ਇੰਡੋਨੇਸ਼ੀਆ ਦੇ ਨਵੇਂ ਨਿਯਮਾਂ ਨੇ ਭਾਰਤ ਨੂੰ ਦਿੱਤਾ ਵੱਡਾ ਝਟਕਾ, ਮੂੰਗਫਲੀ ਦੀ ਬਰਾਮਦ (Export) 'ਤੇ ਲੱਗ ਸਕਦੀ ਹੈ ਬਰੇਕ
ਭਾਰਤੀ ਸੰਸਥਾ APEDA, ਜੋ ਖੇਤੀ ਉਤਪਾਦਾਂ ਦੀ ਬਰਾਮਦ ਵਧਾਉਣ ਲਈ ਕੰਮ ਕਰਦੀ ਹੈ, ਇੰਡੋਨੇਸ਼ੀਆਈ ਬਾਜ਼ਾਰ ਵਿੱਚ ਭਾਰਤ ਦੀ ਪਕੜ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਸੀ। ਪਰ ਇਸ ਫੈਸਲੇ ਨੇ ਉਨ੍ਹਾਂ ਸਾਰੀਆਂ ਕੋਸ਼ਿਸ਼ਾਂ 'ਤੇ ਪਾਣੀ ਫੇਰ ਦਿੱਤਾ ਹੈ। ਇਹ ਨਿਯਮ ਕੱਚੀ ਮੂੰਗਫਲੀ (ਦਾਣੇ ਅਤੇ ਛਿਲਕੇ ਵਾਲੀ) 'ਤੇ ਲਾਗੂ ਹੋਣਗੇ, ਹਾਲਾਂਕਿ ਭੁੰਨੀ ਹੋਈ ਮੂੰਗਫਲੀ ਨੂੰ ਇਸ ਤੋਂ ਛੋਟ ਦਿੱਤੀ ਗਈ ਹੈ।
Posted By alisha
Publish Date: Thu, 30 Apr 2026 11:41 AM (IST)
Updated Date: Thu, 30 Apr 2026 11:45 AM (IST)
ਨਵੀਂ ਦਿੱਲੀ : ਇੰਡੋਨੇਸ਼ੀਆ ਵੱਲੋਂ ਮੂੰਗਫਲੀ ਦੀ ਦਰਾਮਦ (Import) ਲਈ ਬਣਾਏ ਗਏ ਨਵੇਂ ਅਤੇ ਸਖ਼ਤ ਨਿਯਮਾਂ ਨੇ ਭਾਰਤੀ ਵਪਾਰੀਆਂ ਅਤੇ ਕਿਸਾਨਾਂ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ। ਨਵੇਂ ਨਿਯਮਾਂ ਅਨੁਸਾਰ ਹੁਣ ਗੁਣਵੱਤਾ ਦੇ ਮਿਆਰਾਂ ਨੂੰ ਬਹੁਤ ਸਖ਼ਤ ਕਰ ਦਿੱਤਾ ਗਿਆ ਹੈ, ਜਿਸ ਦਾ ਸਿੱਧਾ ਅਸਰ ਭਾਰਤ ਤੋਂ ਹੋਣ ਵਾਲੀ ਮੂੰਗਫਲੀ ਦੀ ਬਰਾਮਦ 'ਤੇ ਪਵੇਗਾ।
ਕੀ ਹੈ ਨਵਾਂ ਨਿਯਮ ਤੇ GAP ਸਰਟੀਫਿਕੇਟ
ਇੰਡੋਨੇਸ਼ੀਆ ਨੇ ਹੁਣ ਮੂੰਗਫਲੀ ਦੀ ਖਰੀਦ ਲਈ GAP (Good Agricultural Practices) ਸਰਟੀਫਿਕੇਟ ਲਾਜ਼ਮੀ ਕਰ ਦਿੱਤਾ ਹੈ।
ਸਮੇਂ ਦੀ ਘਾਟ: ਸਰਕਾਰ ਨੇ ਵਪਾਰੀਆਂ ਨੂੰ ਤਿਆਰੀ ਲਈ ਸਿਰਫ਼ 14 ਦਿਨਾਂ ਦਾ ਸਮਾਂ ਦਿੱਤਾ ਹੈ, ਜਦਕਿ GAP ਸਰਟੀਫਿਕੇਟ ਪ੍ਰਾਪਤ ਕਰਨ ਲਈ ਆਮ ਤੌਰ 'ਤੇ 90 ਤੋਂ 180 ਦਿਨਾਂ ਦਾ ਸਮਾਂ ਲੱਗਦਾ ਹੈ।
ਕੋਟਾ ਸਿਸਟਮ: ਆਪਣੀ ਘਰੇਲੂ ਪੈਦਾਵਾਰ ਨੂੰ ਉਤਸ਼ਾਹਿਤ ਕਰਨ ਲਈ ਇੰਡੋਨੇਸ਼ੀਆ ਨੇ ਕੋਟਾ ਸਿਸਟਮ ਵੀ ਲਾਗੂ ਕਰ ਦਿੱਤਾ ਹੈ।
ਭਾਰਤ ਨੂੰ ਕਿਉਂ ਹੋਵੇਗਾ ਸਭ ਤੋਂ ਵੱਧ ਨੁਕਸਾਨ?
