵਾਲ 11: ਕੀ ਨਵੇਂ ਲੇਬਰ ਕੋਡ ਤੋਂ EPFO ਕੰਟਰੀਬਿਊਸ਼ਨ 'ਚ ਹੋਏ ਬਦਲਾਅ ਫਾਇਦੇਮੰਦ ਹਨ?
ਜਵਾਬ: ਲੰਬੀ ਮਿਆਦ 'ਚ ਇਹ ਬਦਲਾਅ ਮੁਲਾਜ਼ਮਾਂ ਦੀ ਵਿੱਤੀ ਸੁਰੱਖਿਆ ਵਧਾਉਂਦੇ ਹਨ। ਹਾਲਾਂਕਿ ਸ਼ੁਰੂਆਤ ਵਿੱਚ ਸੈਲਰੀ ਐਡਜਸਟਮੈਂਟ ਥੋੜ੍ਹਾ ਚੁਣੌਤੀਪੂਰਨ ਹੋ ਸਕਦਾ ਹੈ।
ਸਵਾਲ 12: ਕੀ ਇਸ ਨਾਲ ਲੰਬੇ ਸਮੇਂ ਦੀ ਬਚਤ (long-term savings) ਬਿਹਤਰ ਹੋਵੇਗੀ?
ਜਵਾਬ: ਹਾਂ, PF 'ਚ ਜ਼ਿਆਦਾ ਯੋਗਦਾਨ ਨਾਲ ਵੱਡਾ ਰਿਟਾਇਰਮੈਂਟ ਫੰਡ ਤਿਆਰ ਹੋਵੇਗਾ, ਜਿਸ ਨਾਲ ਭਵਿੱਖ ਦੀ ਆਰਥਿਕ ਸਥਿਰਤਾ ਮਜ਼ਬੂਤ ਹੋਵੇਗੀ।
ਸਵਾਲ 13: ਕੰਪਨੀਆਂ (ਮਾਲਕਾਂ) ਲਈ ਇਨ੍ਹਾਂ ਬਦਲਾਵਾਂ ਨਾਲ ਕੀ ਵਾਧੂ ਬੋਝ ਜਾਂ ਫਾਇਦਾ ਹੋਵੇਗਾ?
ਜਵਾਬ: ਮਾਲਕਾਂ ਦਾ PF ਯੋਗਦਾਨ ਵਧਣ ਨਾਲ ਲਾਗਤ ਵੱਧ ਸਕਦੀ ਹੈ। ਹਾਲਾਂਕਿ ਇਸ ਨਾਲ ਕਰਮਚਾਰੀਆਂ ਦੀ ਸੰਤੁਸ਼ਟੀ ਅਤੇ ਰਿਟੈਂਸ਼ਨ ਬਿਹਤਰ ਹੋ ਸਕਦੀ ਹੈ।
ਨਵੇਂ ਲੇਬਰ ਕੋਡ ਦਾ ਅਸਰ ਤੁਰੰਤ ਤੁਹਾਡੀ ਸੈਲਰੀ 'ਤੇ ਦਿਖ ਸਕਦਾ ਹੈ, ਪਰ ਇਹ ਬਦਲਾਅ ਭਵਿੱਖ ਲਈ ਫਾਇਦੇਮੰਦ ਹਨ। ਜ਼ਿਆਦਾ PF ਕਟੌਤੀ ਦਾ ਮਤਲਬ ਹੈ ਬਿਹਤਰ ਸੇਵਿੰਗ ਅਤੇ ਸੁਰੱਖਿਅਤ ਰਿਟਾਇਰਮੈਂਟ। ਯਾਨੀ ਅੱਜ ਥੋੜ੍ਹੀ ਘੱਟ ਸੈਲਰੀ, ਪਰ ਕੱਲ੍ਹ ਜ਼ਿਆਦਾ ਮਜ਼ਬੂਤ ਆਰਥਿਕ ਸਥਿਤੀ।