ਹਥਿਆਰਾਂ ਦੀ ਹੋੜ 'ਚ ਸੋਨਾ ਵੇਚ ਰਿਹਾ ਪੋਲੈਂਡ ! ਜਾਣੋ ਉੱਥੇ 24 ਕੈਰੇਟ ਸੋਨੇ ਦਾ ਕੀ ਹੈ ਭਾਅ, ਕੀ ਭਾਰਤ ਨਾਲੋਂ ਮਿਲ ਰਿਹਾ ਹੈ ਸਸਤਾ?

ਨਵੀਂ ਦਿੱਲੀ: ਹਾਲ ਹੀ 'ਚ ਪੋਲੈਂਡ ਨੇ ਐਲਾਨ ਕੀਤਾ ਹੈ ਕਿ ਉਹ ਸੋਨਾ ਵੇਚ ਕੇ ਹਥਿਆਰ ਖਰੀਦੇਗਾ। ਪੋਲੈਂਡ ਦੇ ਸੈਂਟਰਲ ਬੈਂਕ ਦੇ ਗਵਰਨਰ ਐਡਮ ਗਲੈਪਿੰਸਕੀ ਨੇ ਇਕ ਪ੍ਰਸਤਾਵ ਪੇਸ਼ ਕੀਤਾ ਹੈ ਜਿਸ ਤਹਿਤ ਦੇਸ਼ ਦੇ ਰਾਸ਼ਟਰਪਤੀ ਵੱਲੋਂ ਰੱਖੇ ਗਏ ਪ੍ਰਸਤਾਵ ਅਨੁਸਾਰ, ਰੱਖਿਆ ਖਰਚਿਆਂ ਨੂੰ ਪੂਰਾ ਕਰਨ ਲਈ ਸੋਨੇ ਦੇ ਭੰਡਾਰ ਦੀ ਵਿਕਰੀ ਤੋਂ 48 ਅਰਬ ਜ਼ਲੌਟੀ (13 ਅਰਬ ਡਾਲਰ) ਤਕ ਦੀ ਰਾਸ਼ੀ ਜੁਟਾਈ ਜਾਵੇਗੀ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਪੋਲੈਂਡ ਵਿੱਚ ਸੋਨੇ-ਚਾਂਦੀ ਦਾ ਭਾਅ ਕਿੰਨਾ ਹੈ? ਆਓ ਜਾਣਦੇ ਹਾਂ।

ਸੋਨੇ ਦਾ ਰੇਟ ਕਿੰਨਾ ਹੈ?

ਪੋਲੈਂਡ ਵਿੱਚ 1 ਗ੍ਰਾਮ ਸੋਨੇ ਦਾ ਰੇਟ 504.65 ਜ਼ਲੌਟੀ ਹੈ, ਜੋ ਭਾਰਤੀ ਕਰੰਸੀ 'ਚ 12,758.5 ਰੁਪਏ ਬਣਦੇ ਹਨ। ਦਰਅਸਲ, ਇਸ ਸਮੇਂ ਇਕ ਜ਼ਲੌਟੀ 25.28 ਰੁਪਏ ਦੇ ਬਰਾਬਰ ਹੈ।

ਕਿੱਥੇ ਹੈ ਸਸਤਾ ਸੋਨਾ?

ਪੋਲੈਂਡ 'ਚ 10 ਗ੍ਰਾਮ ਸੋਨੇ ਦਾ ਰੇਟ 5,046.5 ਜ਼ਲੌਟੀ ਹੈ, ਜੋ ਭਾਰਤੀ ਕਰੰਸੀ 'ਚ 1,27,585.17 ਰੁਪਏ ਬਣਦੇ ਹਨ। ਦੂਜੇ ਪਾਸੇ, ਭਾਰਤ 'ਚ ਸੋਨੇ ਦਾ ਰੇਟ 1,35,141 ਰੁਪਏ ਪ੍ਰਤੀ 10 ਗ੍ਰਾਮ ਹੈ। ਯਾਨੀ ਪੋਲੈਂਡ ਦੇ ਮੁਕਾਬਲੇ ਭਾਰਤ 'ਚ ਸੋਨਾ ਮਹਿੰਗਾ ਹੈ। ਆਓ ਹੁਣ ਚਾਂਦੀ ਦੇ ਰੇਟ 'ਤੇ ਨਜ਼ਰ ਮਾਰਦੇ ਹਾਂ।

ਪੋਲੈਂਡ ਵਿੱਚ ਚਾਂਦੀ ਦਾ ਰੇਟ ਕਿੰਨਾ?

ਜੇਕਰ ਚਾਂਦੀ ਦੀ ਗੱਲ ਕਰੀਏ ਤਾਂ ਪੋਲੈਂਡ 'ਚ ਇਕ ਕਿੱਲੋ ਚਾਂਦੀ ਦਾ ਰੇਟ 7,636.12 ਜ਼ਲੌਟੀ ਹੈ, ਜੋ ਭਾਰਤੀ ਕਰੰਸੀ 'ਚ 1,93,055.72 ਰੁਪਏ ਬਣਦੇ ਹਨ। ਉੱਥੇ ਹੀ ਭਾਰਤ ਵਿੱਚ ਚਾਂਦੀ ਦਾ ਰੇਟ 2,01,500 ਰੁਪਏ ਪ੍ਰਤੀ ਕਿੱਲੋ ਹੈ। ਯਾਨੀ ਸੋਨੇ ਦੀ ਤਰ੍ਹਾਂ ਚਾਂਦੀ ਦਾ ਰੇਟ ਵੀ ਭਾਰਤ ਵਿੱਚ ਪੋਲੈਂਡ ਦੇ ਮੁਕਾਬਲੇ ਜ਼ਿਆਦਾ ਹੈ।

ਸਰਕਾਰ ਜੁਟਾ ਰਹੀ ਹੈ ਫੰਡ

ਗਲੈਪਿੰਸਕੀ ਨੇ ਪੋਲੈਂਡ ਦੇ ਰਾਸ਼ਟਰਪਤੀ ਨੂੰ ਦੱਸਿਆ ਕਿ ਪੋਲੈਂਡ ਦਾ ਨੈਸ਼ਨਲ ਬੈਂਕ ਆਪਣੇ ਲਗਪਗ 550 ਟਨ ਸੋਨੇ ਦੇ ਭੰਡਾਰ ਵਿੱਚੋਂ ਕੁਝ ਹਿੱਸਾ ਵੇਚ ਕੇ ਮੁਨਾਫਾ ਕਮਾ ਸਕਦਾ ਹੈ, ਜਿਸ ਨੂੰ ਉਹ ਬਾਅਦ ਵਿੱਚ ਵਾਪਸ ਖਰੀਦ ਸਕਦਾ ਹੈ। ਸੈਂਟਰਲ ਬੈਂਕ ਦੇ ਹੋਰ ਸਰੋਤਾਂ ਤੋਂ 12 ਅਰਬ ਜ਼ਲੌਟੀ ਹੋਰ ਮਿਲ ਸਕਦੇ ਹਨ, ਜਿਸ ਨਾਲ ਇਕੱਲੇ ਇਸ ਸਾਲ ਹੀ ਰੱਖਿਆ ਖੇਤਰ ਲਈ ਪੋਲੈਂਡ ਦੀ ਸਰਕਾਰ ਨੂੰ 60 ਅਰਬ ਜ਼ਲੌਟੀ ਤੱਕ ਦੀ ਵਾਧੂ ਫੰਡਿੰਗ ਉਪਲਬਧ ਹੋ ਸਕਦੀ ਹੈ।