ਭਾਰਤ ਲਈ ਇੰਡੋਨੇਸ਼ੀਆ ਮੂੰਗਫਲੀ ਦਾ ਸਭ ਤੋਂ ਵੱਡਾ ਖਰੀਦਦਾਰ ਹੈ। ਅੰਕੜਿਆਂ ਮੁਤਾਬਕ:
ਸਾਲ 2024-25 ਵਿੱਚ ਭਾਰਤ ਨੇ ਕੁੱਲ 7.46 ਲੱਖ ਟਨ ਮੂੰਗਫਲੀ ਐਕਸਪੋਰਟ ਕੀਤੀ ਸੀ, ਜਿਸ ਵਿੱਚੋਂ 2.77 ਲੱਖ ਟਨ ਇਕੱਲੇ ਇੰਡੋਨੇਸ਼ੀਆ ਗਈ ਸੀ।
ਸਾਲ 2025-26 (ਅਪ੍ਰੈਲ ਤੋਂ ਫਰਵਰੀ) ਦੌਰਾਨ ਵੀ 6.34 ਲੱਖ ਟਨ ਵਿੱਚੋਂ 1.54 ਲੱਖ ਟਨ ਮੂੰਗਫਲੀ ਇੰਡੋਨੇਸ਼ੀਆ ਭੇਜੀ ਗਈ।
ਹੁਣ ਨਵੇਂ ਨਿਯਮਾਂ ਕਾਰਨ ਅਗਲੇ ਕੁਝ ਮਹੀਨਿਆਂ ਲਈ ਇਹ ਬਰਾਮਦ ਪੂਰੀ ਤਰ੍ਹਾਂ ਰੁਕ ਸਕਦੀ ਹੈ।
APEDA ਦੀਆਂ ਕੋਸ਼ਿਸ਼ਾਂ ਨੂੰ ਲੱਗਿਆ ਝਟਕਾ
ਭਾਰਤੀ ਸੰਸਥਾ APEDA, ਜੋ ਖੇਤੀ ਉਤਪਾਦਾਂ ਦੀ ਬਰਾਮਦ ਵਧਾਉਣ ਲਈ ਕੰਮ ਕਰਦੀ ਹੈ, ਇੰਡੋਨੇਸ਼ੀਆਈ ਬਾਜ਼ਾਰ ਵਿੱਚ ਭਾਰਤ ਦੀ ਪਕੜ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਸੀ। ਪਰ ਇਸ ਫੈਸਲੇ ਨੇ ਉਨ੍ਹਾਂ ਸਾਰੀਆਂ ਕੋਸ਼ਿਸ਼ਾਂ 'ਤੇ ਪਾਣੀ ਫੇਰ ਦਿੱਤਾ ਹੈ। ਇਹ ਨਿਯਮ ਕੱਚੀ ਮੂੰਗਫਲੀ (ਦਾਣੇ ਅਤੇ ਛਿਲਕੇ ਵਾਲੀ) 'ਤੇ ਲਾਗੂ ਹੋਣਗੇ, ਹਾਲਾਂਕਿ ਭੁੰਨੀ ਹੋਈ ਮੂੰਗਫਲੀ ਨੂੰ ਇਸ ਤੋਂ ਛੋਟ ਦਿੱਤੀ ਗਈ ਹੈ।
ਪਹਿਲਾਂ ਵੀ ਲੱਗ ਚੁੱਕੀ ਹੈ ਰੋਕ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਇੰਡੋਨੇਸ਼ੀਆ ਨੇ ਅੜਿੱਕਾ ਡਾਇਆ ਹੋਵੇ। ਸਤੰਬਰ 2025 ਵਿੱਚ ਵੀ ਗੁਣਵੱਤਾ ਦਾ ਹਵਾਲਾ ਦਿੰਦੇ ਹੋਏ ਰੋਕ ਲਗਾਈ ਗਈ ਸੀ। ਉਸ ਸਮੇਂ ਮੂੰਗਫਲੀ ਵਿੱਚ ਅਫਲਾਟੌਕਸਿਨ (Aflatoxin) ਨਾਮਕ ਤੱਤ ਦੀ ਮਾਤਰਾ ਜ਼ਿਆਦਾ ਪਾਈ ਗਈ ਸੀ, ਜੋ ਸਿਹਤ ਲਈ ਹਾਨੀਕਾਰਕ ਮੰਨਿਆ ਜਾਂਦਾ ਹੈ।