1 ਅਪ੍ਰੈਲ ਤੋਂ ਬਦਲਣਗੇ ਸੋਨੇ ਨਾਲ ਜੁੜੇ ਇਹ ਨਿਯਮ, ਨਿਵੇਸ਼ਕਾਂ 'ਤੇ ਪਵੇਗਾ ਸਿੱਧਾ ਅਸਰ

ਨਵੀਂ ਦਿੱਲੀ: ਦੇਸ਼ ਭਰ ਵਿੱਚ 1 ਅਪ੍ਰੈਲ ਤੋਂ ਕਈ ਵੱਡੇ ਬਦਲਾਅ ਹੋਣ ਜਾ ਰਹੇ ਹਨ, ਜਿਨ੍ਹਾਂ ਵਿੱਚ ਸੋਨੇ ਦੇ ਨਿਵੇਸ਼ ਨਾਲ ਜੁੜੇ ਨਿਯਮ ਵੀ ਸ਼ਾਮਲ ਹਨ। ਇਸ ਬਦਲਾਅ ਦਾ ਸਭ ਤੋਂ ਵੱਡਾ ਅਸਰ ਉਨ੍ਹਾਂ ਲੋਕਾਂ 'ਤੇ ਪਵੇਗਾ ਜੋ ਡਿਜੀਟਲ ਤਰੀਕੇ ਨਾਲ ਸੋਨੇ ਵਿੱਚ ਨਿਵੇਸ਼ ਕਰਦੇ ਹਨ। ਸਰਕਾਰ ਹੁਣ ਸੋਵਰੇਨ ਗੋਲਡ ਬਾਂਡ (SGB) 'ਤੇ ਵੀ ਟੈਕਸ ਵਸੂਲੇਗੀ। ਹਾਲਾਂਕਿ, ਇਹ ਟੈਕਸ ਹਰ ਨਿਵੇਸ਼ਕ ਨੂੰ ਨਹੀਂ ਦੇਣਾ ਪਵੇਗਾ। ਮਿਲੀ ਜਾਣਕਾਰੀ ਅਨੁਸਾਰ, ਇਹ ਟੈਕਸ ਸਿਰਫ਼ ਉਨ੍ਹਾਂ ਲੋਕਾਂ 'ਤੇ ਲਾਗੂ ਹੋਵੇਗਾ ਜਿਨ੍ਹਾਂ ਨੇ ਸ਼ੁਰੂਆਤ ਤੋਂ ਐੱਸ.ਜੀ.ਬੀ. ਨਹੀਂ ਖਰੀਦਿਆ ਸੀ (ਸੈਕੰਡਰੀ ਮਾਰਕੀਟ ਤੋਂ ਖਰੀਦਿਆ ਹੈ)। ਜੇਕਰ ਕਿਸੇ ਵਿਅਕਤੀ ਨੇ ਇਸ਼ੂ ਦੇ ਸਮੇਂ ਤੋਂ ਹੀ ਐੱਸ.ਜੀ.ਬੀ. ਹੋਲਡ ਕੀਤਾ ਹੋਇਆ ਹੈ, ਤਾਂ ਉਸ ਨੂੰ ਕੋਈ ਟੈਕਸ ਨਹੀਂ ਦੇਣਾ ਪਵੇਗਾ।

ਇਹ ਟੈਕਸ ਕੈਪੀਟਲ ਗੇਨ (ਪੂੰਜੀਗਤ ਲਾਭ) ਦੇ ਆਧਾਰ 'ਤੇ ਲਿਆ ਜਾਵੇਗਾ, ਜਿਸ ਵਿੱਚ ਸ਼ਾਰਟ ਟਰਮ ਅਤੇ ਲੌਂਗ ਟਰਮ ਟੈਕਸ ਦੇ ਨਿਯਮ ਲਾਗੂ ਹੋਣਗੇ। ਮੌਜੂਦਾ ਸਮੇਂ ਵਿੱਚ ਜੇਕਰ ਤੁਸੀਂ ਸਿਲਵਰ ਜਾਂ ਗੋਲਡ ਈ.ਟੀ.ਐੱਫ. (ETF) ਖਰੀਦਦੇ ਹੋ, ਤਾਂ ਤੁਹਾਨੂੰ ਕੈਪੀਟਲ ਗੇਨ ਟੈਕਸ ਦੇਣਾ ਪੈਂਦਾ ਹੈ, ਅਤੇ ਹੁਣ ਇਹੀ ਨਿਯਮ ਐੱਸ.ਜੀ.ਬੀ. 'ਤੇ ਵੀ ਲਾਗੂ ਕੀਤਾ ਜਾ ਰਿਹਾ ਹੈ। ਅੱਜ ਬਾਜ਼ਾਰ ਬੰਦ ਹੋਣ ਕਾਰਨ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਕੋਈ ਤਾਜ਼ਾ ਬਦਲਾਅ ਨਹੀਂ ਹੋਇਆ ਹੈ। ਪਿਛਲੇ ਅੰਕੜਿਆਂ ਅਨੁਸਾਰ, ਚੰਡੀਗੜ੍ਹ ਵਿੱਚ 24 ਕੈਰੇਟ ਸੋਨੇ ਦੀ ਕੀਮਤ ਲਗਭਗ ₹1,45,260 ਅਤੇ ਪਟਨਾ ਵਿੱਚ ₹1,45,180 ਦਰਜ ਕੀਤੀ ਗਈ ਹੈ।

ਵੱਖ-ਵੱਖ ਸ਼ਹਿਰਾਂ ਵਿੱਚ ਸੋਨੇ ਅਤੇ ਚਾਂਦੀ ਦੇ ਭਾਅ

ਅੱਜ ਬਾਜ਼ਾਰ ਬੰਦ ਹੋਣ ਕਾਰਨ ਇਹ ਕੀਮਤਾਂ ਪਿਛਲੇ ਦਿਨ ਦੇ ਅੰਕੜਿਆਂ 'ਤੇ ਅਧਾਰਤ ਹਨ।